Breyting á dagslokum bankadaga
Frá og með 8. september 2025 verða dagslok bankadaga í innlánakerfum Reiknistofu bankanna færð frá kl. 21.00 til miðnættis. Þetta hefur m.a. þau áhrif að millifærslur sem eru gerðar eftir kl. 21.00 og fram að miðnætti verða bókaðar sama dag.
Bankadagar verða áfram virkir dagar og færslur sem berast á frídögum verða áfram bókaðar á næsta virka degi.
Í tilkynningu frá RB kemur fram að markmiðið með þessari breytingu sé að koma enn betur til móts við nútíma viðskiptahætti með því samræma dagslok bankadaga við almanaksdaga og styðja þannig við sveigjanlegri opnunartíma og samfellda þjónustu.
Breytingin mun nýtast almenningi, fyrirtækjum og stofnunum sem treysta á hraða og áreiðanlega afgreiðslu bankaviðskipta á kvöldin.
Við hvetjum viðskiptavini og samstarfsaðila til að kynna sér áhrif breytingarinnar á þeirra viðskipti og hafa samband við okkur ef frekari upplýsinga er þörf.
