Vikubyrjun 11. mars
Á síðasta ári mældist 81,5 ma. kr. afgangur af viðskiptum við útlönd sem er aðeins minni afgangur en árið 2017, þegar hann var 95,3 ma. kr. Þetta er 6. árið í röð sem afgangur mælist af viðskiptum við útlönd og hefur afgangurinn á þessu tímabili einungis verið borinn af miklum afgangi af þjónustujöfnuði, sem aftur má að langmestu leyti rekja til mikils vaxtar í ferðaþjónustu.
11. mars 2019
Vikan framundan
- Á miðvikudag birtir Seðlabankinn yfirlit yfir gjaldeyrisforða í febrúar og daginn eftir birtir hann greiðslumiðlun fyrir febrúar.
- Á föstudag birtir Hagstofan tölur yfir fjármál hins opinbera fyrir fjórða ársfjórðung síðasta árs og þar með fyrir árið í heild.
- Aðalfundir Regins, Reita, TM, Heimavalla og Sjóvár verða haldnir í næstu viku.
Mynd vikunnar
Á síðasta ári mældist 81,5 ma. kr. afgangur af viðskiptum við útlönd sem er aðeins minni afgangur en árið 2017, þegar hann var 95,3 ma. kr. Þetta er 6. árið í röð sem afgangur mælist af viðskiptum við útlönd og hefur afgangurinn á þessu tímabili einungis verið borinn af miklum afgangi af þjónustujöfnuði, sem hefur aftur má að langmestu leyti rekja til mikils vaxtar í ferðaþjónustu. Síðustu áratugina fyrir hrun var jákvæður viðskiptaafgangur undantekning fremur en regla en með miklum vexti ferðaþjónustunnar á undanförnum árum hefur efnahagslegt vægi hennar vaxið mikið, aukið gjaldeyrisinnstreymi og stutt við gengi krónunnar.
Það helsta frá vikunni sem leið
- Losað var um fjármagnshöft á aflandskrónueigendur og tilkynnt um lækkun sérstakrar bindiskyldu á fjármagnsinnstreymi úr 20% niður í 0%.
- Afgangur af viðskiptum við útlönd mældist 81,5 ma. kr. á síðasta ári.
- Hagstofan birti frétt um fjölda launþega í nóvember.
- Hagstofan birti frétt um framleiðsluvirði landbúnaðarins 2018.
- Vöruskipti í febrúar 2019 voru óhagstæð um 15,3 ma. kr. samkvæmt bráðabirgðatölum.
- Fljótsdalshérað birti ársreikning fyrir árið 2018.
- Arion banki lauk útboði sértryggðra skuldabréfa, Íslandsbanki víxlaútboði, Landsbankinn víxlaútboði og Reykjavíkurborg skuldabréfaútboði.
- Icelandair birti flutningatölur fyrir febrúar.
- Bæði Samkeppniseftirlitið og breska fjármálaeftirlitið samþykktu kaup Kviku banka á Gamma Capital Management.
- Landfestar birtu ársreikning fyrir árið 2018.
- Eik fasteignafélag birti ársreikning fyrir árið 2018.
Hagtölur og markaðsupplýsingar
Þú gætir einnig haft áhuga á
16. apríl 2025
Sviptingar í alþjóðaviðskiptum gætu haft margvísleg áhrif á ferðaþjónustu hér á landi. Tollar gætu rýrt kaupmátt Bandaríkjamanna og haft áhrif á komur þeirra hingað til lands. Auk þess eru merki um að áhugi Evrópubúa á að heimsækja Bandaríkin fari dvínandi, sem gæti haft áhrif hingað heim, enda hafa Evrópubúar gjarnan komið við á Íslandi á leið sinni vestur um haf. Í nýrri hagspá gerum við ráð fyrir samdrætti í ferðaþjónustu á þessu ári, en að hún taki aftur við sér á næstu tveimur árum.
