Lands­bank­inn ráð­gjafi Styr­kás við kaup á Mal­bik­stöð­inni

Styrkás hf. hefur undirritað samning um kaup á öllu hlutafé Malbikstöðvarinnar ehf. og lóðum félagsins á Esjumelum. Fyrirtækjaráðgjöf Landsbankans var ráðgjafi Styrkás í viðskiptunum.

Kaupin eru liður í uppbyggingu Styrkás sem þjónustufélags fyrir innviði og atvinnuvegi. Styrkás hefur jafnframt hafið undirbúning að skráningu hlutabréfa félagsins á aðallista Nasdaq Iceland og ráðið Fyrirtækjaráðgjöf Landsbankann sem umsjónaraðila skráningarinnar. Markmiðið er að félagið verði skráð á öðrum ársfjórðungi 2027.

Malbikstöðin var stofnuð árið 2004 og sérhæfir sig í framleiðslu og útlögn malbiks. Félagið verður rekið áfram sem sjálfstætt félag innan Styrkás og myndar fimmta kjarnasvið samstæðunnar.

Seljandi Malbikstöðvarinnar, félag í eigu Vilhjálms Þórs Matthíassonar, mun eftir viðskiptin eiga 10,2% hlut í Styrkás.

Viðskiptin eru háð hefðbundnum fyrirvörum, meðal annars samþykki Samkeppniseftirlitsins. Auk Fyrirtækjaráðgjafar Landsbankans voru BBA // Fjeldco, Fontes Ráðgjöf og KPMG ráðgjafar kaupanda.