Landsbankinn breytir vöxtum
Vextir Landsbankans breytast frá og með 12. desember 2022. Ákvörðun um breytingarnar er tekin í kjölfar vaxtaákvörðunar Seðlabanka Íslands frá 23. nóvember sl. en þá hækkaði Seðlabankinn vexti um 0,25 prósentustig. Vaxtabreytingarnar taka einnig mið af vöxtum á markaði og öðrum fjármögnunarkjörum Landsbankans.
Helstu breytingar
Breytilegir vextir Landsbankans á óverðtryggðum íbúðalánum hækka um 0,25 prósentustig og verða 7,50%. Breytilegir vextir á verðtryggðum íbúðalánum hækka um 0,25 prósentustig. Fastir vextir nýrra óverðtryggðra íbúðalána hækka um 0,10-0,15 prósentustig og fastir vextir nýrra verðtryggðra íbúðalána hækka um 0,15 prósentustig.
Kjörvextir á óverðtryggðum og verðtryggðum útlánum hækka um 0,25 prósentustig og yfirdráttarvextir hækka um 0,25 prósentustig.
Vextir á óverðtryggðum sparireikningum hækka um 0,25 prósentustig
Vextir á óverðtryggðum sparireikningum hækka að jafnaði um 0,25 prósentustig og vextir almennra veltureikninga hækka um 0,05 prósentustig.
Ný vaxtatafla tekur gildi mánudaginn 12. desember 2022. Breytingar á vöxtum á lánum sem falla undir lög um neytendalán eða lög um fasteignalán til neytenda taka þó gildi í samræmi við tilkynningar þar að lútandi sem sendar verða viðskiptavinum í netbanka.
Við vekjum athygli á fræðslugrein á vef bankans þar sem fjallað er um áhrif vaxtahækkana á lán.
Ef lán (neytendalán eða fasteignalán til neytenda) er með breytilega vexti taka breytingarnar gildi 30 dögum eftir að tilkynnt er um breytinguna. Þetta á t.d. við um íbúðalán eða bílalán til einstaklinga sem eru á breytilegum vöxtum. Vextir lána með fasta vexti breytast ekki á meðan á fastvaxtatímanum stendur.
Hvaða áhrif hafa vaxtahækkanir á lánin mín – fræðslugrein á Umræðunni
![Netbanki](https://images.prismic.io/landsbankinn/92e7a426-af51-430b-95d2-9ceeef1f1d2a_Tolva-2023-Netbanki-einstaklinga.png?fit=max&w=3840&&q=50)
![](https://images.prismic.io/landsbankinn/ZpUzJh5LeNNTxKWz_landsbankinn_gay_pride-5_medium1600x1067.jpg?fit=max&w=3840&&q=50)
![Stúlka með síma](https://images.prismic.io/landsbankinn/c8831a3c-db04-49f2-9649-78176beedd34_5U3A4396_graded.jpg?fit=max&w=3840&&q=50)
![Menningarnótt 2023](https://images.prismic.io/landsbankinn/4bf21ee8-baa5-41e4-9ce2-d6163a24466b_LANDSBANKI_menningarnott_13.jpg?fit=max&w=3840&&q=50)
![Austurbakki](https://images.prismic.io/landsbankinn/ced8837c-715d-4bd8-921f-a043ee61f45e_Austurbakki.png?fit=max&w=3840&&q=50)
![Björn A. Ólafsson](https://images.prismic.io/landsbankinn/ZobJ9h5LeNNTwzOO_LB2024_BK210509.jpg?fit=max&w=3840&&q=50)
![Landsbankinn.pl](https://images.prismic.io/landsbankinn/ZoU3LR5LeNNTwwKc_tolva-pl-2024.jpg?fit=max&w=3840&&q=50)
![](https://images.prismic.io/landsbankinn/43e0b07e-8747-4f5c-8ebe-3169c50e1e25_LB_Hrifunes_0672_01.jpg?fit=max&w=3840&rect=0,0,1708,1281&q=50)
![Arinbjörn Ólafsson og Theódór Ragnar Gíslason](https://images.prismic.io/landsbankinn/ZnRdHZm069VX17b8_landsbankinn_defend_iceland.jpg?fit=max&w=3840&rect=219,0,3201,2401&q=50)
![](https://images.prismic.io/landsbankinn/34b0b00d-b34e-45f0-9b83-f017144502e2_1920px_Nikki_V4A7550.jpg?fit=max&w=3840&rect=0,479,1281,961&q=50)