Vefkökur

Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur
Fréttir

Ábyrg­ar fjár­fest­ing­ar hafa áhrif á fram­tíð­ina

Meðal stjórnenda fyrirtækja, starfsfólks og fjárfesta vex þeirri skoðun sífellt ásmegin að þegar fjallað er um arðsemi fyrirtækja dugi ekki að líta eingöngu á fjárhagslegan ávinning. Vigdís Sif Hrafnkelsdóttir, viðskiptastjóri hjá Eignastýringu Landsbankans, fjallaði um ábyrgar fjárfestingar í grein í Viðskiptablaðinu.
20. október 2016

Vigdís Sif Hrafnkelsdóttir, viðskiptastjóri hjá Eignastýringu Landsbankans

Meðfylgjandi grein eftir Vigdísi Sif Hrafnkelsdóttur, viðskiptastjóra hjá Eignastýringu Landsbankans birtist í Viðskiptablaðinu 20. október.

Mannkynið er á vafasamri vegferð þegar kemur að nýtingu auðlinda jarðar. Ban Ki-moon, aðalritari Sameinuðu þjóðanna, orðaði þetta með mjög skýrum í ræðu sem hann flutti á ráðstefnu Artic Circle 8. október sl. Ban Ki-moon sagði að það væri ekkert plan B – við hefðum bara eina plánetu. Öll berum við ábyrgð á því að ekki verði gengið um of á auðlindir jarðar og að dregið verði úr mengun. Umræða um sjálfbærni snýst um þessa ábyrgð.

Meðal stjórnenda fyrirtækja, starfsfólks og fjárfesta vex þeirri skoðun sífellt ásmegin að þegar fjallað er um arðsemi fyrirtækja dugi ekki að líta eingöngu á fjárhagslegan ávinning. Einnig verði að taka tillit til áhrifa á umhverfið, náttúruna og samfélagið.

Á Íslandi hefur fremur lítið verið fjallað um þessi mál, þótt áhuginn fari vissulega vaxandi. Erlendis hefur á hinn bóginn orðið mikil vakning meðal fjárfesta í þessum efnum. Ein skýringin er vafalaust sú að fjölmörg dæmi eru um að fyrirtæki sem setja sér skýr markmið í umhverfis- og samfélagsmálum nái betri árangri. Slík fyrirtæki sjá fremur fyrir líklegar lagabreytingar, t.d. á sviði umhverfismála, og geta þannig náð samkeppnisforskoti. Hættan á orðsporstjóni er yfirleitt minni. Skýr stefna um sjálfbærni styrkir þannig reksturinn en óskýr stefna eða stefnuleysi getur leitt til taps.

Þvoið gallabuxurnar sjaldnar og úr köldu vatni

Á morgunfundi Landsbankans um ábyrgar fjárfestingar 29. september sl. benti Gil Friend, einn helsti sérfræðingur heims um sjálfbærni, á að það borgar sig að vera „grænn“. Hann nefndi fjölmörg dæmi, m.a. af Levi Strauss-gallabuxnaframleiðandanum. Levi‘s ákvað að draga úr mengun, bæði með því að breyta þvottaleiðbeiningum á gallabuxunum, þannig að nú er mælt með að þvo buxurnar sjaldan og úr köldu vatni, og með því að breyta framleiðsluaðferðum. Auk þess að stuðla að minni sóun batnaði ímynd fyrirtækisins og nýir markaðir tóku við sér. Þetta dæmi sýnir að upplýsingar um umhverfisstefnu og samfélagsábyrgð geta verið jafn mikilvægar fyrir fjárfesta og aðrar upplýsingar um reksturinn, s.s. um sjóðsstreymi, skuldir og eignir. Dæmin eru mun fleiri.

Viðbótarviðmið við greiningu fjárfestinga

PRI (Principles for Responsible Investment) eru alþjóðleg samtök fjárfesta sem stofnuð voru árið 2006 fyrir tilstuðlan Kofi Annan, þáverandi aðalritara SÞ. Markmið samtakanna er að innleiða ákveðin grundvallarviðmið um ábyrgar fjárfestingar. Aðildarfélögum hefur fjölgað hratt frá stofnun og eru þau nú yfir 1.500. Í apríl sl. voru eignir í umsýslu aðildarfélaga PRI að verðmæti 1.400.000 milljarðar Bandaríkjadala. Þau fyrirtæki sem gangast undir reglur PRI skuldbinda sig til að veita upplýsingar um hvernig tekið er tillit til áhrifa á umhverfið, samfélagsins og stjórnarhátta. Með PRI varð því til verkfæri sem fjárfestar geta notað til að meta stefnu fyrirtækja í þessum efnum. Landsbankinn gerðist aðili að PRI haustið 2013, fyrstur íslenskra fjármálafyrirtækja, og kynnti í kjölfarið stefnu bankans í ábyrgum fjárfestingum.

Landsbankinn tilkynnti nýlega að við greiningu á fyrirtækjum á vegum Hagfræðideildar Landsbankans mun þessum þáttum verða gefinn aukinn gaumur og tillit tekið til þeirra við mat á fjárfestingarkostum. Við erum ekki ein um stíga þessi skref. Páll Harðarson, forstjóri Kauphallarinnar á Íslandi, greindi frá því á morgunfundi Landsbankans 29. september sl. að Kauphöllin myndi gefa út ítarlegar leiðbeiningar til útgefenda verðbréfa um birtingu á upplýsingum um stefnu þeirra um ábyrgar fjárfestingar og samfélagsábyrgð. Kauphallirnar á Norðurlöndunum væru algjörlega sammála um að leita eftir samstarfi við fyrirtæki í þessum málaflokki en ekki yrðu settar nýjar reglur.

