Samantekt
<ð>Samkvæmt bráðabirgðamati Hagstofu Íslands dróst landsframleiðslan saman um 1,2% á fyrsta ársfjórðungi borið saman við sama tímabil í fyrra. Þetta er fyrsti samdráttur hagkerfisins síðan á fyrsta ársfjórðungi í fyrra. Að þessu sinni er samdrátturinn eingöngu til kominn vegna mikils samdráttar í útflutningi, um 17,2% milli ára. Framlag hans til hagvaxtar var neikvætt um 7,2%. Það sem helst hífir hagvöxtinn upp að þessu sinni var samdráttur í innflutningi en hann nam 10,2% og var framlag hans til hagvaxtar jákvætt um 3,3%.
Fyrsti fjórðungur gefur ekki góða mynd af því sem koma skal
Hér er rétt að benda á að niðurstaða fjórðungsins gefur ekki góða mynd af því sem flestir spáaðilar gera ráð fyrir að verði niðurstaðan fyrir árið í heild. Ástæðan er sú að efnahagslegra áhrifa Covid-19 fer ekki að gæta fyrr en seinni hluta marsmánaðar. Flestir spáaðilar gera ráð fyrir miklum samdrætti á þessu ári sögulega séð og mun meiri samdrætti en kom fram á fyrsta fjórðungi.
Lesa Hagsjána í heild
Hagsjá: Samdráttur landsframleiðslu á fyrsta ársfjórðungi (PDF)
