Sjálfbærni og ábyrgar fjárfestingar

Með stefnu um sjálfbærni og ábyrgar fjárfestingar lýsir Íslenski lífeyrissjóðurinn skýrum vilja til að leggja aukna áherslu á umhverfis- og loftslagsmál, jákvæð samfélagsáhrif og góða stjórnarhætti við rekstur sjóðsins og fjárfestingarákvarðanir.

Áherslur Íslenska lífeyrissjóðsins

Í stefnu sjóðsins er lögð áhersla á virka upplýsingagjöf um starfsemi og eignasafn sjóðsins, m.a. sjálfbærni- og fjárhagsupplýsingar. Þá tekur stefnan mið af heimsmarkmiðum Sameinuðu þjóðanna um sjálfbæra þróun. Einkum er horft til eftirtalinna markmiða:

Stefna Íslenska lífeyrissjóðsins um sjálfbærni og ábyrgar fjárfestingar

Aðgerðir í loftslagsmálum

Íslenski lífeyrissjóðurinn styður aðgerðir í loftslagsmálum. Skref í þeirri viðleitni er að meta kolefnisspor eignasafnsins og taka þátt í fjárfestingum sem stuðla að minni losun gróðurhúsalofttegunda. Heimsmarkmið nr. 13.

Nýsköpun og uppbygging

Íslenski lífeyrissjóðurinn styður nýsköpun í öllum atvinnugreinum. Heimsmarkmið nr. 9.

Ábyrg neysla og framleiðsla

Íslenski lífeyrissjóðurinn styður innleiðingu hringrásarhugsunar í alla neyslu og framleiðslu til að tryggja að nýting auðlinda fari ekki yfir þolmörk náttúrunnar. Heimsmarkmið nr. 12.

Jafnrétti kynjanna

Íslenski lífeyrissjóðurinn styður jafnrétti kynjanna. Heimsmarkmið nr. 5.

Innlent eignasafn metið út frá UFS-þáttum

UFS-áhættumat innlenda eignasafnsins er byggt á einkunnagjöf frá Reitun hf. Við matið eru útgefendur verðbréfa metnir út frá umhverfisþáttum, félagslegum þáttum og stjórnarháttum (UFS). Út frá þessum þáttum er gefin heildareinkunn útgefanda.

Skali fyrir UFS-áhættumat innlenda safnsins

UFS-einkunn frá Reitun byggir á stigagjöf fyrir hvern þátt, umhverfismál, félagsleg málefni og stjórnarhætti á skalanum frá 0 til 100. Vægi hvers þáttar er ólíkt á milli atvinnugreina.

UFS-einkunn	Lágmark	Hámark

A1	97	100
A2	92	96
A3	86	91
B1	80	85
B2	70	79
B3	60	69
C1	50	59
C2	40	49
C3	30	39
D	0	29
Engin einkunn - Einkunn er óþekkt eða útgefandi hefur ekki verið metinn

