Vikubyrjun 21. júní 2021
Samdrátturinn í ferðaþjónustu í fyrra kom misilla niður á atvinnugreinum ferðaþjónustunnar. Í þeim greinum þar sem aukin neysla innlendra ferðamanna vóg að hluta til á móti samdrætti vegna fækkunar erlendra ferðamanna var minni samdráttur milli ára en í þeim þar sem samdráttur í neyslu innlendra ferðamanna lagðist ofan á samdrátt í neyslu erlendra ferðamanna.
21. júní 2021 - Hagfræðideild
Vikan framundan
- Á miðvikudag birtir Hagstofan vísitölu launa.
- Á fimmtudag birtir Hagstofan niðurstöður úr mánaðarlegri vinnumarkaðsrannsókn sinni.
- Á föstudag birta Hagar árshlutauppgjör fyrir tímabilið 1. mars til 31. maí.
Mynd vikunnar
Samdrátturinn í ferðaþjónustu í fyrra kom misilla niður á greinum innan ferðaþjónustunnar. Í gistiþjónustu, veitingaþjónustu og í afþreyingu og tómstundastarfsemi vóg aukin neysla innlendra ferðamanna að hluta til á móti samdrætti vegna fækkunar erlendra ferðamanna. Í öðrum atvinnugreinum ferðaþjónustu lagðist samdráttur í neyslu innlendra ferðamanna ofan á samdrátt í neyslu erlendra ferðamanna.
Það helsta frá síðustu viku
- Hlutafjárútboði Íslandsbanka lauk í vikunni.
- Vísitala íbúðaverðs hækkaði um 1,6% milli mánaða í maí.
- Opinberar fjárfestingar jukust um 22,2% milli ára að nafnvirði á 1. ársfj.
- Bandaríkjamenn voru helmingur af brottförum erlendra ferðamanna í maí.
- Hagstofan birti afkomu hins opinbera á 1. ársfj., kaupmátt ráðstöfunartekna á 1. ársfj., afla í maí og hliðarreikninga ferðaþjónustu fyrir 1. ársf.
- Seðlabankinn birti greiðslumiðlun í maí.
- Hagdeild HMS birti mánaðarskýrslu.
- Samtök atvinnulífsins birtu könnun meðal stjórnenda stærstu 400 fyrirtækja.
Hagtölur og markaðsupplýsingar
Þú gætir einnig haft áhuga á
25. sept. 2023
Vísitala íbúðaverðs á höfuðborgarsvæðinu hækkaði um 0,7% milli mánaða í ágúst, samkvæmt gögnum sem HMS birti í síðustu viku. Vísitalan lækkaði þó nokkuð í júní og júlí og hækkunin kom því nokkuð á óvart. Í næstu viku ber hæst birting Hagstofunnar á vísitölu neysluverðs á fimmtudag.
20. sept. 2023
Vísitala íbúðaverðs hækkaði um 0,7% milli mánaða í ágúst. Árshækkun vísitölunnar fór úr 0,8% í 2,0%. Undirritaðir kaupsamningar á höfuðborgarsvæðinu voru 9,6% færri í júlí en í sama mánuði í fyrra. Vísitalan er hærri en við gerðum ráð fyrir við gerð verðbólguspár fyrir septembermánuð og því færum við hana upp og spáum 7,8% ársverðbólgu í stað 7,7%.
18. sept. 2023
Um 282 þúsund erlendir ferðamenn fóru um Keflavíkurflugvöll í ágúst. Ef sumarmánuðirnir eru teknir saman hafa aðeins einu sinni komið fleiri ferðamenn að sumri, árið 2018. Samkvæmt nýjustu þjóðhagsreikningum Hagstofunnar jókst þjónustuútflutningur á fyrstu tveimur fjórðungum ársins um 21%, og má rekja allan þann vöxt til ferðaþjónustunnar.
18. sept. 2023
Í síðustu viku komu tölur um brottfarir frá Leifsstöð, skráð atvinnuleysi og veltu greiðslukorta. Í þessari viku ber hæst vísitala íbúðaverðs, sem kemur á þriðjudag, og yfirlýsing fjármálastöðugleikanefndar Seðlabanka Íslands, sem gefin verður út á miðvikudaginn.
15. sept. 2023
Nýjar kortaveltutölur bera með sér frekari vísbendingar um að verulega sé að hægja á innlendri eftirspurn. Heildarkortavelta íslenskra heimila dróst saman um 3,4% milli ára í ágúst. Kortavelta Íslendinga innanlands var 4,3% minni en í ágúst í fyrra á föstu verðlagi og hefur nú dregist saman sex mánuði í röð. Erlendis jókst kortavelta Íslendinga um 0,7% á milli ára og kortaveltujöfnuður er jákvæður um 19,2 milljarða.
14. sept. 2023
Við spáum því að vísitala neysluverðs hækki um 0,07% milli mánaða í september og að ársverðbólga standi í stað og verði áfram 7,7%. Útsölulok hafa aftur mest áhrif til hækkunar milli mánaða í september samkvæmt spánni. Það sem helst dregur spána niður er árstíðabundin lækkun á flugfargjöldum til útlanda. Við gerum ráð fyrir að verðbólga lækki áfram næstu mánuði og verði 6,6% í desember.
11. sept. 2023
Í síðustu viku birti Seðlabankinn fundargerð peningastefnunefndar. Samkvæmt henni greiddi einn nefndarmaður atkvæði gegn tillögu seðlabankastjóra um að hækka vexti um 0,50 prósentustig á síðasta fundi nefndarinnar og hefði heldur kosið að hækka þá um 0,25 prósentustig. Í þessari viku berast gögn yfir fjölda brottfara um Leifsstöð, skráð atvinnuleysi og kortaveltu.
4. sept. 2023
Meðfylgjandi er mánaðarlegt yfirlit um sértryggð skuldabréf.
4. sept. 2023
Verðbólga jókst úr 7,6% í 7,7% samkvæmt ágústmælingu Hagstofunnar. Hagvöxtur mældist 4,5% á öðrum ársfjórðungi samkvæmt nýjum þjóðhagsreikningum sem Hagstofan birti í vikunni, en hagvöxtur á fyrsta ársfjórðungi mældist 7,1%. Minni vöxtur einkaneyslu skýrir að stórum hluta minni hagvöxt á öðrum ársfjórðungi.
31. ágúst 2023
Hagvöxtur mældist 4,5% á öðrum ársfjórðungi, samkvæmt fyrsta mati Hagstofunnar. Eins og við var að búast benda tölurnar til þess að hægt hafi á hagkerfinu, en hagvöxtur mældist 7,1% á fyrsta ársfjórðungi. Vaxtahækkanir hafa tekið að tempra innlenda eftirspurn á sama tíma og hægt hefur á vexti kaupmáttar á síðustu misserum. Einkaneysla jókst örlítið en vegna hraðrar fólksfjölgunar dróst hún saman á mann.