14. júní 2021 - Greiningardeild
Vikan framundan
- Á þriðjudag klukkan 12 lýkur hlutafjárútboð Íslandsbanka. Þjóðskrá birtir einnig maímælingu vísitölu íbúðaverðs þennan dag.
- Á miðvikudag birtir Seðlabankinn tölur um greiðslumiðlun.
Mynd vikunnar
Stefnt er að því að taka hlutbréf í Íslandsbanka til viðskipta í kauphöllinni eftir að hlutafjárútboði í félaginu líkur. Samkvæmt útboðslýsingu er áætlað að verðið verði á bilinu 71 kr. og 79 kr. á hlut, en endanlegt útboðsgengi mun verða ákveðið í tilboðsferli. Miðað við þetta verðbil mun markaðsvirði bankans verða á bilinu 142 til 158 milljarðar króna. Bankinn mun þá verða þriðja stærsta félagið í Kauphöllinni á eftir Marel og Arion banka.
Það helsta frá vikunni sem leið
- Við spáum 4,3% verðbólgu júní.
- Íslandsbanki birti tilkynningu um verðbil og lýsingu vegna hlutafjárútboðs, um að áskriftir hafi borist í alla hluti sem í boði voru og um leiðbeinandi lokaverð.
- Frá því að Seðlabankinn hóf að lækka vexti í fyrra hafa heimilin í landinu aukið töku óverðtryggðra íbúðalána á breytilegum vöxtum.
- Skráð atvinnuleysi var 9,1% í maí en var 10,4% í apríl.
- Álverð hefur ekki verið hærra í áratug.
- Helstu stuðningsaðgerðir stjórnvalda vegna heimsfaraldursins nema nú ríflega 95 mö.kr.
- 14.400 erlendir ferðamenn fóru um Leifsstöð í maí.
- Icelandair birti flutningstölur fyrir maí.
- Icelandair gekk frá sölu á öll hlutafé í Iceland Travel.
- Framkvæmdastjórn Alþjóðagjaldeyrissjóðsins lauk reglubundinni umræðu um Ísland.
- Seðlabankinn birti útreikning á raungengi í maí, fjármálareikninga fjármálafyrirtækja fyrir 1. ársf. og gagnatöflur vátryggingafélaga fyrir 1. ársfj.
- Hagstofan birti aflaverðmæti á 1. ársfjórðungi, tilraunatölfræði um gistinætur á hótelum í maí, fjármál hins opinbera á 1. ársfjórðungi og ráðstöfunartekjur heimilisgeirans.
- Lánmál ríkisins birtu Markaðsupplýsingar.
- Orkuveita Reykjavíkur stækkaði grænan skuldabréfaflokk, Landsbankinn lauk útboði sértryggðra skuldabréfa.
Hagtölur og markaðsupplýsingar
Þú gætir einnig haft áhuga á
29. maí 2026
Landsframleiðsla jókst um 2,7% á milli ára að raunvirði á fyrsta fjórðungi ársins. Mest var framlag utanríkisviðskipta til hagvaxtar sem skýrist að mestu af auknum umsvifum gagnavera. Einkaneysla jókst einnig á fjórðungnum þó hægt hafi á vexti hennar.
28. maí 2026
Vísitala neysluverðs hækkaði um 0,07% á milli mánaða og verðbólga lækkar því úr 5,2% í 5,1%. Við höfðum spáð því að verðbólga myndi lækka í 4,9%. Hækkun á flugfargjöldum hafði mest áhrif til hækkunar á ársverðbólgu í mánuðinum en lækkun á virðisaukaskatti á eldsneyti hafði mest áhrif til lækkunar. Án lækkunarinnar á virðisaukaskatti hefði verðbólga mælst 5,5%. Athygli vekur að verð á mat og drykk lækkaði á milli mánaða, annan mánuðinn í röð.
27. maí 2026
Þrátt fyrir minna flugframboð um Keflavíkurflugvöll hafa jafn margir erlendir ferðamenn farið um flugvöllinn fyrstu fjóra mánuði ársins í ár og í fyrra. Á móti fara færri tengifarþegar um flugvöllinn og utanlandsferðir Íslendinga hafa dregist verulega saman. Þó sumarið líti ágætlega út er meiri óvissa um haustið.
26. maí 2026
Peningastefnunefnd hækkaði vexti bankans um 0,25 prósentustig í síðustu viku, líkt og við höfðum spáð. Nú í vikunni koma verðbólgutölur og þjóðhagsreikningar.
20. maí 2026
Peningastefnunefnd hækkaði stýrivexti um 0,25 prósentustig annað skiptið í röð og segist tilbúin til að hækka vexti enn frekar. Efnahagshorfur hafa þó versnað verulega að mati bankans, en verðbólguspá var hækkuð í nýútgefnum Peningamálum og hagvaxtaspá lækkuð auk þess sem gert er ráð fyrir auknu atvinnuleysi. Kólnunin í hagkerfinu mun þó gera það að verkum að hættan á aukinni verðbólgu fram á við er minni.
19. maí 2026
Kortavelta íslenskra heimila dróst verulega saman á milli ára í apríl, eða um alls 5,8% að teknu tilliti til verðlags og gengis. Svo mikill samdráttur hefur ekki mælst síðan í febrúar 2021. Peningastefnunefnd fundar í dag vegna vaxtaákvörðunar á morgun, en við gerum áfram ráð fyrir 0,25 prósentustiga hækkun vaxta.
18. maí 2026
Í vikunni fram undan er vaxtaákvörðun hjá Seðlabanka Íslands og við spáum 0,25 prósentustiga hækkun. Fjöldi ferðamanna á fyrstu fjórum mánuðum ársins var svipaður og á sama tímabil í fyrra samkvæmt tölum sem birtust í síðustu viku. Utanlandsferðum Íslendinga hefur aftur á móti fækkað töluvert. Atvinnuleysi heldur áfram að aukast á milli ára.
13. maí 2026
Við spáum því að peningastefnunefnd Seðlabanka Íslands hækki vexti um 0,25 prósentustig í næstu viku. Verðbólga er enn yfir markmiði og verðbólguvæntingar hafa reynst þrálátar. Að okkar mati mun það ráða mestu um að nefndin haldi áfram vaxtahækkunarferlinu sem hófst í mars.
12. maí 2026
Við spáum því að vísitala neysluverðs lækki um 0,13% á milli mánaða í maí. Gangi spáin eftir mun verðbólga lækka úr 5,2% í 4,9%. Lægra eldsneytisverð vegna lækkunar á virðisaukaskatti og lækkun flugfargjalda hafa mest áhrif til lækkunar á milli mánaða samkvæmt spánni. Við spáum að verðbólga mælist 4,9% í ágúst og kjarasamningar því mögulega í húfi.
11. maí 2026
Starfandi samkvæmt skrám fækkaði á milli ára. Frjósemi á Íslandi síðastliðin tvö ár hefur ekki mælst minni síðan mælingar hófust. Í þessari viku fáum við m.a. ferðamannatölur og atvinnuleysi ásamt uppgjörum frá félögum.