UFS-áhættumat innlendra eigna sjóðsins

Útgefandi	Einkunn	Hlutfall

Ríkissjóður Íslands	A3	36,1%
Landsbankinn hf.	A3	12,9%
Arion banki hf.	A3	7,5%
Íslandsbanki hf.	A3	6,7%
Lánasjóður sveitarfélaga ohf.	B2	4,9%
Reykjavíkurborg	B2	3,4%
Orkuveita Reykjavíkur	A3	2,3%
Kvika banki hf.	A3	1,5%
Alvotech Holdings S.A.	B2	1,3%
Reitir fasteignafélag hf.	B2	1,1%
Brim hf.	B2	0,9%
Landsbréf - BÚS I	B1	0,9%
Síldarvinnslan hf.	B3	0,9%
Eik fasteignafélag hf.	B3	0,8%
Heimar hf.	B1	0,7%
Kaldalón hf.	B3	0,6%
Alma íbúðafélag hf.	C1	0,6%
Bláa lónið	B2	0,5%
Greiðslumiðlunin Hringur ehf.	B2	0,5%
Ísfélag hf.	B3	0,5%
Hagar hf.	B2	0,4%
Eimskipafélag Íslands hf.	B2	0,4%
Rarik ohf.	B2	0,4%
Hampiðjan	B2	0,4%
Amaroq Minerals Ltd.	B3	0,3%
Kópavogsbær	B2	0,2%
Sveitarfélagið Árborg	B3	0,2%
Félagsbústaðir hf.	B3	0,2%
Nova klúbburinn hf.	B3	0,2%
Garðabær	B2	0,2%
Byggðastofnun	B2	0,2%
Ölgerðin Egill Skallagríms hf.	A3	0,2%
Icelandair Group hf.	B2	0,1%
Landsnet hf.	B2	0,1%
HS veitur hf.	B3	0,1%
Sjóvá-Almennar tryggingar hf.	B1	0,1%
Sýn hf.	B2	0,0%
Síminn hf.	B3	0,0%
Festi hf.	B1	0,0%
ÍL-sjóður	A3	0,0%
IÚ - Engin einkunn	Engin einkunn	11,6%
	Samtals	100,0%

Kolefnisspor innlends eignasafns

Hér er að finna upplýsingar um kolefnisspor innlenda hluta eignasafns Íslenska lífeyrissjóðsins. Útreikningar eru byggðir á gögnum úr Veru - Sjálfbærniviðmóti Creditinfo.

Losun vegna innlends eignasafns eftir atvinnugreinum (tCO2e)*

Hlutabréf	Samtals umfang 3 (fjárfestingar)

Flutningar	3.241,4
Sjávarútvegur	811,2
Rafmangs- og hitaveitur	290,7
Fjármála- og vátryggingastarfsemi	230,6
Sjóðir um sameiginlega fjárfestingu	210,4
Framleiðsla (lyf, matvara, iðnaðarvörur o.fl.)	53,5
Smásöluverslun	37,9
Heilsu- og líkamsræktarstarfsemi og baðlón	31,5
Fasteignir	30,4
Upplýsingar og fjarskipti	2,7
Samtals tCO₂e	4.940,1

*Útgefendur í töflunni vega 36,8% af heildareignum sjóðsins og 51,5% af innlendum eignum sjóðsins.

Um útreikning kolefnisspors

Losun gróðurhúsalofttegunda vegna starfsemi Íslenska lífeyrissjóðsins kemur ekki einungis frá skrifstofustarfsemi hans. Helsta losun gróðurhúsalofttegunda sjóðsins er óbein í gegnum fjárfestingar hans og á sér stað í gegnum eignarhald sjóðsins í fyrirtækjum.

Losun gróðurhúsalofttegunda frá þeim fyrirtækjum sem Íslenski lífeyrissjóðurinn fjárfestir í er áætluð með aðferðafræði PCAF (Partnership for carbon accounting financials). Samkvæmt aðferðafræði PCAF er losun frá starfsemi fyrirtækjanna í hlutfalli við eignarhlut Íslenska lífeyrissjóðsins í lok árs 2023.

Aðferðafræði við útreikninga á kolefnisspori vegna fjárfestinga er enn í þróun. Aðferðafræði vegna ríkisskuldabréfa er til dæmis ekki tilbúin og útreikningar verða uppfærðir þegar aðferðafræði er betur mótuð.

Sú eining sem stuðst er við eru tonn af koldíoxíðígildum, tCO2í (eða stundum tCO2e). Koldíoxíðígildi eru notuð þar sem gróðurhúsalofttegundir eru margar og misöflugar. Hlýnunarmáttur þeirra er því umreiknaður í ígildi koldíoxíðs.

Sú losun sem hér er tilgreind er skilgreind sem óbein losun frá rekstri Íslenska lífeyrissjóðsins, eða í umfangi 3. Umföng eru þrjú talsins. Umfang 1 er bein losun undir rekstri fyrirtækis, umfang 2 er óbein losun vegna framleiðslu á aðkeyptu rafmagni eða hita og umfang 3 er óbein losun ofar eða neðar í virðiskeðju. Í tilfelli lífeyrissjóða er mesta losunin yfirleitt í umfangi 3 í gegnum fjárfestingar, sem eru í umfangi 1 og 2 hjá fyrirtækjunum sjálfum.

