Ef þú varst að fá nýtt kort, þá þarftu ekki að virkja kortið sérstaklega en þú þarft að sækja PIN-númerið í appið eða netbankann.

Ef hinsvegar að þú varst að fá sent endurnýjað kort, þá þarftu að virkja nýja gildistímann með því að nota kortið með örgjörva og PIN í verslun.

Þú finnur alltaf PIN númer debetkorta í appinu eða netbankanum.
Í Landsbankaappinu smellir þú á PIN hjá þeim reikningi sem debetkortið tengist en í netbankanum ferð þú á Síðan mín, smellir á aðgerðarhnapp hjá reikningnum og velur Sækja PIN.
PIN númer er notað til að staðfesta greiðslur með greiðslukortum bankans og því þarf að varðveita PIN á öruggan hátt. PIN númer þarf ekki að nota fyrir greiðslur undir 7.500 kr.
Þú notar lykilorð, fingraskanna eða andlitsskanna til að opna síma eða úrið. Það kemur þá í staðinn fyrir PIN númerið þegar þú greiðir með símanum eða úrinu.

Nei.
Þú þarft að nota PIN-númerið til að staðfesta greiðslur þegar kortinu er stungið í afgreiðslutæki og örgjörvinn er lesinn, t.d. í posa eða hraðbanka.

Ef greitt er með síma eða úri þá þarf ekki PIN heldur eru andlitsskannar, fingraskannar eð lykilorð notuð í staðinn.
PIN þarf heldur ekki ef kortið er notað snertilaust fyrir fjárhæðir lægri en 7.500 kr.

PIN-númer kortsins er heldur aldrei notað í netverslun.

Um leið og búið er að stofna kortið þá er strax hægt að nota það í netverslunum og eins með Google Pay og Apple Pay.

Ef óskað var eftir kortaplasti, þá berst það eftir 5-10 virka daga.

Kortið kemur beint úr framleiðslu að utan, í umslagi merktu Royal Mail.

Það er mögulegt að fá kort í hraðsendingu. Það tekur yfirleitt 2-3 virka daga. Kostnaður við hraðsendingu er skv. verðskrá bankans.

Sterk auðkenning er annar þáttur til viðbótar við kortnúmer og öryggisnúmer til að tryggja að korthafi sé sjálfur að nota kortið á netinu.

Þetta getur verið staðfesting með rafrænum skilríkjum, staðfesting með lífkenni (e. biometrics) í gegnum Landsbankaappið eða með kóða í sms-i. Bankinn stillir auðkenningarleiðina sem notuð er á kortum. Ef þú lendir í vandræðum, hafðu endilega samband við okkur.

Fyrirframgreidd kort eða Plúskort eins og þau heita hjá okkur, eru ekki með heimild eins og kreditkort, heldur leggur þú inn á kortin þá uppæð sem þér hentar. Upphæðin sem þú getur verslað fyrir ræðst af ráðstöfun kortsins hverju sinni. Í appinu og netbankanum sérðu ávallt ráðtstöfunina þína í rauntíma.

Ef kortinu er stolið eða það týnist er mikilvægt að frysta það strax í appinu eða hafa samband við þjónustuver okkar í síma 410 5000. Utan afgreiðslutíma bankans getur þú hringt í 525 2000 sem er neyðarnúmer vegna Visa-korta.

Ef kortinu var stolið eða þú sérð ókunnugar færslur á yfirlitinu þínu, þá er mikilvægt að fara strax í appið og loka kortinu sem stolnu. Við það lokast á allar frekari færslur með kortinu.

Þú getur pantað nýtt kort í leiðinni og þú lokar stolna kortinu. Nýja kortið verður strax sýnilegt í appinu og þaðan hægt að færa í símann og byrja að nota.

Ferð í "Kort", velur rétta kortið og þar í "punktana þrjá" og svo "Öryggi, vöktun og lokun". Eftir það fylgirðu ferlinu.

Það er líka velkomið að hafa samband við okkur í síma 410 5000 og við aðstoðum þig. Utan opnunartíma bankans er neyðarnúmer vegna Visakorta 525 2000.

Þú getur bæði lokað kortum og pantað ný í staðinn í Landsbankaappinu.

Ferð í "Kort", velur rétta kortið og þar í "punktana þrjá" og svo "Öryggi, vöktun og lokun". Eftir það fylgirðu ferlinu.

Það er líka velkomið að hafa samband við okkur í síma 410 5000 eða með tölvupósti.

Já, þeir sem hafa heimildir/umboð til geta gert það í appinu.

Þú velur: "Kort" í appinu og "plúsinn" og þaðan í "stofna kort", velur þar kortið sem þú vilt stofna og fylgir ferlinu í appinu.

Já, þeir sem hafa heimildir/umboð til geta gert það í appinu.

Þú ferð í "kort", velur kortið sem þú vilt skipta yfir í aðra tegund og smellir á "Skipta um kort" og fylgir ferlinu í appinu. 

Það geta verið ýmsar ástæður:

1. Ef posi eða hraðbanki getur ekki lesið örgjörvann eða bregst ekki við kortinu, þá er líklega eitthvað að kortinu sjálfu og þá þarf að gefa út annað plast.
2. Ef höfnun kemur á kortið, þá skaltu athuga ráðstöfun kortsins og hvort það sé ekki örugglega í gildi.
3. Ef PIN hefur verið slegið rangt inn nokkrum sinnum, þá getur PIN-ið hafa læst. Sjá leiðbeiningar um aflæsingu PIN.

