Tryggingin gildir fram að brottför.
Forfallatrygging
Búumst við hinu óvænta
Ef þú þarft að hætta við ferð sökum óviðráðanlegra ástæðna bætir forfallatrygging fjárhagstjónið sem annars hefði orðið.
Forfallatryggingu er hægt að kaupa sama dag og bókun og greiðsla farseðils fer fram. Tryggingin bætir þann hluta fargjalds og gistikostnaðar sem fæst ekki endurgreiddur ef þú getur ekki farið í ferðina vegna slysa eða veikinda.
- Tryggingin hentar vel ef þú borgar ferðina ekki með kreditkorti eða ert ekki með ferðatryggingu innifalda í heimatryggingu.
- Ef þú ert með forfallatryggingu innifalda í heimatryggingu er einnig hægt að kaupa viðbót við tryggingarfjárhæðina sem þegar er til staðar, sé það gert sama dag og bókun farseðils á sér stað.
Hvað bætir tryggingin?
- Ferðakostnað ef þú kemst ekki í ferð vegna dauðsfalls, skyndilegs alvarlegs sjúkdóms eða slyss sem krefst þess að þú eða einhver þér nákominn, s.s. maki, foreldrar, barn eða barnabörn, þurfa á sjúkrahúsvist að halda.
- Ferðakostnað ef þú kemst ekki í ferð vegna verulegs eignatjóns á Íslandi, annað hvort á heimili þínu eða í einkafyrirtæki sem gerir nærveru þína nauðsynlega.
Hvað bætir tryggingin ekki?
- Tjón vegna meiðsla sem menn veita sjálfum sér vísvitandi.
- Tjón sem verða vegna niðurfellingar eða seinkunar áætlunarferðar.
- Tjón sem verða vegna sjúkdóms eða meðferðar sem hinn tryggði var haldinn þegar tryggingin var keypt.
Eru einhverjar sérstakar takmarkanir?
- Ekki er greiddur sá hluti farseðils sem hinn tryggði á rétt á að fá endurgreiddan af ferðaskrifstofu/flugfélagi.
Algengar spurningar
Vakin er athygli á því að upptalningin hér fyrir ofan er ekki tæmandi heldur eru algeng og lýsandi atriði sett fram í þeim tilgangi að gefa þér góða mynd af tryggingunni í stuttu máli. Nákvæmari upplýsingar er að finna í skilmálum tryggingarinnar.
Tryggingarnar eru veittar af TM tryggingum hf. (TM). Landsbankinn hf. er skráður vátryggingaumboðsmaður hjá TM samkvæmt lögum nr. 62/2019 og annast dreifingu og sölu trygginganna.
Komdu í hóp ánægðra viðskiptavina
Það tekur aðeins örfáar mínútur að fá aðgang að netbanka og appi, stofna reikning og fá kort.