Vikubyrjun 11. febrúar
Fjöldi erlendra ferðamanna nam 139 þúsund í janúar og fækkaði um 5,8% miðað við sama mánuð í fyrra. Þetta er einungis í annað sinn sem ferðamönnum fækkar á 12 mánaða grundvelli síðan í september árið 2010, en hitt skiptið var í apríl á síðasta ári, þegar ferðamönnum fækkaði um 3,9%. Fækkunin nú í janúar var hlutfallslega sú mesta á 12 mánaða grundvelli síðan í maí 2010.
11. febrúar 2019
Vikan framundan
- Í dag birta Lánamál ríkisins markaðsupplýsingar.
- Á morgun birtir Eik ársuppgjör.
- Á miðvikudaginn birta Arion banki og Íslandsbanki ársuppgjör.
- Á fimmtudag birta Heimavellir ársuppgjör. Þá koma einnig tölur yfir greiðslumiðlun frá Seðlabankanum.
- Á föstudag birta Sjóvá og TM ársuppgjör.
Mynd vikunnar
Fjöldi erlendra ferðamanna nam 139 þúsund í janúar og fækkaði um 5,8% miðað við sama mánuð í fyrra. Þetta er einungis í annað sinn sem að ferðamönnum fækkar á 12 mánaða grundvelli síðan í september árið 2010, en hitt skiptið var í apríl á síðasta ári, þegar ferðamönnum fækkaði um 3,9%. Fækkunin nú í janúar var hlutfallslega sú mesta á 12 mánaða grundvelli síðan í maí 2010. Bandaríkjamenn eru flestir erlendra ferðamanna en 30% ferðamanna á síðasta ári voru Bandaríkjamenn. Komum Bandaríkjamanna fækkaði um 11,9% í janúar sem er mesta fækkun þeirra síðan í janúar 2010.
Það helsta frá vikunni sem leið
- Stýrivöxtum Seðlabankans var haldið óbreyttum en jafnframt kom út lítil útgáfa Peningamála með uppfærðri verðbólgu- og þjóðhagsspá. Seðlabankinn færði hagvaxtarspá sína fyrir þetta ár niður, úr 2,7% í 1,8%.
- Erlendum ferðamönnum fækkaði um 5,8% í janúar frá sama mánuði í fyrra.
- Landsbankinn, Icelandair og Marel birtu ársuppgjör.
- Atvinnuleysi mældist 2,4% á fjórða ársfjórðungi.
- Icelandair birti flutningstölur fyrir janúar.
- Hagstofan birti tölur um:
- Arion banki lauk útboði sértryggðra skuldabréfa og Orkuveita Reykjavíkur gaf út græn skuldabréf.
Hagtölur og markaðsupplýsingar
Hagtölur 11. febrúar 2019 (PDF)
Þú gætir einnig haft áhuga á
29. okt. 2026
Vísitala neysluverðs hækkaði um 0,44% á milli mánaða í október og verðbólga mælist áfram 5,9%, í takt við okkar spá. Verðbólga án húsnæðis mælist nú einnig 5,9%. Mikil hækkun á eldsneyti er áfram helsti drifkraftur verðbólgunnar.
26. okt. 2026
Íbúðaverð hækkaði um rúmlega 1% og leiguverð lækkaði um tæplega 1% á milli mánaða í september. Í næstu viku birtir Hagstofan verðbólgumælingu októbermánaðar og ýmis félög birta uppgjör.
21. okt. 2026
Framboð íbúða hefur aukist og dregið hefur úr eftirspurn. Við gerum ráð fyrir að íbúðamarkaður verði rólegur og að verðhækkanir verða hóflegar á næstu misserum. Raunverð íbúða hefur lækkað ellefu mánuði í röð miðað við vísitölu neysluverðs án húsnæðis. Við gerum ráð fyrir samdrætti í íbúðafjárfestingu í ár og á næsta ári.
19. okt. 2026
Greiðslukortavelta heimilanna jókst um 0,9% á milli ára og áfram er mikil aukning í kortaveltu Íslendinga erlendis. Ný loðnuráðgjöf dregur talsvert úr ráðlögðum veiðum en upphaflega ráðgjöfin gerði ráð fyrir. Í dag birtum við hagspá til ársins 2029.
19. okt. 2026
Við spáum því að hagvöxtur verði afar hófstilltur í ár og á næsta ári, eða 1,3% og 1,5%. Aukin verðbólga, sem á einna helst rætur að rekja til stríðsátaka úti í heimi og gjaldahækkana innanlands, hefur ýtt vaxtastiginu upp og hægt á hagkerfinu. Atvinnuleysi hefur aukist og vinnumarkaðurinn sýnir skýr merki kólnunar.
15. okt. 2026
Við spáum því að vísitala neysluverðs hækki um 0,49% í október og að ársverðbólga standi í stað í 5,9%. Hækkun á eldsneytisverði skýrir hækkunina að langmestu leyti. Nýtt komugjald í sjúkra-, tal-, og iðjuþjálfun hefur einnig áhrif til hækkunar. Á móti gerum við ráð fyrir að reiknuð húsaleiga og flugfargjöld til útlanda hafi áhrif til lækkunar á milli mánaða, sem ná þó ekki að vega upp hækkun á eldsneytisverði.
12. okt. 2026
Peningastefnunefnd ákvað að halda vöxtum óbreyttum í síðustu viku. Fjöldi starfandi stóð nánast í stað á milli ára í ágúst og skráð atvinnuleysi í september var 0,5 prósentustigum hærra en í fyrra.
7. okt. 2026
Peningastefnunefnd hélt vöxtum óbreyttum og ákvörðunin var einróma. Verðbólga hefur hækkað á milli funda, úr 5,3% í 5,9%, sem rekja má til átakanna í Mið-Austurlöndum og opinberra hækkana. Hækkunin hefur verið í takt við væntingar.
5. okt. 2026
Verðbólga mældist 5,9% í september og hefur mælst yfir 5% allt þetta ár. Í vikunni er vaxtaákvörðun hjá Seðlabanka Íslands. Við spáum því að peningastefnunefnd haldi vöxtum óbreyttum.
1. okt. 2026
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.