Fréttir

Út­hlut­an­ir úr Menn­ing­ar­næt­urpotti Lands­bank­ans

Alls fékk 21 spennandi verkefni styrki úr Menningarnæturpotti Landsbankans í ár. Veittir voru styrkir á bilinu 100 - 300 þúsund krónur til einstaklinga og hópa, samtals fjórar milljónir króna. Starfshópur á vegum Reykjavíkurborgar valdi styrkþegana úr hópi 95 umsókna.
Menningarnótt
13. júlí 2021

Verkefnin sem fengu styrki eru einstaklega fjölbreytt og ættu allir að geta fundið eitthvað við sitt hæfi. Viðburðirnir eru fyrir alla aldurshópa og eiga sér stað vítt og breytt um borgina. Landsbankinn mun til viðbótar við styrkina standa fyrir dagskrá í útibúi sínu í Austurstræti á Menningarnótt.

Styrkþegar Menningarnæturpotts Landsbankans 2021:

Fjölskylduvinnustofur um ræktun, óskir og drauma - Stofnun Sæmundar Fróða

Vinnustofur sem snúa að ræktun við íslenskar aðstæður. Sigríður Þorgeirsdóttur, heimspekiprófessor við HÍ, flytur erindi og einstaklingar úr ólíkum áttum segja sögur sínar. Fluttur verður þátttökugjörningurinn Draumasafnið þar sem börn vinna með hugmyndir sínar um sitt nærumhverfi. Að lokum er blásið til matarmenningarhátíðar.

Búkolla tónlistarævintýri - Töfrahurð

Frumflutningur á nýju tónlistarævintýri fyrir börn, byggðu á þjóðsögunni Búkolla úr safni Jóns Árnasonar. Verkið er skrifað með börn og ungmenni í huga, til að skemmta þeim, en einnig til að vekja þau til vitundar um menningu og sögu þjóðar okkar. Flytjendur eru CAPUT-hópurinn undir stjórn Guðna Franzsonar og sögumaður er Huld Óskarsdóttir.

Opið hús í Frakklandi - Hákon Bragason

Í garðinum Frakkland á Frakkastíg verður í sumar starfrækt lifandi lista og viðburðarými. Á Menningarnótt verður þétt dagskrá með upprennandi listafólki þar sem skapað verður hlýlegt og heimilislegt rými í hjarta miðbæjarins. Viðburðir af ýmsum toga fara fram allan daginn, t.d. tónleikar, gjörningar og matargerð.

Reykjavík, borgin mín - Félagið íslensk grafík

Grafíksýning 20-40 listamanna í Grafíksalnum, Hafnarhúsinu, þar sem hver listamaður túlkar sýn sína á höfuðborgina í margbreytileika grafíklistaraðferða. Einnig verður grafíksmiðja á verkstæði félagsins í sama húsnæði, þar sem gestir og gangandi geta prentað sín eigin listaverk með aðstoð félagsmanna.

Grand opening / Smekkleysa og Stak - Smekkleysa

Formleg opnun á nýju fjölnotarými Smekkleysu og Stak við Hjartatorg. Hljómsveitirnar Ólafur Kram, Pínulitlar peysur og tónlistarmaðurinn Kaktus Einarsson koma fram.

Matur-Dans-Tónlist - Buenaventura hópurinn

Kynning og samþætting á menningu frá ýmsum löndum við íslenska menningu. Fjölmenningarlegur viðburður þar sem matargerð, dans og tónlist er blandað saman.

Máltíð x Sushi x Elin Margot og Fiskmarkaðurinn - Fiskmarkaðurinn

Fiskmarkaðurinn ætlar að gera sushilistaverk með Elínu Margot og verkefninu Máltíð. Framreitt verður sushilistaverk sem fólk getur horft á og borðað þegar það er tilbúið.

Eldklárar og eftirsóttar: Stytt í spunann - Eldklárar og eftirsóttar á Menningarnótt

Spunahópurinn Eldklárar og eftirsóttar framkvæma feminíska gjörninga sem tengjast menningararfi kvenna í Reykjavík. Hópurinn samanstendur af tíu þaulreyndum spunaleikkonum úr ólíkum áttum sem munu framkvæma átta tuttugu mínútna spunagjörninga fyrir framan fjórar styttur af konum og eftir konur í miðborg Reykjavíkur.

Síðasta lag - Una Sveinbjarnardóttir og Tinna Þorsteinsdóttir

Una Sveinbjarnardóttir, fiðluleikari, og Tinna Þorsteinsdóttir, píanóleikari, spila lög af nýrri plötu í bland við spuna og óskalög.

