Fyrsta víkjandi skuldabréfaútgáfa í krónum
Skuldabréfin eru verðtryggð og eru til tíu ára en innkallanleg að fimm árum liðnum. Skuldabréfaútgáfan var fyrsta víkjandi útgáfa bankans í íslenskum krónum.
Landsbankinn hefur lokið útboði á víkjandi skuldabréfum í krónum að fjárhæð 5,5 milljarðar króna. Útgáfan fellur undir 50 milljarða útgáfuramma bankans fyrir víxla og skuldabréf. Skuldabréfin eru verðtryggð og eru til tíu ára en innkallanleg að fimm árum liðnum. Skuldabréfaútgáfan var fyrsta víkjandi útgáfa bankans í íslenskum krónum.
Tilboð í útboðinu voru 26 talsins og námu samtals 8.560 m. kr. að nafnverði. Fimm tilboð að fjárhæð 900 m. kr. að nafnverði bárust í óverðtryggða flokkinn LBANK T2 29 á ávöxtunarkröfu á bilinu 6,60%-6,90%. Engum tilboðum var tekið í flokkinn. 21 tilboð að fjárhæð 7.660 m. kr. að nafnverði bárust í verðtryggða flokkinn LBANK T2I 29 á ávöxtunarkröfu á bilinu 3,69%-4,00%. Tilboðum að fjárhæð 5.520 m.kr. var tekið í flokkinn á ávöxtunarkröfunni 3,85%.
