Landsbankinn veitir framkvæmdalán vegna áfangaheimilis Kvennaathvarfsins
![Frá undirritun á samningi um fjármögnun, fv.: Árni Matthíasson, Dagur B. Eggertsson, borgarstjóri Reykjavíkur, Arnheiður Klausen Gísladóttir, forstöðumaður Fyrirtækjamiðstöðvar Landsbankans og Sigþrúður Guðmundsdóttir, framkvæmdastýra Kvennaathvarfsins.](https://images.prismic.io/landsbankinn/924d83d5-9879-4d7a-91e4-119ba929c5d0_Kvennaathvarf-undirritun-1180.jpg?fit=max&w=3840&rect=0,0,1180,664&q=50)
Samningar vegna byggingar og fjármögnunar framkvæmda við 18 íbúða áfangaheimili Kvennaathvarfsins voru undirritaðir 28. nóvember. Landsbankinn veitir framkvæmdalán vegna áfangaheimilisins á verktímanum.
Í áfangaheimilinu verða 12 stúdíóíbúðir og 6 þriggja herbergja íbúðir. Framkvæmdir hefjast þann 1. febrúar 2020 og er áætlað að þeim ljúki sumarið 2021. Undirbúningur byggingarinnar hófst árið 2017 með söfnunarátakinu Byggjum von um betra líf á vegum átaksins Á allra vörum sem lauk með söfnunarþætti í samvinnu við RÚV og Sjónvarp Símans. Alls söfnuðust um 80 milljónir króna í átakinu. Verkefnið hefur einnig hlotið stofnframlög frá Íbúðalánasjóði og Reykjavíkurborg í almenna íbúðakerfinu. Því til viðbótar hafa félagasamtökin Oddfellowreglan, Soroptimistar, Zonta og kvenfélög auk margra annarra stutt veglega við verkefnið.
Aðgangur að húsnæði á sanngjörnum kjörum með nauðsynlegri vernd og stuðningi Kvennaathvarfsins getur skipt sköpum um hvernig konum og börnum gengur að byggja nýtt líf, þegar fjölskyldurnar þurfa ekki lengur á neyðarathvarfi að halda. Áfangaheimilið verður því viðbót við núverandi þjónustu neyðarathvarfs Samtaka um Kvennaathvarf, svokallað millistigshúsnæði. Þar munu konur og börn sem flúið hafa ofbeldi í nánu sambandi geta eignast eigið heimili á meðan þær koma aftur undir sig fótunum.
Verktaki byggingarinnar er Alverk ehf. Hönnuðir eru Þorleifur Eggertsson hjá Tendra arkitektum, Lota verkfræðistofa, Teiknistofan Storð og Trivium.
![Stúlka með síma](https://images.prismic.io/landsbankinn/c8831a3c-db04-49f2-9649-78176beedd34_5U3A4396_graded.jpg?fit=max&w=3840&&q=50)
![Menningarnótt 2023](https://images.prismic.io/landsbankinn/4bf21ee8-baa5-41e4-9ce2-d6163a24466b_LANDSBANKI_menningarnott_13.jpg?fit=max&w=3840&&q=50)
![Austurbakki](https://images.prismic.io/landsbankinn/ced8837c-715d-4bd8-921f-a043ee61f45e_Austurbakki.png?fit=max&w=3840&&q=50)
![Björn A. Ólafsson](https://images.prismic.io/landsbankinn/ZobJ9h5LeNNTwzOO_LB2024_BK210509.jpg?fit=max&w=3840&&q=50)
![Landsbankinn.pl](https://images.prismic.io/landsbankinn/ZoU3LR5LeNNTwwKc_tolva-pl-2024.jpg?fit=max&w=3840&&q=50)
![](https://images.prismic.io/landsbankinn/43e0b07e-8747-4f5c-8ebe-3169c50e1e25_LB_Hrifunes_0672_01.jpg?fit=max&w=3840&rect=0,0,1708,1281&q=50)
![Arinbjörn Ólafsson og Theódór Ragnar Gíslason](https://images.prismic.io/landsbankinn/ZnRdHZm069VX17b8_landsbankinn_defend_iceland.jpg?fit=max&w=3840&rect=219,0,3201,2401&q=50)
![](https://images.prismic.io/landsbankinn/34b0b00d-b34e-45f0-9b83-f017144502e2_1920px_Nikki_V4A7550.jpg?fit=max&w=3840&rect=0,479,1281,961&q=50)
![](https://images.prismic.io/landsbankinn/34b0b00d-b34e-45f0-9b83-f017144502e2_1920px_Nikki_V4A7550.jpg?fit=max&w=3840&rect=0,479,1281,961&q=50)
![Grænland](https://images.prismic.io/landsbankinn/ZlCHdCol0Zci9bJI_Gr%C3%A6nland.jpg?fit=max&w=3840&rect=0,5,1600,1200&q=50)