Fréttir
Samstarfssamningur viðskiptadeildar HR og Landsbankans
Landsbankinn og viðskiptadeild Háskólans í Reykjavík hafa skrifað undir samstarfssamning til þriggja ára. Markmiðið með samningnum er að styrkja nemendur í BSc námi í viðskipta-og hagfræði til þátttöku í alþjóðlegri keppni í fjárfestingum sem ber heitið Rotman International Trading Competition.
15. febrúar 2019 - Landsbankinn
Keppnin fer fram í Rotman School of Management í Toronto í Kanada og er haldin í febrúar ár hvert. Nemendur HR munu etja kappi við nemendur frá öllum heimsálfum en um 50-60 lið frá háskólum í Afríku, Asíu, Evrópu og Norður-Ameríku taka þátt í keppninni. Nemendur fá dýrmætt tækifæri til að kynnast jafnöldrum sínum um allan heim og um leið að fræðast um viðskipti innan kauphalla. Keppnin stendur yfir í þrjá daga og er sérstakur hugbúnaður, eða svokallaður hermir, notaður til að líkja eftir viðskiptum í kauphöllum.
Lögð er sérstök áhersla á að tryggja þátttöku kvenna í keppninni. Nemendur sem sækja keppnina ár hvert munu heimsækja starfsfólk Landsbankans og kynna fyrir þeim árangur liðsins. Sérstakt undirbúnings námskeið fyrir keppnina verður kennt í fyrsta skipti á haustönn 2019 og eftir það ár hvert.
Hrefna Ösp Sigfinnsdóttir, framkvæmdastjóri Markaða hjá Landsbankanum, Hrefna Sigríður Briem, forstöðumaður B.Sc. náms í viðskipta- og hagfræði hjá HR og Baldur G. Jónsson, mannauðsstjóri Landsbankans.Þú gætir einnig haft áhuga á
30. nóv. 2022
Fyrirtækjaráðgjöf Landsbankans var umsjónaraðili með söluferli og ráðgjafi við sölu á Freyju
Eigendur sælgætisgerðarinnar Freyju og Langasjávar ehf. hafa komist að samkomulagi um kaup Langasjávar á K-102 ehf. sem á dótturfélagið Freyju að fullu og einnig fasteignir sem tengjast rekstrinum. Kaupin eru háð hefðbundnum fyrirvara um samþykki Samkeppniseftirlitsins. Fyrirtækjaráðgjöf Landsbankans var umsjónaraðili með söluferli K-102 ehf. og ráðgjafi seljenda.
28. nóv. 2022
Um 100 manns í sögugöngu um Austurstræti 11
Mikill áhugi var á sögugöngum um Austurstræti 11 síðastliðinn sunnudag, 27. nóvember. Boðið var upp á tvær göngur og var fullt í þær báðar og rúmlega það.
21. nóv. 2022
Söguganga um Austurstræti 11 með Pétri H. Ármannssyni
Við bjóðum upp á tvær sögugöngur um Austurstræti 11 með Pétri H. Ármannssyni, arkitekt, fyrsta sunnudag í aðventu, 27. nóvember 2022.
16. nóv. 2022
Aukakrónurnar eru komnar í símann
Nú getur þú notað símann þinn til að borga með Aukakrónum! Þú bætir Aukakrónukortinu einfaldlega við Google Wallet eða Apple Wallet í gegnum Landsbankaappið og velur síðan Aukakrónur þegar þú borgar fyrir vörur eða þjónustu hjá um 200 samstarfsaðilum um allt land.
11. nóv. 2022
Viggó Ásgeirsson til liðs við bankann
Viggó Ásgeirsson, framkvæmdastjóri og einn af stofnendum Meniga, hefur verið ráðinn forstöðumaður Viðskiptaþróunar á Einstaklingssviði Landsbankans.
11. nóv. 2022
Guðrún og Hildur verða forstöðumenn hjá bankanum
Guðrún S. Ólafsdóttir og Hildur Sveinsdóttir hafa tekið við sem forstöðumenn á Einstaklingssviði Landsbankans. Báðar hafa þær mikla reynslu af störfum á fjármálamarkaði.
11. nóv. 2022
Fyrirtækjaráðgjöf Landsbankans aðstoðar við undirbúning að skráningu Bláa Lónsins
Bláa Lónið hefur ráðið Landsbankann til að annast undirbúning að fyrirhugaðri skráningu félagsins á Aðalmarkað Nasdaq Iceland.
9. nóv. 2022
Breyting á föstum vöxtum nýrra íbúðalána
Fastir vextir á nýjum óverðtryggðum íbúðalánum til 36 mánaða hækka um 0,15 prósentustig og fastir vextir á nýjum óverðtryggðum íbúðalánum til 60 mánaða hækka um 0,25 prósentustig. Fastir vextir á nýjum verðtryggðum íbúðalánum til 60 mánaða hækka um 0,20 prósentustig.
4. nóv. 2022
Landsbankinn styrkir Bergið headspace í nafni Framúrskarandi fyrirtækja
Líkt og undanfarin ár veitti Landsbankinn styrki til góðs málefnis í nafni allra þeirra fyrirtækja sem hlutu viðurkenningu Creditinfo sem Framúrskarandi fyrirtæki. Að þessu sinni rann styrkurinn, fjórar milljónir króna, til Bergsins headspace.
2. nóv. 2022
Óskum Amaroq Minerals til hamingju með skráningu á First North á Íslandi
Amaroq Minerals Ltd. var skráð á First North markaðinn í gær, 1. nóvember. Fyrirtækjaráðgjöf Landsbankans aðstoðaði félagið við hlutafjáraukningu þess í aðdraganda skráningar og þakkar félaginu kærlega fyrir ánægjulegt samstarf.