Vikan framundan
- Á þriðjudag birtir Hagstofan launavísitölu fyrir október.
- Á fimmtudag birtir Hagstofan nóvembermælingu vísitölu neysluverðs. Við eigum von á að verðbólgan hækki úr 4,5% í 5,0%. Auk þess birtir Hagstofan tölur um vöru- og þjónustuviðskipti á 3. ársfjórðungi og niðurstöður úr vinnumarkaðsrannsókn sinni fyrir október. Síldarvinnslan birtir uppgjör.
Mynd vikunnar
Óhætt er að segja að verðbólguhorfur hafi versnað verulega eftir því sem liðið hefur á árið í ár. Í verðbólguspá sem Seðlabankinn birti í febrúar gerði bankinn ráð fyrir að verðbólgan myndi toppa á 1. ársfjórðungi í ár og vera komin niður í markmið ári seinna. Í næstu þremur spám sem bankinn birti hækkaði hann verðbólguspá sína verulega. Í nýjustu spá er ekki gert ráð fyrir að verðbólgumarkmið náist á spátímabilinu. Þetta eru þær spár sem að peningastefnunefnd horfir á við vaxtaákvarðanir, en nefndin hefur hækkað vexti um 1,25 prósentustig frá því í maí.
Efnahagsmál
- Peningastefnunefnd Seðlabanka Íslands hækkaði vexti bankans um 0,50 prósentustig í síðustu viku og eru meginvextir bankans, vextir á sjö daga bundnum innlánum, 2,0% eftir ákvörðunina. Þetta var meiri hækkun en við áttum von á, en við höfðum spáð 0,25 prósentustiga hækkun.
- Samhliða vaxtákvörðuninni birti Seðlabankinn nóvemberhefti Peningamála með nýrri þjóðhags- og verðbólguspá. Bankinn hækkaði spá sína um bæði hagvöxt og verðbólgu á næstutveimur árum frá síðustu Peningamálum, sem komu út í ágúst.
- Vísitala íbúðaverðs hækkaði um 1,4% milli mánaða í október. Fjölbýli hækkaði um 1,6% milli mánaða og sérbýli um 0,5%. Hækkunin milli mánaða á sérbýli er óvenjulítil en frá því í mars hefur sérbýli að jafnaði hækkað um rúm 2% milli mánaða. Hækkunin á fjölbýli er hins vegar sú mesta milli mánaða síðan í apríl á þessu ári. Árshækkun vísitölu íbúðaverðs er 17,1% og hækkar um 0,5 prósentustig frá fyrri mánuði, þar af er árshækkun sérbýlis 21% og fjölbýlis 15,8%. Vísitala leiguverðs stóð hins vegar í stað milli mánaða í október.
- Mikill vöxtur mældist í kortaveltu Íslendinga í október. Samanlagt jókst kortavelta um 24% milli ára miðað við fast gengi og fast verðlag. Þar af jókst velta innanlands um 14% og velta erlendis jókst um 106%. Sé miðað við októbermánuð 2019, áður en faraldurinn skall á, mælist 13% aukning innanlands og 2% samdráttur erlendis. Við erum því nánast farin að eyða jafn miklu erlendis og var fyrir faraldur. Á sama tíma heldur neysla innanlands áfram að aukast.
- Hagstofan birti þjónustujöfnuð í ágúst, afla í október, skammtímavísa ferðaþjónustu í nóvember, tilraunatölfræði um látna eftir vikum og tilraunatölfræði um heimilsstörf.
- Húsnæðis- og mannvirkjastofnun birti niðurstöður úr könnun á stöðu leigjenda.
- Landsvirkjun birtu uppgjör fyrir fyrstu 9 mánuði ársins.
Fjármálamarkaðir
- Reitir, Brim og Iceland Seafood birtu uppgjör í síðustu viku.
- Arion banki og Marel héldu fjárfestadaga.
- Lánamál ríkisins héldu útboð ríkisvíxla og ríkisbréfa, Landsbankinn gaf út græn skuldabréf í evrum og Íslandsbanki stækkaði áður útgefinn grænan skuldabréfaflokk.
- Sértryggð skuldabréf Arion banka í evrum eru komin á lista yfir hæfar tryggingar í viðskiptum við Evrópska seðlabankann.
Hagtölur og markaðsupplýsingar
![Epli](https://images.prismic.io/landsbankinn/04574322-2aa9-457d-a6ef-c31bea18abe6_Graen-epli.jpg?fit=max&w=3840&&q=50)
![Evrópsk verslunargata](https://images.prismic.io/landsbankinn/e83ba1d5-c520-4007-8926-cb75f4fd86b8_iStock-1388039756-Holland-verslunargata.jpg?fit=max&w=3840&&q=50)
![Hús í Reykjavík](https://images.prismic.io/landsbankinn/5024e55f-16d3-43f9-b606-ab01dbe5921f_hus-reykjavik-1920.jpg?fit=max&w=3840&&q=50)
![Gönguleið](https://images.prismic.io/landsbankinn/33cdc5f2-10ba-4d29-a88e-3db117f83c02_Gullfoss-gonguleid.jpg?fit=max&w=3840&&q=50)
![Fataverslun](https://images.prismic.io/landsbankinn/1da63ef3-f754-4e33-85b0-ae3d774b3971_Fataverslun.jpg?fit=max&w=3840&&q=50)
![](https://images.prismic.io/landsbankinn/a923b976-0b6c-45a6-b7b7-b7efbe46320a_Landsbankinn_Irma_Abstrakt_016.jpg?fit=max&w=3840&rect=397,396,745,559&q=50)
![](https://images.prismic.io/landsbankinn/028a0757-28f9-4183-b615-499104716808_Landsbankinn_Irma_Abstrakt_018.jpg?fit=max&w=3840&rect=0,140,1168,876&q=50)
![Litríkir bolir á fataslá](https://images.prismic.io/landsbankinn/0715ffd5-f0a2-446e-bbf1-561d88cd1730_Fataverslun-bolir-varasamt-kortagengi.jpg?fit=max&w=3840&rect=240,0,1440,1080&q=50)
![Flugvél á flugvelli](https://images.prismic.io/landsbankinn/c68d10e5-e50c-4447-8778-bd06a35cab8f_Jet-Brussels-iStock-1161966623.jpg?fit=max&w=3840&rect=1119,770,2455,1841&q=50)
![](https://images.prismic.io/landsbankinn/2fffc01a-44b7-44ee-bdc1-b8bd2c29c1ea_5.jpg?fit=max&w=3840&rect=55,0,1708,1281&q=50)