Hag­sjá: Tekju­þró­un lands­manna á réttri leið eft­ir mik­ið fall

Sé litið á meðaltekjur í stærstu bæjum landsins eru Seltjarnarnes og Garðabær í nokkrum sérflokki. Kópavogur kemur þar á eftir, en þar voru meðaltekjur á árinu 2016 um 20% lægri en á Seltjarnarnesi. Af stærstu bæjunum voru tekjurnar lægstar í Árborg og Reykjanesbæ, um 10% undir landsmeðaltali.
12. október 2017

Samantekt

Í vikunni birti Hagstofa Íslands tölur um tekjuþróun hér á landi síðustu ár. Heildartekjur Íslendinga náðu hámarki á árinu 2007, en féllu svo mikið á árunum 2008-2010. Meðaltekjur lækkuðu um 34% að raungildi á milli áranna 2007 og 2010. Tekjuþróun hefur svo verið upp á við frá árinu 2011, sérstaklega á árunum 2014 til 2016, þegar þær hækkuðu um 20%.

Sé litið á einstakar tegundir tekna kemur í ljós að bæði atvinnutekjur og fjármagnstekjur tóku að falla mikið á árinu 2008, og á það einkum við um fjármagnstekjurnar sem lækkuðu um þriðjung á því ári. Fjármagnstekjurnar höfðu reyndar hækkað verulega á árunum þar á undan. Atvinnutekjur tóku að aukast að raungildi á árinu 2010 en fjármagnstekjurnar fóru ekki að þróast upp á við fyrr en árið 2012, eða tveimur árum seinna.

Á árinu 2016 voru meðaltekjur eftir sveitarfélögum hæstar á Seltjarnarnesi og næst hæstar í Garðabæ. Meðaltekjur í Garðabæ voru um 35% hærri en þær voru að meðaltali í landinu öllu. Það er athyglisvert að höfuðborgin kemst ekki á lista 10 tekjuhæstu sveitarfélaga, en hún var í 12. sæti. Annars eru nokkur sveitarfélög með sterkan sjávarútveg í hópi þeirra sveitarfélaga þar sem tekjur eru hæstar.

Sé litið á tekjur í stærstu bæjum landsins eru Seltjarnarnes og Garðabær í nokkrum sérflokki. Kópavogur kemur þar á eftir, en þar voru meðaltekjur á árinu 2016 um 20% lægri en á Seltjarnarnesi. Af stærstu bæjunum voru tekjurnar lægstar í Árborg og Reykjanesbæ en þar voru þær um 10% undir landsmeðaltali.

Sé litið á fjármagnstekjur á árinu 2016 kemur í ljós að þær eru miklar í sumum smærri sveitarfélaganna. Slíkt kemur ekki á óvart þar sem háar tekjur fárra hafa meiri áhrif í smærri sveitarfélögum en stórum. Á árinu 2016 voru meðalfjármagnstekjur hæstar í sveitarfélaginu Ölfusi, um 2,3 m. kr. á árinu. Þar á eftir komu Seltjarnarnes, Dalabyggð og Hornafjörður.

Hlutfall fjármagnstekna í stærstu sveitarfélögunum var líka mjög mismunandi á árinu 2016, allt frá 22% á Seltjarnarnesi niður í 4% í Reykjanesbæ. Hlutfall fjármagnstekna af heildartekjum var að meðaltali um 9% á árinu 2016, sem er sama hlutfall og á landinu öllu.

Helsta niðurstaðan er sú að rauntekjur hafa aukist töluvert á síðustu árum eftir verulegt fall í kjölfar hrunsins. Á allra síðustu árum hafa rauntekjur aukist af ýmsum ástæðum. Laun hafa hækkað, atvinnuþátttaka aukist, vinnutími lengst og verðbólga verið lítil. Það sem greinir stöðuna nú frá svipuðum tímabilum á umliðnum árum er að verðlag hefur verið mjög stöðugt sem gerir það að verkum að jákvæða tekjuþróunin hefur haldið raungildi sínu betur en oft áður.

