Samkvæmt lögum um almannatryggingar þarf fólk að hafa lögheimili á landinu í sex mánuði til að njóta sjúkratrygginga og á það bæði við um þau sem flytja lögheimili sitt til Íslands í fyrsta skipti og þau sem flytja aftur til Íslands eftir búsetu erlendis.

Tryggingin veitir vernd í sex mánuði frá því að þú kemur til landsins og dvalarleyfi hefur verið gefið út. Hún er í meginatriðum eins og almannatryggingalögin og bætir til að mynda sjúkra-, lyfja- og lækniskostnað.