Nánari upplýsingar

Fjárfestingarstefnu, ársreikninga, áhættu- og áhættustýringarstefnu og önnur skjöl má finna á heimasíðu Íslenska lífeyrissjóðsins

Íslenski lífeyrissjóðurinn

Samstarfsaðilar

Landsbankinn

Íslenski lífeyrissjóðurinn útvistar starfsemi sinni til Landsbankans hf. Landsbankinn hefur verið leiðandi við innleiðingu á sjálfbærni og ábyrgra fjárfestinga á Íslandi. Í UFS-áhættumati frá Sustainalytics hefur Landsbankinn verið í efstu sætum af 423 bönkum sem fyrirtækið hefur metið.

Reitun

Íslenski lífeyrissjóðurinn nýtir UFS-áhættumöt frá Reitun ehf. Fyrirtækið sérhæfir sig í greiningum á íslenskum fjármálamarkaði. Reitun gefur m.a. út UFS-áhættumöt en þau gera grein fyrir hvernig fyrirtæki standa frammi fyrir áhættum sem snúa að umhverfis- og félagsþáttum, og stjórnarháttum.

IcelandSIF

Íslenski lífeyrissjóðurinn er stofnaðili að IcelandSIF, en tilgangur samtakanna er að efla þekkingu fjárfesta á aðferðafræði sjálfbærra og ábyrgra fjárfestinga og auka umræður um ábyrgar og sjálfbærar fjárfestingar. Samtökin voru stofnuð í nóvember 2017.

Festa

Íslenski lífeyrissjóðurinn er aðili að Festu – miðstöð um samfélagsábyrgð og sjálfbærni. Hlutverk Festu er að auka þekkingu á samfélagsábyrgð og sjálfbærni fyrirtækja, stofnana og hverskyns skipulagsheilda. Festa eykur vitund í samfélaginu og hvetur til samstarfs og aðgerða á þessu sviði.

Loftslagsbreytingar framtíðar hafa strax áhrif á fjárfesta

Áhætta vegna loftslagsbreytinga er gjarnan metin út frá því hver áhrifin verða eftir nokkra áratugi.

Hringrásarhagkerfið og tækifæri í ferðaþjónustu

Hringrásarhagkerfið er ekki draumsýn eða óraunhæf hugmynd, heldur raunveruleg lausn sem býður upp á gífurleg tækifæri hér og nú.

Ný fjármálaumgjörð vegvísir að sjálfbærri framtíð

Bankar víða um heim gefa í síauknum mæli út svokallaðar sjálfbærar fjármálaumgjarðir.

Fyrirvari

Þær upplýsingar sem birtar eru hér síðunni sýna fyrst og fremst viðleitni Íslenska lífeyrissjóðsins til að kynna eignasafns sjóðsins fyrir sjóðfélögum og öðrum haghöfum. Hér eru stigin fyrstu skref í þá átt að birta upplýsingar um eignasafnið út frá umhverfisþáttum, félagslegum þáttum og stjórnarháttum. Þá er einnig gerð tilraun til að greina og áætla kolefnislosun innlenda hluta eignasafns sjóðsins samkvæmt núverandi aðferðafræði PCAF (Partnership for carbon accounting financials). Niðurstöður útreikninga kolefnisspors geta því tekið breytingum þegar aðferðafræði PCAF uppfærist. Upplýsingar þær sem hér eru birtar eru unnar eftir bestu vitund og á grundvelli gagna sem voru aðgengileg Íslenska lífeyrissjóðnum á þeim tímapunkti sem þær voru unnar. Upplýsingarnar ætti að lesa í því ljósi.

Skyldulífeyrissparnaður

Meiri séreign og aukinn sveigjanleiki

Ávöxtunarleiðir

Fjölbreyttar ávöxtunarleiðir

Útgreiðslur

Útgreiðslur vegna aldurs, örorku eða andláts