Ljóð á leið í bæinn - Hólavallagarður/Heimir Björn Janusarson

Ung skáld á öllum aldri flytja ljóð í Hólavallakirkjugarði undir listrænni stjórn skáldsins Sigurlaugar Diddu Jónsdóttur. Fimm skáld stíga á stokk ásamt myndarlegu tónlistaratriði.

Tíst, tíst! Ćwir, ćwir! Tweet, tweet! The migratory birds at Menningarnótt - Ewa Marcinek, Nanna Gunnarsdóttir

Leikræn sögustund fyrir börn og foreldra þeirra þar sem unnið er með leiklist, bókmenntir og hljóðupplifanir. Fjöltyngdur og fjölskylduvænn viðburður sem fer fram á íslensku, ensku, pólsku og á fuglasöngísku.

Stöðufundur í Gröndalshúsi - Kristína Aðalsteinsdóttir og Þorvaldur Sigurbjörn Helgason

Í sýningunni birtast verk tíu listamanna sem allir eru verðugir fulltrúar aldamótakynslóðarinnar (e. Millennials.) Hópurinn samanstendur af fimm myndlistarmönnum og fimm rithöfundum sem eru ólíkir innbyrðis en eiga það sameiginlegt að verk þeirra takast á við samtímann og stöðu ungs fólk í dag.

Bingó í bænum - Lalli töframaður

Bingósamvera með Lalla töframanni sem heldur töfrasýningar bæði fyrir og á meðan bingói stendur. Glæsilegir bingóvinningar frá fyrirtækjum og stofnunum í miðbænum og allir krakkar fá blöðrudýr í vinning.

Capoeira á Austurvelli - Capoeira

25 manna glæsileg sýning á Capoeira á Austurvelli. Capoeira er bardagalist frá Brasilíu. Iðkendur beygja sig undan spörkum andstæðingsins með glæsilegum hreyfingum og loftfimleikum og nýta sér lúmsk brögð í tilkomumiklum bardaga með lítilli eða engri snertingu. Einnig er spunnið saman við herlegheitin seiðandi dansi og lifandi tónlist sem leikin er á hefðbundin hljóðfæri smíðuð skv. aldagamalli hefð úr hráefni úr Amazonskóginum.

Syngdu með Rokkkór Íslands - Rokkkór Íslands

Rokkkór Íslands hefur í nokkur ár haldið uppi fjöri með meðsöngsprógrammi sínu. Flutt verða klassísk rokklög úr ýmsum áttum sem allir þekkja og geta sungið með.

Hannyrðapönk í almenningsrými - Sigrún hannyrðapönkari

Grunnhugmynd hannyrðapönksins: að allir sem vilja láta gott af sér leiða með handavinnu, handverki og/eða hannyrðum geta starfað undir formerkjum hannyrðapönksins. Í þessari smiðju getur fólk lært grunnatriði útsaums og hvernig er hægt að skreyta almenningsrými bæði með nýjum og gömlum útsaumi og þannig stuðla gegn sóun vefnaðarvöru með afturnýtingu.

Hliðarheimur plantna - Fischersund

Fischersund býður gestum menningarnætur upp á heildræna upplifun þar sem öll skynfæri eru virkjuð. Hannaðar verða nýjar plöntur inn í flóru Íslands sem í þeirra höndum fá ilm, hljóm og áferð. Á sýningunni gefst gestum kostur á að kynnast plöntunum, finna ilminn af þeim, sjá og snerta.

Perlur Japans og Íslands - Pamela De Sensi og Aulos Flute Ensemble

Aulos Flute Ensemble mætir til leiks með stórar og smáar flautur, leiðir áheyrendur í ferðalag frá eyju til eyju og á samtal tveggja heima í austri og vestri. Áheyrendum gefst kostur á að heyra japanskar flautuperlur sem ekki hafa heyrst hérlendis áður.

Deit, vín og grín - Vínstúkan Tíu sopar

Gestum vínstúkunnar verður boðið upp á menningarlega dagskrá þar sem nýjungar eru allsráðandi. Helst má nefna hraðstefnumót, blindsmakk og uppistand.

