Höfuðstóll lánsins mun hækka sem nemur frestaðri fjárhæð.  

Ef vextir hafa ekki lækkað á meðan lánið var undir greiðsluþaki munu mánaðarlegar greiðslur hækka frá því sem var fyrir greiðsluþak. 

Vexti lánsins samkvæmt skilmálum þess þarf að greiða að fullu, þrátt fyrir greiðsluþak, en sá hluti greiðslunnar sem ekki rúmast undir greiðsluþakinu leggst við höfuðstólinn og kemur því til greiðslu þá gjalddaga sem eftir eru á láninu. Þar sem frestaða fjárhæðin er vaxtaberandi þegar hún er lögð við höfuðstólinn er heildarvaxtakostnaður ávallt lægri ef greiðsluþak er ekki nýtt. 

Pantaðu tíma og við höfum samband við þig fljótlega. Þú munt þurfa að undirrita skilmálabreytinguna í útibúi til að hægt sé að senda skjalið í þinglýsingu.  

Til þess að eiga kost á greiðsluþaki þarf viðskiptavinur að vera lánshæfur og í skilum.  

Greiðsluþak tekur gildi næstu mánaðamót eftir þinglýsingu. 

Ef verið er að endurfjármagna lán, t.d. til að festa vexti, þarf að greiða einn gjalddaga af nýja láninu áður en hægt er að óska eftir greiðsluþaki.   

Ef lán er að fara af föstum yfir á breytilega vexti er hægt að sækja um greiðsluþak þegar búið er að greiða einn gjalddaga af breytilegu vöxtunum.

Kostnaður við greiðsluþak er kostnaður við viðauka samkvæmt verðskrá Landsbankans og þinglýsingarkostnaður fyrir hvert skjal samkvæmt verðskrá sýslumanns. Kostnaður vegna viðaukans bætist við fyrstu greiðslu undir greiðsluþaki.

Veðhlutfallið ræðst af hlutfalli milli höfuðstóls lánsins og fasteignamats íbúðarinnar. Greiðsluþak hækkar höfuðstól láns sem þýðir að haldist fasteignamat óbreytt hækkar veðhlutfallið vegna greiðsluþaks, en hækki fasteignamat á tímabilinu þarf það þó ekki að vera. Þegar frestuð fjárhæð leggst við höfuðstólinn má veðhlutfall ekki fara yfir 80% (eða 85% ef þú ert með lán fyrir fyrstu kaupum).

Fastar greiðslur undir greiðsluþaki ganga alltaf fyrst upp í greiðslu á vöxtum. Sé fasta greiðslan hærri en vaxtagreiðslan fer það sem eftir stendur til greiðslu höfuðstólsafborgunar. Sé fasta greiðslan lægri en vaxtagreiðsla mun ekkert greiðast af höfuðstól og mun hann því haldast óbreyttur frá því að greiðsluþak tekur gildi þangað til því lýkur og frestaðri greiðslu er bætt við hann.

Greiðsluþak er framkvæmt með viðauka við lánssamning sem undirrita þarf handvirkt og þinglýsa.

Viðskiptavinir þurfa að vera með óverðtryggt íbúðalán hjá Landsbankanum og hafa verið með slíkt lán í a.m.k. 6 mánuði. Allir lántakar lánsins og þurfa að vera lánshæfir og í skilum a.m.k. síðastliðna 3 mánuði. Heildarskuldsetning lánsins má ekki fara umfram 80% með greiðsluþaki. Hafi kaup átt sér stað á síðastliðnum 2 árum tekur heildarskuldsetning mið af kaupverði, annars er tekið mið af fasteignamati.