Lesa Hagsjána í heild

Hagsjá: Tekjuþróun landsmanna á réttri leið eftir mikið fall

Þú gætir einnig haft áhuga á
6. júní 2024
Mánaðaryfirlit yfir sértryggð skuldabréf - maí 2024
Meðfylgjandi er mánaðarlegt yfirlit sértryggðra skuldabréfa.
Flutningaskip
5. júní 2024
Aukinn halli á viðskiptum við útlönd
Alls var 41 ma. kr. halli á viðskiptum við útlönd á fyrsta ársfjórðungi. Hallinn jókst nokkuð milli ára. Þrátt fyrir þetta batnaði erlend staða þjóðarbúsins á fjórðungnum.
4. júní 2024
Fréttabréf Hagfræðideildar 4. júní 2024
Mánaðarlegt fréttabréf frá Hagfræðideild um nýjustu hagtölur og stöðu og horfur í efnahagsmálum.
3. júní 2024
Vikubyrjun 3. júní 2024
Landsframleiðsla dróst saman um 4% á fyrsta ársfjórðungi og verðbólga mældist 6,2% í maí, aðeins umfram spár.
Fiskiskip á Ísafirði
31. maí 2024
Samdráttur á fyrsta ársfjórðungi
Hagkerfið dróst saman um 4% á milli ára á fyrsta ársfjórðungi samkvæmt nýbirtum þjóðhagsreikningum Hagstofunnar. Þetta er í fyrsta sinn síðan árið 2021 sem landsframleiðsla dregst saman á milli ára. Samdrátturinn skýrist helst af minni birgðasöfnun vegna loðnubrests. Einkaneysla og fjárfesting jukust aftur á móti á fjórðungnum sem er til marks um eftirspurnarþrýsting.
Íbúðahús
30. maí 2024
Verðbólga jókst þvert á spár
Vísitala neysluverðs hækkaði um 0,58% á milli mánaða í maí og við það hækkaði ársverðbólga úr 6,0% í 6,2%. Hækkanir voru á nokkuð breiðum grunni og meiri en við bjuggumst við. 
Þjóðvegur
29. maí 2024
Margra ára hallarekstur og óskýrar mótvægisaðgerðir
Stjórnvöld sjá fram á að rétta smám saman úr ríkisrekstrinum á næstu árum en gera ekki ráð fyrir afgangi fyrr en árið 2028, eftir níu ára samfelldan hallarekstur. Hallarekstur var viðbúinn í faraldrinum en almennt er óæskilegt að ríkissjóður sé rekinn með halla í uppsveiflu og á tímum mikillar þenslu og verðbólgu. Við teljum að áfram verði reynt að halda aftur af opinberri fjárfestingu og að samneysla aukist aðeins minna á næstu árum en undanfarin ár.
Mynt 100 kr.
27. maí 2024
Krónan stöðug en Ísland verður dýrara
Krónan hefur verið óvenju stöðug frá því í nóvember í fyrra. Við teljum að krónan styrkist lítillega á þessu ári og að raungengið hækki þar sem verðbólga verði meiri hér en í helstu viðskiptalöndum okkar.
Fasteignir
27. maí 2024
Vikubyrjun 27. maí 2024
Velta á íbúðamarkaði hefur aukist á síðustu mánuðum og kaupsamningum fjölgað. Undirritaðir kaupsamningar á höfuðborgarsvæðinu í apríl í ár voru meira en tvöfalt fleiri en í apríl í fyrra.
Fiskveiðinet
22. maí 2024
Botnfisksveiðar vega upp á móti loðnubresti
Heildarafli íslenskra fiskiskipa dróst saman í fyrra og útflutningur sjávarafurða var 7,9% minni í fyrra en árið á undan. Aflaheimildir á þorski hafa dregist saman nokkur ár í röð en nú virðist þróunin vera að snúast við þar sem þorskkvóti var aukinn um 1% fyrir yfirstandandi veiðitímabil. Loðnuvertíð síðasta árs var mjög góð en í ár verður engin loðna veidd. Í nýlegri hagspá gerum við ráð fyrir hóflegum vexti í útflutningi sjávarafurða.
Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur