Á Íslandi.

• Gera eðlilegar ráðstafanir til að koma í veg fyrir að rafhjólið skemmist eða glatist.
• Læsa rafhjólinu tryggilega þegar það er ekki í notkun og ekki skilja eftir aukabúnað á rafhjóli sem auðvelt er að fjarlægja.
• Tilkynna tafarlaust um tjón og einnig skal tilkynna lögreglu um þjófnað.
• Viðhalda rafhjólinu í góðu ástandi og gæta þess að stýrisbúnaður, hemla-, ljósa- og merkibúnaður og öryggis- og verndarbúnaður sé í lögmætu ástandi og virki örugglega.

Almennt er hægt að velja um nokkrar leiðir til að greiða fyrir trygginguna, þ.e. í einu lagi við útgáfu og hverja endurnýjun, með greiðsludreifingu í netbanka eða með kreditkorti.

Tryggingin gildir almennt í 12 mánuði frá því tímamarki sem getið er í skírteini og endurnýjast sjálfkrafa sé henni ekki sagt upp á því tímabili. 

• Almennt er hægt að segja tryggingunni upp, miðað við mánaðarmót, með mánaðar fyrirvara hvenær sem er á tryggingartímabilinu með skriflegri uppsögn ef þú færir þig til annars tryggingafélags eða hefur ekki lengur þörf fyrir hana.
• Iðgjald er þó greitt fyrir þann hluta tímabilsins sem tryggingin var í gildi.

Já, þar sem rafhlaðan er hluti af rafhjólinu fæst hún bætt ef henni er stolið.

Börn á heimilinu sem eru 13 ára og eldri eru tryggð með rafhjólatryggingunni.

• Rafmagnshlaupahjól eru innifalin í heimatryggingum vegna þjófnaðar og skemmda ef þú ert með innbúskaskó. 
• Hefðbundin reiðhjól falla undir heimatryggingu upp að vissri upphæð. Hins vegar eru rafhjól yfirleitt talsvert dýrari en það hámark sem heimatryggingin bætir. Þá eru ákveðnir flokkar rafhjóla skráningarskyld ökutæki samkvæmt umferðarlögum og falla þess vegna utan heimatryggingar.
• Með rafhjólatryggingu getur þú verið viss um að rafhjólið sé tryggt óháð verði og gerð.

• Í Heimatryggingu 1 er ábyrgðartrygging innifalin en engin slysatrygging.
• Í Heimatryggingu 2, 3 og 4 eru bæði slysa- og ábyrgðartryggingar innifaldar.
• Athugið þó að ef rafhjólið er með hjálparmótor sem er öflugri en 250W eru slysa- og ábyrgðartryggingar ekki innifaldar í heimatryggingum.

• Rafhjól eru með hjálparmótor sem er að hámarki 250W en létt bifhjól í flokki 1 geta verið með hjálparmótor frá 251–4000W. Hámarkshraði í báðum tilfellum er 25 km/klst.
• Það er ekki skylda að tryggja rafhjól en reynslan sýnir að það sé afar skynsamlegt.
• Það sama á við um bifhjól, létt bifhjól í flokki 1 eru skráningarskyld en ekki tryggingaskyld enda er hámarkshraði á þeim 25 km/klst. Létt bifhjól í flokki 2 eru hins vegar tryggingaskyld.

Nei, hámarkshraði á rafhjólum má ekki fara yfir 25 km/klst.