Með því að smella á „Leyfa allar“ samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.
Nánar um vefkökurÞú getur endurfjármagnað íbúðalánið í rólegheitum heima í stofu í appinu eða á vefnum.
Við leggjum til lánamöguleika út frá greiðslugetu þinni. Þegar þú hefur valið og fínstillt þína leið sendir þú inn umsókn sem þú undirritar í næsta útibúi okkar.
Greiðslumat gefur þér skýra mynd af greiðslugetu þinni og því hversu hátt lán þú getur tekið.
Höfuðstóll lánanna er ekki bundinn við verðbólgu sem þýðir að lánið hækkar aldrei, heldur lækkar jafnt og þétt út lánstímann sem skilar sér í hraðari eignamyndun heldur en þegar um verðtryggt lán er að ræða.
Lán sem er með breytilegum vöxtum ber ekki uppgreiðslugjald. Það sama á við um íbúðalán með föstum vöxtum í 12 mánuði.
Ef lánið er með föstum vöxtum getur þú þurft að borga uppgreiðslugjald, en bara ef fastir vextir á sambærilegu láni eru lægri en á láninu þínu.
Ráðgjafar okkar geta aðstoðað þig við að reikna út hvaða áhrif uppgreiðslugjaldið hefur á lánið þitt.
Ef íbúðalán er á breytilegum vöxtum samanstanda þeir af breytilegum grunnvöxtum, sem eru þeir sömu og stýrivextir Seðlabankans á hverjum tíma, og föstu vaxtaálagi sem helst óbreytt.
Heildarvextir geta hins vegar aldrei verið lægri en fasta vaxtaálagið. Það þýðir að lánið hefur lágmarksvexti sem stundum er kallað vaxtagólf.
Íbúðalán á föstum vöxtum til 12, 36 eða 60 mánaða færist eftir þann tíma yfir á breytilega vexti sem geta aldrei verið lægri en fasta vaxtaálagið.
Breytilegir vextir samanstanda af breytilegum grunnvöxtum, sem eru þeir sömu og stýrivextir Seðlabankans á hverjum tíma, og föstu vaxtaálagi sem helst óbreytt. Vaxtagreiðslur geta þannig hækkað eða lækkað eftir því í hvora áttina stýrivextir sveiflast.
Með föstum vöxtum bindur þú vextina í tiltekinn tíma og tryggir þig fyrir vaxtasveiflum. Hægt er að festa vexti í 12, 36 eða 60 mánuði í senn. Lánshlutfall er allt að 85% af fasteignamati íbúðar. Ef lánshlutfallið er lægra eru vextir lægri. Sjá vaxtatöflu.
Þegar verðbólga er há getur verið snúið að ávaxta sparnað til skemmri tíma. Ef ávaxta á sparnaðinn til lengri tíma eru fleiri möguleikar í stöðunni.
Fjárhagsleg markmiðasetning er oft grunnurinn að því að önnur markmið geti orðið að veruleika.
Ein hagstæðasta leiðin til að spara fyrir útborgun fyrir fyrstu íbúð er að skrá sig í viðbótarlífeyrissparnað því slíkan sparnað er hægt að nota skattfrjálst til útborgunar.
Það tekur aðeins örfáar mínútur að fá aðgang að netbanka og appi, stofna reikning og fá kort.