Reykjavík barnanna - sýning og söguganga - Linda Dögg Ólafsdóttir

Sýning á myndum úr bókinni Reykjavík barnanna en bókin kemur út á Menningarnótt. Sýningin er utandyra á stöplum í Pósthússtræti. Þar er fjallað um sögu Reykjavíkur og má sjá myndir úr bókinni ásamt gömlum ljósmyndum og öðru myndefni sem haft var til fyrirmyndar við gerð hennar

Elektróník í Grófinni - Auður Viðarsdóttir

Til að vekja athygli á því sem er að gerast í elektrónískri tónlist í Reykjavík og þeim möguleikum sem nýtt tónlistarverkstæði býður upp á á Borgarbókasafninu, varð til sú hugmynd að bjóða upp á elektróníska tónleika á mjög óvenjulegum stað á Menningarnótt. Tónlistarmenn koma sér fyrir á sviði sem verður á skyggninu yfir inngangi Borgarbókasafnsins í Grófinni.

Þú gætir einnig haft áhuga á
Grafísk mynd af Dyrfjöllum
21. sept. 2022

Spennandi dagskrá á sjálfbærnidegi Landsbankans

Sjálfbærnidagur Landsbankans verður haldinn í Grósku fimmtudaginn 22. september og verður einnig aðgengilegur í beinu vefstreymi. Dagskráin hefst kl. 9.00 en boðið verður upp á morgunhressingu frá kl. 8.30.
Grafísk mynd af Dyrfjöllum
9. sept. 2022

Betri árangur með sjálfbærni - Fyrirtækjarekstur og fjárfestingar

Við stöndum fyrir spennandi morgunfundi fyrir stjórnendur, fólk í rekstri og fjárfesta um tækifærin til að ná betri árangri með sjálfbærni.
New temp image
1. sept. 2022

Landsbankinn breytir vöxtum

Breytilegir vextir á óverðtryggðum íbúðalánum hækka um 0,75 prósentustig og verða 7,00%. Breytilegir vextir á verðtryggðum íbúðalánum hækka um 0,20 prósentusig. Fastir vextir nýrra óverðtryggðra og verðtryggðra íbúðalána eru óbreyttir.
Landsbankinn fyrirmyndarfyrirtæki í góðum stjórnarháttum
29. ágúst 2022

Landsbankinn fyrirmyndarfyrirtæki í góðum stjórnarháttum

Landsbankinn hefur fengið endurnýjaða viðurkenningu sem fyrirmyndarfyrirtæki í góðum stjórnarháttum. Helga Björk Eiríksdóttir, formaður bankaráðs Landsbankans og Berglind Svavarsdóttir, varaformaður, tóku á móti viðurkenningunni fyrir hönd bankans við hátíðlega athöfn á Nauthóli þann 26. ágúst.
25. ágúst 2022

Varist svik í gegnum samfélagsmiðla

Meðal aðferða sem netsvikarar beita er að taka yfir aðgang einstaklinga að Facebook, Messenger eða Instagram og senda síðan skilaboð í þeirra nafni þar sem beðið er um greiðslukortaupplýsingar, auðkennisnúmer og fleira sem hægt er að nota til að svíkja út fé.
24. ágúst 2022

Hægt að nota Auðkennisappið við innskráningu í netbankanum

Við vekjum athygli á að hægt er að nota Auðkennisappið til að skrá sig inn og til auðkenningar í netbankanum og einnig til að framkvæma fullgildar rafrænar undirritanir. Það hentar einkum þegar þú ert í netsambandi en ekki í símasambandi eða ert með erlent farsímanúmer.
24. ágúst 2022

Landsbréf skila góðum árangri á fyrri hluta ársins

Landsbréf hf. hafa birt árshlutareikning fyrir fyrri hluta ársins 2022.
24. ágúst 2022

Fyrsta farþegaflug rafmagnsflugvélar á Íslandi

Mörkuð voru tímamót í flugsögu Íslands 23. september þegar Guðni Th. Jóhannesson, forseti Íslands, og Katrín Jakobsdóttir, forsætisráðherra, voru fyrstu farþegar rafmagnsflugvélar á Íslandi í fyrstu tveimur farþegaflugunum. Viðburðurinn fór fram á Reykjavíkurflugvelli og þar voru stigin mikilvæg skref í orkuskiptum flugsamgangna.
New temp image
19. ágúst 2022

Breytingar á föstum vöxtum á nýjum íbúðalánum

Fastir vextir á nýjum óverðtryggðum íbúðalánum til 36 mánaða og 60 mánaða hækka um 0,20 prósentustig.
16. ágúst 2022

Menningarnótt í Landsbankanum Austurstræti 11

Menningarnótt verður haldin hátíðleg í miðborg Reykjavíkur laugardaginn 20. ágúst næstkomandi. Landsbankinn hefur verið máttarstólpi Menningarnætur frá upphafi og býður að venju upp á fjölbreytta dagskrá í Austurstræti 11.
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur