Fagfjárfestaþjónusta
Gott aðgengi að upplýsingum og þekkingu
Það er margþætt og krefjandi að ávaxta fjármuni. Mikilvægt er að hafa gott aðgengi að upplýsingum og sérfræðiþekkingu og geta brugðist skjótt við breytingum sem verða í efnahagslífinu eða rekstrinum.
Þjónustan okkar
Við sinnum fjárfestingarráðgjöf, miðlun verðbréfa og gjaldeyris fyrir lífeyrissjóði, vátryggingafélög, eignastýringarfyrirtæki, styrktarsjóði, stofnanir, fjölskylduskrifstofur og fjársterka einstaklinga.
- Regluleg miðlun markaðsupplýsinga
- Aðgengi að viðskiptastjórum Eignastýringar og Markaðsviðskipta
- Aðgengi að starfsfólki Hagfræðideildar og sjóðstjórum Landsbréfa
Ráðgjöf og miðlun
Viðskiptastjórar með áralanga reynslu veita faglega ráðgjöf, þar sem þörfum hvers og eins er mætt.
Í fagfjárfestaþjónustu hafa viðskiptavinir beint aðgengi að innlendum og erlendum mörkuðum hvort sem er í stökum verðbréfum, gjaldeyri eða sjóðum, en Landsbankinn er í samstarfi við reynd og þekkt eignastýringarhús.
Samstarfsaðilar okkar
Samstarfsaðili okkar innanlands er Landsbréf dótturfélag bankans. Erlendis höfum við byggt upp samstarf við leiðandi eignastýringarfyrirtæki og eru okkar helstu samstarfsaðilar LGT Capital Partners, Jupiter og UBS Investment Bank en auk þeirra er bankinn í samskiptum við önnur erlend félög. Hér má finna upplýsingar um samstarfsaðila.
Landsbréf er eitt stærsta sjóðastýringarfyrirtæki landsins. Landsbréf stýra fjölbreyttu úrvali sjóða og félaga sem fjárfesta víða í íslensku samfélagi og á alþjóðlegum verðbréfamörkuðum.
LGT Capital Partners er alþjóðlegt eignastýringarfyrirtæki með höfuðstöðvar í Sviss og skrifstofur víðsvegar um heim allan. Fyrirtækið býður fjárfestum fjölbreytt úrval fjárfestingarkosta þar sem ábyrgar og áhrifafjárfestingar eru hafðar að leiðarljósi.
Jupiter AM er sjóðastýringarfyrirtæki sem býður upp á fjölbreytt úrval verðbréfasjóða með virka stýringu þar sem áherslu er á sérhæfðar þemafjárfestingar víðsvegar um Evrópu og í Asíu.
UBS Asset Management er alþjóðlegt eignastýringarfyrirtæki sem starfrækir fjölda verðbréfasjóða fyrir fjölbreyttar þarfir fjárfesta í öllum helstu eignaflokkum.
Alliance Bernstein er alþjóðlegt eignastýringarfyrirtæki sem veitir viðskiptavinum sínum aðgengi að sjóðum með yfir hundrað mismunandi fjárfestingaraðferðum.
Ashmore Group er sjóðastýringarfyrirtæki sem sérhæfir sig í fjárfestingum í nýmörkuðum. Fyrirtækið hefur verið leiðandi í fjárfestingum á nýmörkuðum í yfir 20 ár.
AXA Investment Managers er eitt stærsta sjóðastýringarfyrirtæki Evrópu. Viðskiptavinum er boðið upp á breitt úrval sjóða, ýmist með virkri eða hlutlausri stýringu með mismunandi fjárfestingaraðferðum.
BlackRock er alþjóðlegt sjóðastýringarfyrirtæki með aðsetur í New York. Fyrirtækið sérhæfir sig í vísitölusjóðum og er eitt af þremur stærstu aðilum í heiminum sem bjóða fjárfestum að fjárfesta í kauphallarsjóðum sem fylgja ákveðnum vísitölum.
T. Rowe Price er bandarískt sjóðastýringarfyrirtæki sem býður upp á fjölbreytt úrval sjóða í öllum eignaflokkum með mismunandi fjárfestingarstefnur þar sem fjárfest er ýmist í þróuðum, vaxtar- eða nýmörkuðum.
Goldman Sachs Asset Management er leiðandi sjóðstýringafyrirtæki á alþjóðlegum eignastýringarmarkaði. Bandaríski fjárfestingarbankinn býður upp á fjölbreytt úrval sjóða sem fylgja nýjustu straumum og stefnum í fjárfestingum með sjálfbærni að leiðarljósi.
Miðlun markaðsupplýsinga
Í fagfjárfestaþjónustu færð þú reglulega markaðsupplýsingar. Einnig getur þú sem viðskiptavinur fagfjárfestaþjónustu óskað eftir fundum með starfsfólki Hagfræðideildar, sjóðstjórum Landsbréfa eða erlendra sjóða sem Landsbankinn er í samstarfi við.
Eignastýring
Verðbréfamiðlun
Gjaldeyrismiðlun
Komdu í hóp ánægðra viðskiptavina
Það tekur aðeins örfáar mínútur að fá aðgang að netbanka og appi, stofna reikning og fá kort.