Stórir fjárfestar í aðalhlutverki

Þróunin hér á landi hefur verið jákvæð en um leið er ljóst að við þurfum að spýta í lófana. Íslenski markaðurinn er eftirbátur Norðulandanna í þessum efnum. Hér á landi er lykilatriði að stórir áhrifamiklir fjárfestar eins og lífeyrissjóðirnir verði leiðandi í þessari þróun og það er ljóst að lífeyrissjóðirnir hafa sett málið á dagskrá. Lífeyrissjóður verslunarmanna, Sameinaði lífeyrissjóðurinn og LSR hafa valið sömu leið og Landsbankinn þ.e. skrifað undir PRI-reglur Sameinuðu þjóðanna. Stefna um ábyrgar fjárfestingar er þó alls ekki eingöngu fyrir stærri fyrirtæki og fjárfesta. Minni fyrirtæki geta einnig markað sér stefnu í þessum málaflokki og hún þarf ekki nauðsynlega að vera fullmótuð eða ítarleg. Aðalatriðið er að setja sér stefnu og byrja að vinna eftir henni.

Þú gætir einnig haft áhuga á
Austurvegur 11, Selfossi
26. ágúst 2025
Samið um nýtt húsnæði fyrir Landsbankann og TM á Selfossi
Landsbankinn og TM á Selfossi munu flytja sig yfir í nýtt hús við Austurveg 11 á Selfossi fyrir árslok 2027, samkvæmt langtímaleigusamningi sem gerður hefur verið við Fossver ehf.
Eystra horn
25. ágúst 2025
Landsbréf skila góðum árangri á fyrri hluta ársins
Landsbréf hf. hafa birt árshlutareikning fyrir fyrri hluta ársins 2025.
Listaverk kvenna í eigu Landsbankans
25. ágúst 2025
Listakonur í Landsbankanum - sýning og fleiri verk eftir konur á listaverkavefnum
Á nýrri sýningu sem opnaði í Reykjastræti 6 á Menningarnótt er sjónum beint að listaverkum í eigu bankans sem eru eftir konur. Við opnuðum einnig nýjan hluta á listaverkavef bankans þar sem birt eru um 90 verk eftir konur.
18. ágúst 2025
Dagskrá Landsbankans, Hörpu og Hafnartorgs á Menningarnótt
Menningarnótt verður haldin hátíðleg í miðborg Reykjavíkur laugardaginn 23. ágúst næstkomandi. Landsbankinn hefur verið máttarstólpi Menningarnætur frá upphafi og býður að venju upp á fjölbreytta dagskrá, bæði í Reykjastræti og við Hörputorg í samstarfi við Hafnartorg og Hörpu.
Listaverk kvenna í eigu Landsbankans
14. ágúst 2025
Listakonur í Landsbankanum: Leiðsögn á Menningarnótt um nýja sýningu
Í tilefni Kvennaárs 2025 opnar ný myndlistarsýning í Reykjastræti 6 þar sem sjónum verður beint að listaverkum í eigu bankans sem eru eftir konur. Sýningin opnar á Menningarnótt og um leið uppfærum við listaverkavef Landsbankans með sérstakri umfjöllun um listaverk eftir konur.
Austurstræti 11
25. júlí 2025
Tilboði tekið í Austurstræti 11 og hús bankans í Hafnarstræti
Landsbankinn hefur tekið tilboði Landsbyggðar ehf. í Landsbankahúsið við Austurstræti 11 og Hafnarstræti 10, 12 og 14.
Gleðiganga
15. júlí 2025
Úthlutað úr Gleðigöngupotti Hinsegin daga og Landsbankans
Tíu atriði hlutu styrk úr Gleðigöngupotti Hinsegin daga og Landsbankans vegna Gleðigöngunnar 2025. Gleðigangan, sem gengin verður laugardaginn 9. ágúst nk., er hápunktur Hinsegin daga og verður hún nú gengin í 23. skipti.
4. júlí 2025
Frábær þátttaka í Aukakrónuhlaupi Ármanns
Aukakrónuhlaup Ármanns og Meistaramót Íslands í 10 km götuhlaupi voru ræst fyrir utan Landsbankann, Reykjastræti 6, miðvikudaginn 2. júlí. Veðrið var með besta móti og tóku tæplega 500 hlauparar þátt að þessu sinni, enda njóta götuhlaupin mikilla vinsælda hér á landi. Andrea Kolbeinsdóttir og Stefán Pálsson stóðu uppi sem sigurvegarar og eru Íslandsmeistarar í 10 km götuhlaupi árið 2025.
1. júlí 2025
Útibú TM og Landsbankans á Selfossi sameinast
Útibú TM og Landsbankans á Selfossi sameinast í dag, þriðjudaginn 1. júlí 2025, undir einu þaki í Landsbankahúsinu við Austurveg 20. Þar með geta viðskiptavinir sótt sér trygginga- og bankaþjónustu á einum og sama staðnum.
Reykjastræti
19. júní 2025
Útibú TM er flutt í Reykjastræti 6
Útibú TM á höfuðborgarsvæðinu flutti í dag, 19. júní 2025, í útibú Landsbankans í Reykjastræti 6 í miðborg Reykjavíkur. Þar tekur starfsfólk TM og bankans vel á móti viðskiptavinum.