Árs- og sjálf­bærni­skýrsla Lands­bank­ans kom­in út

Í árs- og sjálfbærniskýrslu Landsbankans fyrir árið 2022 er fjallað um það sem hæst bar í rekstri bankans á árinu, nýjungar og breytingar á þjónustu, áframhaldandi sjálfbærnivinnu, fjármögnun, áhættustjórnun og ýmislegt fleira.

Skýrslan er gefin út á vefnum en þannig er hún auðlæsilegri og aðgengilegri. Meðal þess sem við fjöllum um í skýrslunni er:

• Einstaklingum sem eru í virkum viðskiptum við bankann fjölgaði um 5,2% á árinu og voru um áramót 121.600. Hlutdeild bankans á einstaklingsmarkaði mældist 40,1% og hefur aldrei verið hærri.
• Fyrirtækjum og félögum í viðskiptum við bankann fjölgaði um hátt í 2.000.
• Við héldum áfram að bæta stafrænu lausnirnar okkar og notkun á appinu okkar jókst um rúmlega 23% hjá einstaklingum en um 168% hjá fyrirtækjum.
• Við erum með um 50% hlutdeild í fjármögnun nýrra íbúða og fjármögnuðum byggingu á ríflega 4.300 íbúðum á árinu.
• Mikil ánægja er með þær uppfærslur sem við gerðum á verðbréfavirkni í appinu og netbankanum og viðskiptavinum í eignastýringu og miðlun hélt áfram að fjölga.
• Árið 2022 héldum við sjálfbærnidag Landsbankans í fyrsta skipti, áætluðum losun gróðurhúsalofttegunda frá útlánum okkar í annað sinn og skuldbundum okkur til að setja vísindaleg loftslagsmarkmið.
• Við tökum þátt í margvíslegum verkefnum sem stuðla að uppbyggingu og framþróun í samfélaginu, m.a. í gegnum Sjálfbærnisjóð og Samfélagssjóð Landsbankans en bankinn er einn umsvifamesti styrktaraðili landsins.
• Við birtum uppgjör fyrir árið 2022 þann 2. febrúar sl. Samhliða birtum við áhættuskýrslu (Pillar III) og ítarlegar upplýsingar um sjálfbærnivinnu bankans, m.a. GRI-skýrslu sem var endurskoðuð af Deloitte. Var það í fyrsta sinn sem sjálfbærniupplýsingar eru endurskoðaðar með þeim hætti hér á landi.

Opna árs- og sjálfbærniskýrslu Landsbankans