Já, en það er aðeins mismunandi eftir tegundum kortum hver geta verið án plasts. Kort sem bílaleigutryggingar fylgja geta ekki verið án plasts, því flestar bílaleigur krefjast þess að korthafi framvísi kortinu sjálfu.

Þú getur valið að sleppa plasti bæði þegar nýtt kort er stofnað og þegar komið er að endurnýjun.

Öryggisstillingar sem settar eru á hvert kort í appinu og eru mjög góð leið til að auka öryggi kortsins þíns. Þú getur m.a. lokað fyrir erlenda notkun, hraðbankaúttektir, netverslun o.fl. eftir því hvað hentar þínum þörfum. Nánar um öryggisstillingar.

Þú gætir einnig vilja kynna þér vöktunarþjónustu korta þar sem þú færð skilaboð í hvert skipti sem kort er notað án þess að korthafi sé á staðnum.

Þegar kort er skráð í vöktunarþjónustu þá berast skilaboð til korthafa vegna nokkurra aðgerða, t.d. þegar kort er notað án þess að korthafi sé raunverulega á staðnum. Ef úttekt án korts er valin þá berast skilaboð um heimildarbeiðnir t.d. við netgreiðslur, úttektir með dælulyklum, ýmsar boðgreiðslur, áskriftir o.þ.h.

Þú getur skráð kort í vöktunarþjónustu í appinu með því að: velja kortið, fara í punktana þrjá, velja "öryggi, vöktun og lokun" og þar "vöktun".  Eftir það fylgirðu ferlinu.
Ath. ekkert gjald er tekið fyrir sms vegna úttektar án korts.
Það er líka velkomið að hafa samband við okkur í síma 410 5000 og við aðstoðum þig.

Tókar eru orð yfir sýndarnúmer sem tengjast þínu korti og notuð af söluaðilum í staðinn fyrir kortnúmerið þitt. Hvert sýndarnúmer virkar einungis hjá einum söluaðila eða í einu tæki. Svona númer eru t.d. notuð í Google Pay og Apple Pay, mörgum boðgreiðslum, áskriftum, netverslunum o.þ.h. 
Visa heldur utan um númerin og tengir saman kortnúmer og sýndarnúmer þannig að í þessum tilvikum er kortnúmerið þitt ekki að ferðast fram og tilbaka. 

Beingreiðsla þýðir raunverulega bara bein skuldfærsla út af bankareikningi á gjalddaga, í staðinn fyrir að greiða kröfuna handvirkt úr ógreiddum reikningum.

Boðgreiðslur eru reglulegar greiðslur og áskriftir sem korthafi er búinn að skrá sig fyrir hjá söluaðilum og eru færðar á kortið.

Þegar nýtt kort er pantað, þá færist árgjaldið strax á reikninginn.

Á eldri kortum sést þetta í  "nánar" um kortið í appinu og þar sérðu árgjaldamánuðinn.

Til þess að aflæsa PIN geturðu farið í hraðbanka. Þú þarft að passa að vera með rétt PIN á kortinu.

Debetkort - Hraðbankar Landsbankans geta opnað PIN á debetkortum. Ef þú ert í útlöndum, þá þarf að taka út reiðufé til að aflæsa PIN. Gott að miða við 10.000 ISK.

Kreditkort - Taka þarf út reiðufé með kreditkortum svo PIN-ið aflæsist í hraðbönkum. Innanlands gildir hvaða upphæð sem er en ef þú ert erlendis er gott að miða við u.þ.b. 10.000 ISK.

Þú getur einnig haft samband við okkur í síma 410 5000 eða komið við í næsta útibúi og við aðstoðum þig.

Öll ný kort sem Landsbankinn gefur út eru slétt.

Nafn korthafa og eiganda er á framhlið kortsins en allar upplýsingar um kortið sjálft, þ.e. kortnúmerið, gildistími og öryggisnúmer eru á bakhliðinni.

Það er mismunandi eftir hverri kortategund hversu háa fjárhæð er hægt að taka út á sólarhring. Eigendur hraðbankanna geta einnig verið með eigin úttektarreglur sem mögulega takmarka úttektir meira en það sem við leyfum.

Úttektarmörk fyrirtækjakorta Landsbanks í hraðbönkum á sólarhring:

• Almennt kreditkort: 120.000 kr.
• Viðskiptakort: 200.000 kr.
• Gull viðskiptakort: 200.000 kr.
• Platinum viðskiptakort: 200.000 kr.
• Premium viðskiptakort: 200.000 kr. 
• Innkaupakort: 0 kr.

Úttektir erlendis eru miðaðar við gengi Landsbankans fyrir Visa kort og eru háðar reglum í hverju landi fyrir sig.

ATH. 3 tímar þurfa að líða á milli hraðbankaúttekta erlendis.

Þóknun vegna hraðbankaúttekta er skv. verðskrá Landsbankans á hverjum tíma.

Álag bankans á heildsöluverð VISA er .... ofan á allar erlendar greiðslukortafærslur.

Það eru engin færslugjöld á kredit- og fyrirframgreiddum kortum, hvorki innanlands né erlendis. En það eru gjöld skv. verðskrá ef tekið er út í hraðbönkum.

Á debetkortum eru færslugjöld skv. verðskrá, en þar eru engin hraðbankagjöld innanlands, bara erlendis.

Sjá nánar í verðskrá