Þú getur sótt um lán í appinu eða hér á vefnum með einföldum hætti. Ferlið er einfalt og skiptist í fjóra hluta. Að loknum hverjum hluta getur þú hætt og haldið áfram síðar þaðan sem frá var horfið.

Ef þú vilt átta þig betur á greiðslugetu þinni án þess að fara í gegnum greiðslumat þá getur þú áætlað hana með þar til gerðri reiknivél.

Ef þig vantar einhverja aðstoð við umsóknina, getur þú pantað tíma í ráðgjöf og ráðgjafar okkar aðstoða við lántökuna.

• Sækja um lán
• Nánar um greiðslumat
• Panta tíma í ráðgjöf

Tilgangurinn með greiðslumati er að sjá hversu mikið svigrúm þú hefur til að greiða af húsnæðislánum eftir að tekið hefur verið tillit til annarra útgjalda, s.s. vegna matarkaupa, reksturs bifreiðar, annarra lána og þess háttar.

Gott er að hafa í huga að það er ekki endilega rétt að nýta allt svigrúmið sem greiðslumatið gefur upp. Þú vilt geta leyft þér fleira en að kaupa mat og borga af lánum.

Hámarks lánstími óverðtryggðra lána er 40 ár. Verðtryggð lán geta að hámarki verið til 25 ára en 30 ár til fyrstu kaupenda.

Hámarks lánstími viðbótarlána er 25 ár.

Þegar þú tekur lán greiðir þú alltaf vexti af eftirstöðvum skuldanna. Ef þú dreifir skuldunum yfir langt tímabil verður greiðslubyrðin lægri, en þú greiðir vexti allan þann tíma.

Eftir því sem lánstíminn er styttri, greiðir þú lánið hraðar niður og greiðir vexti í styttri tíma. Styttri lán eru því ódýrari þótt greiðslubyrðin sé hærri.

Við kaup á fasteign getur lánshlutfall verið allt að 80% af kaupverði eignar, 70% grunnlán og 10% viðbótarlán. Við lánum allt að 85% fyrir fyrstu kaupendur, 70% grunnlán og 15% viðbótarlán.

Við endurfjármögnun getur hámarks veðsetning verið 70% af fasteignamati eignar.

Íbúðalánið þarf að vera á fyrsta veðrétti og/eða í samfelldri veðröð frá fyrsta veðrétti.

Lánsfjárhæð fer m.a. eftir niðurstöðum úr greiðslumatinu þínu en hámarks fjárhæð grunnláns getur þó aldrei orðið hærri en 90.000.000 eða samanlagt brunabótamat og lóðamat íbúðarhúsnæðisins.

Einnig þarft þú að hafa í huga að Seðlabankinn hefur sett reglur um hámark greiðslubyrðar fasteignalána í hlutfalli við tekjur neytenda. Hámark mánaðarlegrar greiðslubyrðar fasteignalána má ekki fara yfir 35% af mánaðarlegum ráðstöfunartekjum neytenda þegar fasteignalán er veitt. Hámarkið má þó vera 40% ef um er að ræða fyrstu fasteignakaup. Sjá nánar hér að neðan í spurningu um greiðslubyrðarhlutfall Seðlabankans.

Pantaðu tíma í ráðgjöf ef þú þarft hærra lán en 60 milljónir.

Þegar um jafnar afborganir af höfuðstól er að ræða þá felur það í sér að sá hluti greiðslunnar sem lántaki greiðir hverju sinni inn á höfuðstólinn helst fastur út lánstímann sé litið fram hjá áhrifum verðbólgu. Uppsafnaðir vextir leggjast við afborgun af höfuðstólnum. Greiðslubyrðin er hærri í byrjun lánstímans en lækkar með tímanum og verður á endanum lægri en ef jafngreiðslulán hefði verið valið. 

Lán með jöfnum greiðslum (annuitet) þýðir að sá hluti greiðslunnar sem þú borgar inn á höfuðstólinn helst fastur út lánstímann, það er hver gjalddagi er jafn hár þeim næsta sé litið fram hjá áhrifum verðbólgu. Þú borgar lítið inn á höfuðstólinn í fyrstu en eftir því sem vextirnir lækka greiðir þú meira inn á höfuðstólinn og lækkar þannig lánið. Afborgun af höfuðstól er mjög lág til að byrja með og eignamyndun hraðar síðari hluta lánstímans heldur en fyrri hluta hans.

Hægt er að taka fasta vexti í 36 eða 60 mánuði í senn eða breytilega vexti sem taka mið af vaxtatöflu hverju sinni. Ákveða þarf hvort festa eigi vexti aftur eða láta þá færast sjálfkrafa yfir á breytilega vexti  að fastvaxtatímabili loknu. 

Lán sem er með breytilegum vöxtum ber ekki uppgreiðslugjald.

Ef lánið er með föstum vöxtum getur þú þurft að borga uppgreiðslugjald, en bara ef fastir vextir á sambærilegu láni eru lægri en á láninu þínu.

• Uppgreiðslugjald getur að hámarki numið 0,2% fyrir hvert heilt ár sem eftir stendur af fastvaxtatímabili og aldrei hærra en 1% af fjárhæð endurgreiðslu.
• Uppgreiðslugjald á við þegar greitt er inn á lán og þegar það er greitt upp.
• Heimilt að greiða inn á íbúðalán með föstum vöxtum 1.000.000 kr. á almanaksári án þess að greiða uppgreiðsluþóknun.

Uppgreiðslugjöld lána eru einnig mismunandi milli lánastofnanna.

Ráðgjafar okkar geta aðstoðað þig við að reikna út hvaða áhrif uppgreiðslugjaldið hefur á lánið þitt.

Lántökugjald er ... og er það sama gjald hvort sem verið er að endurfjármagna eða kaupa.

Lántökugjald fyrir íbúða- og fasteignalán tengd erlendum gjaldmiðli er ...  

Einnig þarf að hafa í huga kostnað við greiðslumat og svo þinglýsingu lánaskjala.

Við fellum niður lántökugjald við fyrstu kaup. Ef tveir aðilar eru að kaupa fasteign saman og annar þeirra er að kaupa sína fyrstu eign, þá er lántökugjaldið jafnframt fellt niður.

Þegar þú tekur lán greiðir þú alltaf vexti af eftirstöðvum skuldanna. Ef þú dreifir skuldunum yfir langt tímabil verður greiðslubyrðin lægri, en þú greiðir vexti allan þann tíma.

Eftir því sem lánstíminn er styttri, greiðir þú lánið hraðar niður og greiðir vexti í styttri tíma. Styttri lán eru því ódýrari þótt greiðslubyrðin sé hærri.

Vextir íbúðalána miðast við vaxtatöflu hverju sinni. Ef lánshlutfallið er lægra en 50% af fasteignamati íbúðarinnar við endurfjármögnun greiðir þú lægri vexti.
Ef lánshlutfallið er lægra en 50% af kaupverði íbúðarinnar við fasteignakaup greiðir þú lægri vexti.

Ef óskað er eftir að festa vexti á íbúðaláni þá miðast kjörin við þá vaxtatöflu sem er í gildi þegar sótt er um endurfjármögnun.