Betri árangur með sjálfbærni - Fyrirtækjarekstur og fjárfestingar
Við stöndum fyrir spennandi morgunfundi fyrir stjórnendur, fólk í rekstri og fjárfesta um tækifærin til að ná betri árangri með sjálfbærni.
Fundurinn verður haldinn í Grósku, Vatnsmýri fimmtudaginn 22. september kl. 9.00-11.30. Boðið verður upp á morgunhressingu frá kl. 8.30.
Sætafjöldi er takmarkaður og því hvetjum við þig til að skrá þig sem fyrst til að tryggja þér sæti en einnig er hægt að skrá sig á fundinn til að fylgjast með í vefstreymi.
Að fundi loknum verður gestum boðið að skoða fyrstu rafmagnsflugvélina á Íslandi og smakka snarl af fyrsta vetnisgrilli landsins.
Dagskrá sjálfbærnidags Landsbankans 2022
- Setning - Lilja Björk Einarsdóttir, bankastjóri Landsbankans.
- Fjárfestingar og fyrirtækjarekstur fyrir auðgandi framtíð - Kristín Vala Ragnarsdóttir, prófessor við Háskóla Íslands.
- Creating value for stakeholders through impact assessment - Tjeerd Krumpelman, alþjóðasviðsstjóri í sjálfbærni hjá ABN Amro banka í Hollandi. ABN Amro er í fararbroddi fjármálafyrirtækja í sjálfbærum fjármálum.
- Sjálfbær sjávarútvegur - tækifæri og áskoranir - Runólfur V. Guðmundsson, framkvæmdastjóri Útgerðarfélags Reykjavíkur.
- Vistvænni mannvirkjagerð - út frá sjónarhóli verktaka - Sigrún Melax, gæðastjóri Jáverk ehf.
- Bætt orkunýting í skipaflutningum - Stefán H. Stefánsson, framkvæmdastjóri Cargow.
Fundarstjóri er Aðalheiður Snæbjarnardóttir, sjálfbærnistjóri Landsbankans.
Nánar um Tjeerd Krumpelman frá ABN Amro
Tjeerd Krumpelman er alþjóðasviðstjóri í sjálfbærni hjá ABN AMRO banka í Hollandi. Erindi hans fjallar um hvernig beita má sjálfbærni í daglegum rekstri til að ná betri árangri og hafa jákvæð heildaráhrif sem og hvað beri að forðast til að fyrirbyggja neikvæð áhrif á rekstur. Tjeerd hefur starfað í fjármálageiranum í yfir 20 ár og síðustu 8 ár hefur hann farið fyrir sjálfbærnimálum ABM Amro þar sem hann leiðir teymi sem veitir sjálfbærniráðgjöf og ber ábyrgð á ófjárhagslegri upplýsingagjöf bankans, sem og áhrifaskýrslum.
