Lands­bank­inn breyt­ir vöxt­um

Útlánsvextir

• Breytilegir vextir á óverðtryggðum íbúðalánum lækka um 0,50 prósentustig og verða frá 10,00%.
• Fastir vextir til þriggja ára á nýjum óverðtryggðum íbúðalánum lækka um 0,35 prósentustig og verða frá 8,50%.
• Fastir vextir til fimm ára á nýjum óverðtryggðum íbúðalánum lækka um 0,20 prósentustig og verða frá 8,35%.
• Kjörvextir á óverðtryggðum lánum lækka um 0,50 prósentustig.
• Yfirdráttarvextir lækka um 0,50 prósentustig.

Innlánsvextir

• Vextir á óverðtryggðum veltureikningum lækka um 0,25-0,50 prósentustig.
• Vextir á óverðtryggðum sparireikningum lækka um 0,25-0,50 prósentustig.
• Vextir á reikningum í erlendri mynt taka breytingum í samræmi við breytingar á stýrivöxtum og markaðsvöxtum í viðkomandi mynt.

Engar breytingar verða á vöxtum verðtryggðra inn- eða útlána.

Samhliða vaxtabreytingunum taka gildi breytingar á útlánareglum Landsbankans sem fela m.a. í sér að hámarkslánstími nýrra verðtryggðra íbúðalána verður 25 ár. Fyrstu kaupendum býðst þó áfram að taka verðtryggð lán til 30 ára. Nánar er greint frá þessum breytingum í annarri tilkynningu á vef bankans.

Breytingarnar eru gerðar í kjölfar vaxtaákvörðunar Seðlabanka Íslands frá 20. nóvember sl. en þá lækkaði Seðlabankinn meginvexti um 0,50 prósentustig. Vaxtabreytingarnar taka einnig mið af vöxtum á markaði og öðrum fjármögnunarkjörum Landsbankans. 

Breytingar á vöxtum útlána sem falla undir lög um neytendalán eða lög um fasteignalán til neytenda taka gildi í samræmi við tilkynningar þar að lútandi, í flestum tilfellum eftir 30 daga. Breytingar á vöxtum greiðslureikninga sem falla undir lög um greiðsluþjónustu taka gildi að tveimur mánuðum liðnum í samræmi við skilmála sem gilda um þá reikninga og tilkynningar þar að lútandi.

Hægt verður að nálgast tilkynningar undir Rafræn skjöl í netbankanum eða Skjöl í Landsbankaappinu.

Nánar er greint frá þessum breytingum í annarri tilkynningu á vef bankans.