Umboðsmaður skráir sig inn á launagreiðendavefinn með rafrænum skilríkjum eða Auðkennisappinu.

Ef þú lendir í vandræðum við innskráningu þarftu að hafa samband við okkur í síma 410-7910 eða senda tölvupóst á netfangið lifskil@landsbankinn.is og óska eftir skráningu á launagreiðendavefinn. Beiðnin þarf að koma frá prókúruhafa eða eiganda fyrirtækis.

Innskráning á launagreiðendavef

Leiðbeiningar fyrir launagreiðendavef

Hægt er skila til okkar skilagreinum með tvenns konar hætti á launagreiðendavef. Þú skráir skilagrein eða sendir textaskrá.

Leiðbeiningar um skráningu skilagreina á launagreiðendavef

Prókúruhafi og eigandi fyrirtækis geta veitt öðru starfsfólki umboð til að sinna lífeyrismálum.

Leiðbeiningar um skráningu á umboði fyrir launagreiðendavef Landsbankans

Skyldulífeyrissparnaður er greiddur fyrir alla launþega og þá sem stunda atvinnurekstur frá og með 16 til 70 ára aldurs. Framlag launþega er 4% og mótframlag launagreiðanda almennt 11,5%. Sjálfstæðir atvinnurekendur greiða hvort tveggja og er heildarframlag þeirra því 15,5%.

Launagreiðandi ber ábyrgð á að greiða iðgjöld í lífeyrissjóð mánaðarlega.

Hægt er að greiða 2-4% eigið framlag í viðbótarlífeyrissparnað og þá greiðir launagreiðandi almennt 2% mótframlag.

Sjálfstæðir atvinnurekendur greiða hvort tveggja og er heildarframlag þeirra því almennt 4-6%.

Þeir launþegar sem greiða 15,5% heildariðgjald í  hefðbundna samtryggingarsjóði mega ráðstafa 3,5% af iðgjaldinu í tilgreinda séreign. Ef sjóðfélagi velur ekki að greiða í tilgreinda séreign rennur iðgjaldið í samtryggingu viðkomandi sjóðs. Tilgreind séreign er almennt greidd út á aldursbilinu 62-67 ára.

Hjá þeim sem greiða skyldulífeyrissparnað til Íslenska lífeyrissjóðsins og greiða 15,5% í heildariðgjald, rennur hærra hlutfall en 3,5% í frjálsa séreign sem er laus til útgreiðslu frá 60 ára aldri.

Hægt er að færa tilgreinda séreign til Íslenska lífeyrissjóðsins

Launþegar sem hafa greitt í tilgreinda séreign hjá öðrum skyldulífeyrissjóðum geta fært þá eign til Íslenska lífeyrissjóðsins og ávaxtað hana þar.

Þeir sem ekki eru bundnir af ákvæðum kjarasamninga eða laga er frjálst að greiða skyldulífeyrissparnað til Íslenska lífeyrissjóðsins. Öllum er heimilt að velja hvert þeir greiða viðbótarlífeyrissparnað.
Hægt er að velja um að greiða viðbótarlífeyrissparnað inn á Lífeyrisbók Landsbankans, í erlend verðbréf eða Íslenska lífeyrissjóðinn. Sjá nánar um ávöxtunarleiðir.

Það er einfalt að ganga frá samningi í gegnum appið okkar eða á l.is.

Uppsagnarfrestur vegna viðbótarlífeyrissparnaðar er tveir mánuðir.

Greiðslur í nýjan sjóð geta ekki hafist fyrr en staðfest uppsögn frá fyrri vörsluaðila hefur borist launagreiðanda eða tveggja mánaða uppsagnarfrestur er liðinn.

• Gjalddagi iðgjalda er 10. dagur næsta mánaðar eftir launatímabil.
• Eindagi iðgjalda er síðasti dagur næsta mánaðar eftir launatímabil.
• Ef iðgjald er ekki greitt fyrir eindaga leggjast á það dráttarvextir frá gjalddaga til greiðsludags.

lnnheimtuviðvörun er send 20. dag næsta mánaðar á eftir eindaga. Stofnuð er krafa ef hún er ekki þegar til staðar. Skuldin er send í lögfræðinnheimtu þremur mánuðum frá eindaga.