Þú getur sótt um lán í appinu eða hér á vefnum með einföldum hætti. Ferlið er einfalt og skiptist í fjóra hluta. Að loknum hverjum hluta getur þú hætt og haldið áfram síðar þaðan sem frá var horfið.

Ef þú vilt átta þig betur á greiðslugetu þinni án þess að fara í gegnum greiðslumat þá getur þú áætlað hana með þar til gerðri reiknivél.

Ef þig vantar einhverja aðstoð við umsóknina, getur þú pantað tíma í ráðgjöf og ráðgjafar okkar aðstoða við lántökuna.

• Sækja um lán
• Nánar um greiðslumat
• Panta tíma í ráðgjöf

Við kaup á fasteign getur lánshlutfall verið allt að 80% af kaupverði eignar. Fyrstu kaupendur geta fengið lán fyrir allt að 90% af kaupverði ef allt lánið er óverðtryggt. Ef hluti lánsins er verðtryggður er hámarksveðsetning 85%. Verðtryggð íbúðalán eru aðeins í boði fyrir fyrstu kaupendur.

Við endurfjármögnun getur hámarks veðsetning verið 70% af fasteignamati eignar.

Íbúðalánið þarf að vera á fyrsta veðrétti og/eða í samfelldri veðröð frá fyrsta veðrétti.

Lánsfjárhæð fer m.a. eftir niðurstöðum úr greiðslumati þínu og veðsetningarhlutfalli fasteignarinnar. Ekki er skilgreind hámarksfjárhæð láns, en bankinn gerir ríkari kröfur til niðurstöðu greiðslumats varðandi tekjuafgang, gott lánshæfi og hámarksveðsetningar þegar um mjög há lán er að ræða. 

Einnig þarft þú að hafa í huga að Seðlabankinn hefur sett reglur um hámark greiðslubyrðar fasteignalána í hlutfalli við tekjur neytenda. Hámark mánaðarlegrar greiðslubyrðar fasteignalána má ekki fara yfir 35% af mánaðarlegum ráðstöfunartekjum neytenda þegar fasteignalán er veitt. Hámarkið má þó vera 40% ef um er að ræða fyrstu fasteignakaup.

Pantaðu tíma í ráðgjöf ef þú þarft hærra lán en 60 milljónir.

Þegar um jafnar afborganir af höfuðstól er að ræða þá felur það í sér að sá hluti greiðslunnar sem lántaki greiðir hverju sinni inn á höfuðstólinn helst fastur út lánstímann sé litið fram hjá áhrifum verðbólgu. Uppsafnaðir vextir leggjast við afborgun af höfuðstólnum. Greiðslubyrðin er hærri í byrjun lánstímans en lækkar með tímanum og verður á endanum lægri en ef jafngreiðslulán hefði verið valið. 

Lán með jöfnum greiðslum (annuitet) þýðir að sá hluti greiðslunnar sem þú borgar inn á höfuðstólinn helst fastur út lánstímann, það er hver gjalddagi er jafn hár þeim næsta sé litið fram hjá áhrifum verðbólgu. Þú borgar lítið inn á höfuðstólinn í fyrstu en eftir því sem vextirnir lækka greiðir þú meira inn á höfuðstólinn og lækkar þannig lánið. Afborgun af höfuðstól er mjög lág til að byrja með og eignamyndun hraðar síðari hluta lánstímans heldur en fyrri hluta hans.

Með föstum vöxtum festir þú vextina í tiltekinn tíma og tryggir þig gegn vaxtasveiflum. Hægt er að festa vexti í 12, 36 eða 60 mánuði í senn. Ef lánshlutfallið er lægra eru vextir lægri. Að fastvaxtatímabilinu loknu taka við breytilegir vextir.

Breytilegir vextir samanstanda af breytilegum grunnvöxtum, sem eru þeir sömu og meginvextir Seðlabankans á hverjum tíma, og föstu vaxtaálagi sem helst óbreytt. Vaxtagreiðslur geta þannig hækkað eða lækkað eftir því í hvora áttina meginvextir sveiflast.

Hægt er að fá lán á annað hvort föstum eða breytilegum vöxtum í upphafi lántöku

Sjá nánar í vaxtatöflu.

Þegar þú tekur lán greiðir þú alltaf vexti af eftirstöðvum skuldanna. Ef þú dreifir skuldunum yfir langt tímabil verður greiðslubyrðin lægri, en þú greiðir vexti allan þann tíma.

Eftir því sem lánstíminn er styttri, greiðir þú lánið hraðar niður og greiðir vexti í styttri tíma. Styttri lán eru því ódýrari þótt greiðslubyrðin sé hærri.

Vextir íbúðaláns með breytilega vexti miða við stýrivexti Seðlabankans ásamt föstu álagi út allan lánstímann.

Vextir koma ekki til með að vera lægri en fasta álagið. Það er það sem kallað er vaxtagólf óverðtryggra lána.

Þegar valið er að festa vexti á óverðtryggðum íbúðalánum til 12, 36 eða 60 mánaða þá færast óverðtryggð íbúðalán að þeim tíma loknum yfir á breytilega vexti sem miða þá einnig við ofangreint.