Við vör­um við svika­tölvu­póst­um

Við vörum við svikatölvupóstum sem hafa borist viðskiptavinum í nafni Landsbankans. Svikapósturinn ber titilinn „Yfirlit Landsbankinn“ og er viðtakandi hvattur til að yfirfara skráðar upplýsingar um sig hjá bankanum innan sjö daga. Tilgangur póstsins er að komast yfir banka- og kortaupplýsingar viðskiptavina.

Mikilvægt er að skoða vel úr hvaða netfangi pósturinn berst þó nafn sendanda sé ólíkt. Ef þú færð póst með hlekk á innskráningarsíðu eða síðu þar sem beðið er um kortaupplýsingar er rétt að fara mjög varlega. Almennt eru slíkar beiðnir ekki sendar viðskiptavinum í tölvupósti. Við mælum með að þú farir beint inn á vefsíðu fyrirtækis og skráir þig inn þar.

Lentir þú í svikum?

Ef þú gafst upp kortaupplýsingar eða heimilaðir innskráningu með rafrænum skilríkjum þarft þú að:

• Frysta greiðslukortin í appinu
• Skrá út öll innskráð tæki
• Hafa samband við svikavakt Landsbankans

Svikavaktin er opin frá kl. 9-23 alla daga vikunnar og við hvetjum þig til að hringja ef þú telur þig hafa lent í einhverju misjöfnu. Utan þess tíma færast símtölin sjálfkrafa á neyðarnúmer Visakorta.

Við mælum með að þú kynnir þér netöryggismál og varnir gegn netsvikum á landsbankinn.is/oryggi.