Tryggingin gildir á Íslandi og í öðrum aðildarríkjum EES, aðildarríkjum að stofnsamningi Fríverslunarsamtaka Evrópu og Færeyjum í allt að 90 daga.

• Hafa þarf hæfni og réttindi til þess að stjórna ökutækinu.
• Gæta þarf þess að ökutæki sé í lögmæltu ástandi, til dæmis að öryggistæki svo sem hjólbarðar og hemlunarbúnaður sé í lagi.
• Tilkynna þarf ef ökutækið er afskráð eða selt.
• Tilkynna þarf um allar breytingar sem gerðar eru á ökutækinu sem haft geta í för með sér aukna áhættu á tjóni.

Almennt er hægt að velja um nokkrar leiðir til að greiða fyrir trygginguna, þ.e. í einu lagi við útgáfu og hverja endurnýjun, með greiðsludreifingu í netbanka eða með kreditkorti.

Tryggingin gildir almennt í 12 mánuði frá því tímamarki sem getið er í skírteini og endurnýjast sjálfkrafa sé henni ekki sagt upp á því tímabili. 

• Almennt er hægt að segja tryggingunni upp, miðað við mánaðarmót, með mánaðar fyrirvara hvenær sem er á tryggingartímabilinu með skriflegri uppsögn ef þú færir þig til annars tryggingafélags eða hefur ekki lengur þörf fyrir hana.
• Iðgjald er þó greitt fyrir þann hluta tímabilsins sem tryggingin var í gildi. 
• Sé trygging tekin vegna atvinnurekstrar er eftir atvikum ekki hægt að segja tryggingunni upp á tímabilinu til að flytja tryggingu til annars félags.

Já, tryggingin nær til skemmda á rafhlöðu og undirvögnum sem eiga sér stað við venjulegan akstur.

Nei, eigin áhættan hækkar ekki hjá okkur þó tjón verði á rafhlöðu.

Það veltur helst á verðmæti bílsins og þar er árgerð ekki endilega meginþáttur. Þetta getur verið mismunandi eftir fólki en oft er gott að horfa í markaðsvirði bílsins með hliðsjón af eigin áhættu og verði kaskótryggingarinnar á ársgrundvelli.