14. apríl 2025
Í síðustu viku birtum við hagspá til næstu ára þar sem við spáum 1,4% hagvexti í ár og um 2% hagvexti næstu árin. Ferðamönnum fækkaði um 13,8% milli ára í mars. Skráð atvinnuleysi í mars var 0,4 prósentustigum hærra en í mars í fyrra. Þau tíðindi bárust einnig að skuldabréfaeigendur ÍL-sjóðs hefðu samþykkt að breyta skilmálum bréfanna sem heimilar útgefanda að gera upp bréfin. Í þessari viku birtir svo HMS vísitölu íbúðaverðs og leiguverðs.
10. apríl 2025
Við spáum því að vísitala neysluverðs hækki um 0,77% á milli mánaða í apríl og að verðbólga hækki úr 3,8% í 4,0%. Hækkunin á milli mánaða skýrist meðal annars af tímasetningu páskanna í ár.
9. apríl 2025
Hagkerfið hefur kólnað eftir kröftugt vaxtarskeið fyrstu árin eftir Covid-faraldurinn og við teljum að nú fari það hægt af stað á ný.
7. apríl 2025
Í síðustu viku kynnti Bandaríkjaforseti umfangsmikla tolla á allan innflutning til landsins, þ. á m. 10% tolla á vörur frá Íslandi, sem hafa þegar tekið gildi. Fundargerð peningastefnunefndar var birt og þar kemur fram að nefndin taldi svigrúm til 0,25 eða 0,50 prósentustiga vaxtalækkunar við síðustu vaxtaákvörðun. Samkvæmt nýrri ríkisfjármálaáætlun er markmið ríkisstjórnarinnar að tryggja hallalausan ríkisrekstur árið 2027.
1. apríl 2025
Mánaðarlegt fréttabréf frá Greiningardeild um nýjustu hagtölur og stöðu og horfur í efnahagsmálum.
31. mars 2025
Verðbólga lækkaði úr 4,2% í 3,8% í mars. Lækkun á verðbólgu skýrist að langstærstum hluta af því að reiknuð húsaleiga hækkaði minna en í sama mánuði í fyrra. Undirliggjandi verðbólga hjaðnaði líka sem sést á því að VNV án húsnæðis og allar kjarnavísitölur lækkuðu á milli mánaða. Fjármálastöðugleikanefnd telur fjármálakerfið standa traustum fótum en segir mikla óvissu í alþjóðamálum geta reynt á viðnámsþrótt þjóðarbúsins.
27. mars 2025
Vísitala neysluverðs hækkaði um 0,37% á milli mánaða í mars, samkvæmt nýbirtum tölum Hagstofu Íslands. Ársverðbólga lækkar úr 4,2% í 3,8% og er komin undir efri vikmörk verðbólgumarkmiðs Seðlabanka Íslands, í fyrsta skipti frá því í lok árs 2020. Verðmælingin var nokkuð góð en við teljum að á næstunni hægi á hjöðnuninni.
24. mars 2025
Peningastefnunefnd lækkaði vexti um 0,25 prósentustig á miðvikudaginn í síðustu viku. Ákvörðunin var í takt við væntingar. Vísitala íbúðaverðs hélst nokkurn veginn óbreytt á milli mánaða í febrúar. Til samanburðar hækkaði verðið mun meira í febrúar í fyrra, um tæp 2%. Kortavelta landsmanna innanlands hélt áfram að aukast á milli ára í febrúar en jókst þó aðeins minna en undanfarna mánuði.
17. mars 2025
Við búumst við að peningastefnunefnd lækki vexti um 0,25 prósentustig á miðvikudaginn. Í síðustu viku fóru fram verðmælingar vegna marsmælingar vísitölu neysluverðs og við spáum því að verðbólga lækki úr 4,2% í 3,9%. Atvinnuleysi var 4,3% í febrúar og hækkaði um 0,4 prósentustig á milli ára. 147 þúsund erlendir ferðamenn fóru um Keflavíkurflugvöll í febrúar, 5,6% færri en í sama mánuði í fyrra.