Fjárfestatengsl
Árs- og sjálfbærniskýrsla 2020 komin út
Árs- og sjálfbærniskýrsla Landsbankans fyrir árið 2020 er komin út og er hægt að nálgast hana á vef bankans. Í skýrslunni er fjallað um rekstur bankans og þjónustu á árinu 2020 á aðgengilegan hátt.
11. febrúar 2021 - Landsbankinn
Á árinu 2020 héldum við áfram að bæta stafræna þjónustu við fyrirtæki og einstaklinga, brugðumst hratt við óvæntum áskorunum og tókum mikilvæg skref í sjálfbærnimálum. Landsbankinn hefur aldrei lánað jafn mikið til íbúðakaupa og á árinu 2020 en með því að bjóða góð kjör og góða þjónustu hefur bankinn tekið afgerandi forystu á íbúðalánamarkaði. Í skýrslunni er ítarlega fjallað um sjálfbærnivinnu okkar og áhrif bankans á umhverfi og samfélag.
Bankinn hefur einnig gefið út Pillar III áhættuskýrslu og er hún aðgengileg í kaflanum um áhættustjórnun bankans.
Þú gætir einnig haft áhuga á
6. maí 2021
Uppgjör Landsbankans fyrir fyrstu þrjá mánuði ársins 2021
Hagnaður Landsbankans á fyrstu þremur mánuðum ársins var 7,6 milljarðar króna. Arðsemi eiginfjár var 11,7%.
24. mars 2021
Niðurstöður aðalfundar Landsbankans 2021
Aðalfundur Landsbankans, sem haldinn var 24. mars 2021, samþykkti að greiða 4.489 milljónir króna í arð til hluthafa. Það samsvarar 42,7% af hagnaði ársins 2020. Þar með munu arðgreiðslur bankans á árunum 2013-2021 nema um 146 milljörðum króna. Á fundinum voru þrír nýir aðalmenn kjörnir í bankaráð.
22. mars 2021
Tillögur til aðalfundar og framboð til bankaráðs
Aðalfundur Landsbankans verður haldinn miðvikudaginn 24. mars 2021. Tillögur til aðalfundar og upplýsingar um framboð til bankaráðs eru aðgengilegar á vef bankans.
18. feb. 2021
Landsbankinn gefur út græn skuldabréf í evrum
Landsbankinn lauk í dag sölu á nýjum grænum skuldabréfaflokki að fjárhæð 300 milljónir evra. Skuldabréfin bera 0,375% fasta vexti og voru seld á kjörum sem jafngilda 87 punkta álagi á miðgildi vaxtatilboða í vaxtaskiptasamningum á markaði. Heildareftirspurn nam tæpum milljarði evra frá meira en áttatíu fjárfestum.
11. feb. 2021
Uppgjör Landsbankans fyrir árið 2020
Hagnaður Landsbankans hf. á árinu 2020 nam 10,5 milljörðum króna eftir skatta, samanborið við 18,2 milljarða króna á árinu 2019. Arðsemi eigin fjár eftir skatta var 4,3% á árinu 2020, samanborið við 7,5% arðsemi árið áður.
14. jan. 2021
S&P metur lánshæfi sértryggðra skuldabréfa Landsbankans
S&P Global Ratings birti í dag lánshæfismat fyrir sértryggð skuldabréf útgefin af Landsbankanum og hljóta sértryggðu skuldabréfin lánshæfismatið A- með stöðugum horfum.
19. nóv. 2020
Hættir í bankaráði Landsbankans
Á fundi bankaráðs Landsbankans í dag, 19. nóvember 2020, tilkynnti Hersir Sigurgeirsson að hann segði sig úr bankaráði Landsbankans. Hersir hefur ákveðið að taka að sér verkefni sem hann telur að fari ekki saman við setu í bankaráði Landsbankans.
29. okt. 2020
Uppgjör Landsbankans fyrir fyrstu níu mánuði ársins 2020
Hagnaður Landsbankans á þriðja ársfjórðungi 2020 nam 4 milljörðum króna eftir skatta. Afkoma bankans var jákvæð um 699 milljónir króna eftir skatta á fyrstu níu mánuðum ársins 2020.
30. júlí 2020
Uppgjör Landsbankans fyrir fyrri helming ársins 2020
Afkoma Landsbankans var neikvæð um 3,3 milljarða króna eftir skatta á fyrri helmingi ársins 2020 samanborið við 11,1 milljarðs króna hagnað á sama tímabili árið 2019. Virðisrýrnun útlána nam 13,4 milljörðum króna á tímabilinu sem jafngildir um 1,1% af útlánasafni bankans, samanborið við virðisrýrnun upp á 2,4 milljarða króna á sama tímabili í fyrra.
21. júlí 2020
Besti banki á Íslandi að mati Euromoney
Alþjóðlega fjármálatímaritið Euromoney hefur valið Landsbankann besta bankann á Íslandi og er þetta annað árið í röð sem bankinn hlýtur þessa viðurkenningu. Við útnefninguna er litið til ýmissa þátta í rekstri og stefnu bankanna, eins og afkomu af reglulegri starfsemi, kostnaðarhagræðingar og þjónustuframboðs.