Árs- og sjálf­bærni­skýrsla Lands­bank­ans kom­in út

Árs- og sjálfbærniskýrsla Landsbankans er sem fyrr gefin út á vefnum á íslensku og ensku. Meðal efnis í skýrslunni:

• Á árinu 2024 héldum við áfram að bæta við nýjungum í Landsbankaappið og gera þjónustu bankans enn notendavænni og auðveldari í notkun. 
• Nýju spjallmenni bankans var vel tekið, við héldum áfram að efla netöryggi og tækniumhverfi bankans var styrkt enn frekar, sem eykur skilvirkni og sveigjanleika í rekstri.  
• Við studdum við fjárfestingar fyrirtækja, góður gangur var í fyrirtækjaráðgjöf og sífellt fleiri fyrirtæki velja færsluhirðingu Landsbankans. 
• Umsvif eignastýringar bankans jukust á árinu og árangurinn var góður.  
• Á árinu var kynnt ný virkni í appinu sem gerir viðskiptavinum kleift að sækja um bæði viðbótar- og skyldulífeyrissparnað, breyta um ávöxtunarleið á mjög einfaldan hátt og sjá ítarleg yfirlit yfir greiðslur og réttindi. Þessari nýju virkni var vel tekið af viðskiptavinum og hefur fjöldi nýrra samninga um lífeyrissparnað ekki verið meiri á einu ári.  
• Við héldum vel sótta fræðslufundi víða um land, m.a. um leiðir til að stækka fyrirtæki, um lífeyrismál, netöryggi o.fl. 
• Við lögðum enn meiri áherslu á að nýta sérfræðiþekkingu okkar öfluga starfsfólks á landsbyggðinni til að veita viðskiptavinum þjónustu, óháð því hvar þeir búa á landinu. 
• Rekstur Landsbréfa, dótturfélags bankans gekk vel á árinu 2024, þrátt fyrir krefjandi aðstæður á mörkuðum. 
• Við tókun þátt í margvíslegum verkefnum sem stuðla að uppbyggingu og framþróun í samfélaginu og við horfðum til þess að styðja við íþróttastarf, menningu og listir til viðbótar við sjálfbærni, góðgerðarmál og menntamál. 
• Í skýrslunni er einnig fjallað um öflugt sjálfbærnistarf bankans, m.a. um staðfestingu á vísindalegum loftslagsmarkmiðum, kolefnisspor bankans og áætlaða losun gróðurhúsalofttegunda vegna útlána.