Í fjöleignarhúsum með sex eignarhluta eða færri gerist þörf á að allir eigendur undirriti eyðublaðið Tilkynning um stjórnarkjör húsfélags og umboð gjaldkera.

Í fjöleignarhúsum með fleiri en sex eignarhlutum þarf stjórn húsfélagsins að undirrita eyðublaðið Tilkynning um stjórnarkjör húsfélags og umboð gjaldkera sem skilað er inn samhliða fundargerð frá löglega boðuðum aðalfundi. Fundargerðinni þarf að skila inn undirritaðri af fundarstjóra og a.m.k. einum öðrum félagsmanni. Í fundargerð skal koma fram hvort löglega hafi verið boðað til fundarins, hverjir mættu á fundinn, meginatriði allra mála sem tekin eru fyrir og allar ákvarðanir sem teknar eru og hvernig atkvæði hafa fallið. 

Mikilvægt er að skilríki gjaldkera séu skönnuð í kerfum bankans sem hægt er að afgreiða með rafrænum hætti.

Þegar eigendabreytingar verða eða nýr leigjandi kemur í húsfélagið skal gjaldkeri tilkynna um slíkt með því að fylla út eyðublaðið Tilkynning um greiðendur 1063.  Skjalið má senda á husfelog@landsbankinn.is. Breytingar þurfa að berast að minnsta kosti 15 dögum fyrir næsta gjalddaga.

Tilkynning um greiðendur 1063

Við breytingar á húsgjöldum þarf gjaldkeri að senda nákvæma sundurliðun á því hvaða gjöld eiga að hækka/lækka eða ef um tímabundna greiðslu er að ræða.

Nota má eyðublaðið Umsókn um húsfélagaþjónustu til að aðstoða við að koma breytingum rétt fram.

Gjaldkeri sendir breytinguna á husfelog@landsbankinn.is.  Breytingar þurfa að berast að minnsta kosti 15 dögum fyrir næsta gjalddaga.

Gjaldkeri getur stofnað til viðskipta í gegnum sjálfsafgreiðslu.

Í framhaldi mun starfsfólk bankans hafa samband við stjórn húsfélagsins til að staðfesta að réttur aðili sé að sækja um viðskipti fyrir hönd félagsins. Mögulegt er að skrifa undir rafrænt.

Gjaldkeri þarf að vera tilbúinn með nýjustu fundargerð frá aðalfundi þar sem fram kemur hverjir voru kosnir í stjórn ásamt því að fylla út Tilkynningu um stjórnarkjör húsfélagsog umboð gjaldkera.

Þegar gjaldkera hefur verið veitt umboð, þá má hann stofna til viðskipta, opna reikninga, stofna/breyta innheimtuþjónustu, millifæra, svara áreiðanleikakönnun og  breyta greiðendum. Gjaldkerinn er tengiliður húsfélagsins við Landsbankann.

Tilkynning um stjórnarkjör húsfélags og umboð gjaldkera

Starfsfólk bankans veitir frekari upplýsingar um útlán til húsfélaga á husfelog@landsbankinn.is.

Mögulegt er að skrifa rafrænt undir öll eyðublöð með því að senda þau útfyllt á husfelog@landsbankinn.is.

Einnig má prenta þau út og skila frumriti inn í næsta útibú Landsbankans ásamt viðeigandi fylgiskjölum.

• Tilkynning um stjórnarkjör og umboð gjaldkera
• Umsókn um húsfélagaþjónustu
• Tilkynning um greiðendur
• Yfirlýsing vegna lántöku húsfélags
• Upplýsingaöflun vegna viðskipta
• Upplýsingaöflun vegna viðskipta fyrir nýja viðskiptavini