Fjárfestingin er ekki háð verðbreytingu eins verðbréfs heldur safni verðbréfa, allra verðbréfa sem eru í sjóðnum. Auk þess er skattalegt hagræði af því að fjárfesta í sjóði þar sem  ekki er greiddur fjármagnstekjuskattur af viðskiptum innan sjóðsins. Einungis er greiddur fjármagnstekjuskattur við sölu.

Það er einfaldast og ódýrast að kaupa í gegnum netbankann. Þú getur framkvæmt stök kaup eða skráð þig í mánaðarlega áskrift.

Þegar þú hefur valið sjóð smellir þú á „Kaupa“. Þú klárar kaupin í þremur einföldum skrefum. 

1.       Smelltu á „Kaupa“ fyrir aftan nafn sjóðs

2.       Skráðu fjárhæð, veldu stök kaup eða áskrift og veldu svo úttektarreikning

3.       Smelltu á „Kaupa í sjóði“

Nú birtist yfirlit yfir viðskiptafyrirmæli í vinnslu efst á verðbréfasíðunni.

Viðskiptin eru því næst gerð upp. Oftast er uppgjörstíminn tveir dagar en í Veltubréfum er hann einn dagur.

Þú getur einnig hringt í ráðgjafa okkar í Verðbréfa- og lífeyrisþjónustu í síma 410 4040 eða komið við í næsta útibúi.

Þú getur selt eign í sjóðum þegar þér hentar. Einfaldast er að senda sölufyrirmæli inn í gegnum netbankann. Líkt og þegar þú fjárfestir þá er ákveðinn uppgjörstími, oftast tveir dagar.

Þú getur einnig hringt í ráðgjafa okkar í Verðbréfa- og lífeyrisþjónustu í síma 410 4040 eða komið við í næsta útibúi.

Lágmarksfjárfesting er 10.000 kr. þegar keypt er í sjóðum. Með reglubundnum sparnaði í sjóði, þ.e. mánaðarlegri áskrift, þá er lágmarkið 5.000 kr. á mánuði. 

Helsti munurinn á verðbréfasjóði og fjárfestingarsjóði er að það eru rýmri fjárfestingarheimildir í fjárfestingarsjóðum en verðbréfasjóðum. Fjárfestingu í sjóðum fylgir ávallt áhætta þar sem gengi þeirra getur bæði hækkað og lækkað, t.d. vegna verðbreytinga á eignum sjóðanna og vegna gengisflökts gjaldmiðla þegar eignir sjóða eru í erlendum gjaldmiðlum.

Þú getur skoðað fjárfestingarheimildir hvers sjóðs í útboðslýsingu, upplýsingablaði og lykilupplýsingum sjóðsins.

Ekki þarf að hafa sérþekkingu til að stunda viðskipti með verðbréfasjóði enda flokkast þeir sem einfaldir fjármálagerningar. Lögum samkvæmt þarftu að þekkja helstu áhættuþætti fjárfestingarsjóða áður en fjárfest er í þeim. Þú finnur helstu áhættuþætti hvers sjóðs í upplýsingablaði hans.

Helsti munurinn á verðbréfa- og fjárfestingarsjóðum er að fjárfestingarheimildir fjárfestingarsjóða eru rýmri.

Þú geta skoðað fjárfestingarheimildir hvers sjóðs í útboðslýsingu, upplýsingablaði og lykilupplýsingum sjóðsins.

Já, í mánaðarlegri áskrift er keypt fyrir ákveðna fjárhæð og reikningur skuldfærður fyrir viðskiptunum. Ekkert gjald er við kaup í mánaðarlegri áskrift, auk þess sem afsláttur er veittur af afgreiðslugjaldi.

Það eina sem þú þarft að gera er að stofna mánaðarlega áskrift í kaupferlinu í netbankanum og ákveða fjárhæðina. Við sjáum svo um framkvæmdina eftir það.

Áður en keypt er í sjóði þarf að samþykkja viðskiptaskilmála um þjónustu á sviði verðbréfaviðskipta.

Til að samþykkja skilmálana er best að hafa samband við ráðgjafa okkar í Verðbréfa- og lífeyrisþjónustu í síma 410 4040.

Geymslusafn er verðbréfareikningur sem Landsbankinn geymir verðbréfaeign viðskiptavinar á.

Gjald við kaup og afgreiðslugjald er viðskiptaþóknun þegar keypt er í sjóðum. Gjald við kaup er mismunandi eftir sjóðum, sjá nánar í gjaldskrá bankans.

Við veitum 25% afslátt af gjaldi við kaup og 50% afslátt af afgreiðslugjaldi þegar þú framkvæmir viðskipti í netbankanum.

Í mánaðarlegri áskrift fellum við niður gjald við kaup og afgreiðslugjald er 100 kr.

Afgreiðslugjald er einungis greitt við sölu.

Árleg umsýsluþóknun sjóða er einskonar árgjald sjóðanna sem dekkar kostnað við rekstur sjóðsins. Umsýsluþóknunin reiknast inn í gengi sjóðanna og er því ekki innheimt sérstaklega.

Vörsluþóknun er árgjald sem þú greiðir vegna vörslu verðbréfa. Þú greiðir ekki vörsluþóknun fyrir vörslu sjóða Landsbréfa.

Sjóðaviðskipti þín eru gerð upp einum til þremur viðskiptadögum eftir að þú sendir viðskiptafyrirmæli í gegnum netbankann. Uppgjörstími sjóða er oftast tveir viðskiptadagar. Fyrir Veltubréf er uppgjörstíminn þó einn viðskiptadagur og í erlendum hlutabréfasjóðum er hann þrír viðskiptadagar.

Landsbréf eru dótturfélag Landsbankans. Landsbréf reka meðal annars verðbréfa- og fjárfestingarsjóði sem Landsbankinn býður viðskiptavinum sínum að fjárfesta í. Sjóðirnir hafa allir mismunandi fjárfestingarstefnur og þar með mismunandi ávöxtun og áhættu. Landsbréf hafa starfsleyfi á Íslandi sem rekstrarfélag verðbréfasjóða og sem rekstraraðili sérhæfðra sjóða og lúta eftirliti Fjármálaeftirlits Seðlabanka Íslands.