Rétt­indagátt ein­stak­linga

Persónuverndarlög fela einstaklingum ýmis réttindi. Við virðum þau og höfum útbúið sérstaka réttindagátt hér á vefnum til að aðstoða viðskiptavini við að nýta sér þau. Í gegnum réttindagáttina geta einstaklingar m.a. óskað eftir aðgangi að persónuupplýsingum sínum, leiðréttingu og eftir atvikum eyðingu þeirra.

Aðgangur að persónuupplýsingum

Einstaklingur getur óskað eftir afriti af þeim persónuupplýsingum sem bankinn notar við vinnslu.

Leiðrétting persónuupplýsinga

Einstaklingur getur óskað eftir að óáreiðanlegar eða ófullgerðar persónuupplýsingar er hann varðar verði leiðréttar.

Eyðing persónuupplýsinga

Einstaklingur hefur rétt til að krefjast þess í ákveðnum tilvikum að Landsbankinn eyði persónuupplýsingum án ótilhlýðilegrar tafar, þetta er þó háð ákveðnum skilyrðum.

Takmörkun vinnslu persónuupplýsinga

Einstaklingur getur óskað eftir að Landsbankinn takmarki vinnslu persónuupplýsinga í ákveðnum tilvikum.

Flutningur eigin persónuupplýsinga

Einstaklingur hefur rétt til þess að Landsbankinn flytji tilteknar persónuupplýsingar, sem varða hann sjálfan, beint til annarra fyrirtækja, stofnana ef það er tæknilega framkvæmanlegt eða til einstaklinganna sjálfra á algengu tölvulesanlegu sniði.

Andmæli vinnslu persónuupplýsinga

Einstaklingur getur andmælt vinnslu persónuupplýsinga í tvenns konar tilvikum. Annars vegar andmæla að persónuupplýsingar séu unnar í þágu markaðssetningar og hins vegar andmæla vinnslu, sem fer fram á grundvelli lögmætra hagsmuna bankans, vegna sérstakra aðstæðna sinna.

Afgreiðsla beiðna

Bankinn mun upplýsa þig um aðgerðir sem gripið er til vegna beiðni þinnar um aðgang að persónuupplýsingu, innan mánaðar frá viðtöku hennar. Svo unnt sé að afgreiða aðgangsbeiðnina er bankanum nauðsynlegt að afla persónuupplýsinga um þig til að tryggja auðkenningu og vinna úr beiðninni.

Skýrslur með persónuupplýsingum umsækjenda eru aðgengilegar undir rafrænum skjölum í netbanka Landsbankans í 90 daga. Að þeim tíma loknum er skýrslum eytt í samræmi við meðalhófskröfu personuverndarlaga.

Verði Landsbankinn ekki við beiðni þinni getur þú lagt fram kvörtun hjá persónuverndarfulltrúa bankans eða hjá Persónuvernd.

Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur

Tryggja virkni vefsins

Greina notkun svo við getum mælt og aukið gæði vefsins

Notaðar til að birta persónubundnar auglýsingar

Nánar um vefkökur