Stoltur bakhjarl
Látum gott af okkur leiða
Við erum virkur þátttakandi í samfélaginu og tökum þátt í fjölbreyttum verkefnum sem stuðla að uppbyggingu og framþróun. Hér fjöllum við um nokkur þeirra.
Stoltur bakhjarl
Við erum bakhjarl fjölbreyttra samfélagsverkefna sem stuðla að uppbyggingu og framþróun í samfélaginu. Fyrir tilstilli útibúa okkar víðs vegar um land styrkjum við einnig margvísleg verkefni í þeirra nærsamfélagi.
Menningarnótt
Við höfum verið máttarstólpi Menningarnætur frá upphafi og erum bakhjarl hátíðarinnar. Með sérstökum Menningarnæturpotti, sem við stöndum að í samvinnu við Höfuðborgarstofu, er frumlegum hugmyndum veitt brautargengi. Við leggjum líka áherslu á beina þátttöku og höfum m.a. boðið gestum og gangandi upp á spennandi listaverkagöngur í Reykjarstræti 6.
Skólahreysti
Við erum aðalbakhjarl Skólahreysti og leggjum keppninni lið af krafti. Markmið Skólahreysti er að hvetja börn til að taka þátt í alhliða íþróttaupplifun sem byggð er á grunnforsendum almennrar íþróttakennslu og þar sem keppendur vinna að mestu leyti með eigin líkama í þrautum.
Listahátíð
Landsbankinn er bakhjarl Listahátíðar í Reykjavík. Viðburðir eru haldnir víða í borginni og á ýmsum stöðum á landsbyggðinni. Í tengslum við hátíðina hefur bankinn lánað húsnæði sitt undir sýningar.
Knattspyrnusamband Íslands
Landsbankinn er bakhjarl Knattspyrnusambands Íslands. Ásamt fimm öðrum fyrirtækjum styrkir Landsbankinn uppbyggingarstarf íslenskrar knattspyrnu um land allt, öll yngri landslið og A-landslið karla og kvenna.
Gulleggið
Við erum styrktaraðili Gulleggsins sem er árleg frumkvöðlakeppni á vegum Klak. Meginmarkmið keppninnar er að skapa vettvang fyrir athafnafólk til að öðlast þjálfun og reynslu í mótun nýrra viðskiptahugmynda og rekstri fyrirtækja. Samhliða keppninni er þátttakendum boðið upp á námskeið, ráðgjöf og aðstoð sérfræðinga við allt frá mótun hugmyndar til áætlanagerðar og þjálfunar í samskiptum við fjárfesta.
Hinsegin dagar
Við styðjum réttindabaráttu hinsegin fólks á Íslandi heilshugar og höfum verið stoltur bakhjarl Hinsegin daga í Reykjavík frá upphafi. Við stöndum m.a. að baki Gleðigöngupottsins, í samstarfi við Hinsegin daga.
Hinsegin félagsmiðstöðin fékk hæsta styrkinn sem úthlutað var úr Gleðigöngupotti Landsbankans og Hinsegin daga í ár. Miðstöðin hefur haldið merkjum hinsegin ungmenna á lofti í gleðigöngunni.
Tíu hópar fengu styrk úr Gleðigöngupotti Hinsegin daga og Landsbankans fyrir Gleðigönguna sem fram fer á laugardaginn, 9. ágúst. Einn þessara hópa er Öldungadeildin.
Níu atriði hlutu styrk úr Gleðigöngupotti Hinsegin daga og Landsbankans fyrir Gleðigönguna sem fram fer á laugardaginn. Eitt þeirra atriða er Öðruvísi íþróttir.
Komdu í hóp ánægðra viðskiptavina
Það tekur aðeins örfáar mínútur að fá aðgang að netbanka og appi, stofna reikning og fá kort.