Frjáls séreign

• Frjáls séreign er laus til útgreiðslu við 60 ára aldur í öllum greiðsluleiðum.

Bundin séreign

• Bundin séreign er greidd út milli 70-75 ára aldurs í Leið II.
• Bundin séreign er greidd út milli 70-80 ára aldurs í Leið III.
• Bundin séreign er greidd út milli 70-85 ára aldurs í Leið IV.

Tilgreind séreign

• Tilgreind séreign er laus til útborgunar frá 67 ára aldri. Heimilt er að hefja útborgun með jöfnum greiðslum frá 62 til 67 ára aldurs.

Samtrygging

• Ævilangur lífeyrir er greiddur út mánaðarlega frá 70 ára aldri í Leið I.
• Ævilangur lífeyrir er greiddur út mánaðarlega frá 75 ára aldri í Leið II.
• Ævilangur lífeyrir er greiddur út mánaðarlega frá 80 ára aldri í Leið III.
• Ævilangur lífeyrir er greiddur út mánaðarlega frá 85 ára aldri í Leið IV.

Sjá samþykktir sjóðsins

Frjáls séreign

Ef starfsgeta þín skerðist vegna örorku áttu rétt á útborgun á frjálsri séreign á 7 árum, miðað við 100% örorku. Árleg útborgun lækkar og úttektartími lengist hlutfallslega ef örorkuprósentan er lægri.

Örorkulífeyrir

Þú átt rétt á örorkulífeyri til 70 ára aldurs ef þú verður fyrir orkutapi sem metið er 50% eða meira, hefur greitt í lífeyrissjóð í a.m.k tvö ár og orðið fyrir tekjuskerðingu af völdum orkutapsins.

Auk örorkulífeyris ávinnur þú þér rétt til þess sem kallað er framreikningur örorkulífeyris, að tilteknum skilyrðum uppfylltum. Ef þú átt rétt til framreiknings hækkar mánaðarlegur örorkulífeyrir þinn þar sem framreikningur tekur mið af þeim lífeyri sem þú hefðir áunnið þér miðað við að hafa greitt til sjóðsins til 65 ára aldurs. Þá ávinnur þú þér einnig rétt til ellilífeyris frá 70 ára aldri, eins og þú hefðir greitt til sjóðsins til 65 ára aldurs.

Örorkulífeyrisréttur er miðaður við áunnin lífeyrisréttindi og framreiknuð réttindi ef sjóðfélagi uppfyllir viss skilyrði.

Skilyrði framreiknings

• Sjóðfélagi hafi greitt í sjóðinn í a.m.k. 3 af sl. 4 árum.
• Sjóðfélagi hafi greitt í sjóðinn í a.m.k. 6 af sl. 12 mánuðum.
• Árleg inngreiðsla sjóðfélaga hafi verið a.m.k. 69.899* kr.
• Orkutap sjóðfélaga sé ekki rakið til ofnotkunar áfengis, lyfja eða fíkniefna.
• Fullur örorkulífeyrir er greiddur m.v. 100% örorku en lífeyrisgreiðslur eru hlutfallslegar ef orkutapið er á bilinu 50% - 100%.
• Áframhaldandi ávinnsla ellilífeyris, m.v. 65 ára aldur.
• Viðmiðunarlaun, sl. 3 ár.
• Sjóðfélagi hafi orðið fyrir tekjumissi.
• Örorkumatið skal miða við hæfi sjóðfélaga til þess að afla sér launatekna.
• Örorkulífeyrir ekki hærri en tekjumissir vegna örorku.
• Ekki greiðslur fyrstu þrjá mánuði eða ef örorka varir skemur en sex mánuði.

Fylgigögn með umsókn

• Afrit af örorkuskírteini með mynd frá Tryggingastofnun
• Skattskýrsla þriggja síðustu tekjuára
• Læknisvottorð

Barnalífeyrir

Börn sjóðfélaga sem nýtur fulls fulls örorkulífeyris eiga rétt á barnalífeyri til 18 ára aldurs. Ef örorka er metin lægri en 100% lækkar barnalífeyrir hlutfallslega. Barnalífeyrir með hverju barni skal vera 15.378* kr á mánuði miðað við 100% orkutap.

Sjá samþykktir sjóðsins

Séreignarhluti skyldulífeyrissparnaðar erfist við andlát sjóðfélaga

Frjáls, bundin og tilgreind séreign erfist samkvæmt erfðalögum og er laus til útgreiðslu við andlát sjóðfélaga. Séreignarhluti skyldulífeyrissparnaðar rennur beint til skylduerfingja samkvæmt erfðalögum. Ef skylduerfingjar eru ekki til staðar rennur eignin til dánarbúsins.

Makalífeyrir

Fullur makalífeyrir er 50% af áunnum ellilífeyrisréttindum sjóðfélaga við andlát. Ellilífeyrisréttindi ávinnast með greiðslum í samtryggingu.

Barnalífeyrir

Börn sjóðfélaga eiga rétt á lífeyri til 18 ára aldurs við andlát sjóðfélaga hafi hann/hún greitt í samtryggingu í a.m.k. 24 mánuði á undanförnum 36 mánuðum, öðlast rétt til framreiknings vegna örorkulífeyris eða notið elli- og örorkulífeyris. Barnalífeyrir með hverju barni skal vera að 20.970* kr. á mánuði.

Sjá samþykktir sjóðsins