Hvað þarftu að fjár­magna?

Fyrsta skrefið áður en sótt er um lán er að fara í gegnum greiðslumat til að átta sig á stöðunni og lánamöguleikum. Það tekur nokkrar mínútur að fara í gegnum greiðslumat en þú getur líka áætlað greiðslugetuna með því að setja forsendur inn í reiknivélina. Næst pantar þú tíma í ráðgjöf í útibúi og ráðgjafar okkar aðstoða við lántökuna.

Tilgangurinn með greiðslumati er að sjá hversu mikið svigrúm þú hefur til að greiða af húsnæðislánum eftir að tekið hefur verið tillit til annarra útgjalda, s.s. vegna matarkaupa, reksturs bifreiðar, annarra lána og þess háttar.

Gott er að hafa í huga að það er ekki endilega rétt að nýta svigrúmið sem greiðslumatið gefur upp.

Lánin henta húsbyggjendum sem vilja fjármagna lóðakaup og byggingarframkvæmdir með einföldum hætti.

Standast greiðslumat miðað við fullkláraða fasteign sem tekur mið af framkvæmdar- og kostnaðaráætlun , en slíkri áætlun þarf að skila inn þegar sótt er um lán.

Lánsfjárhæð tekur mið af framkvæmdakostnaði út lánstímann og virði eignar á hverjum tíma í samræmi við fasteigna-/verðmat eignarinnar. Hámarkslán er 70% af áætluðum byggingarkostnaði á byggingartímanum, þar með talið lóðaverð (þar sem það á við), en þó aldrei hærra en virði eignarinnar á hverjum tíma. Þegar eign er fullkláruð er nýbyggingarláni breytt í íbúðalán, sem getur verið allt að 85% af heildarvirði fullbúinnar eignar.