Á Íslandi.

• Umhirða gæludýrsins, vistarverur og fóðrun skal vera í samræmi við ákvæði laga um velferð dýra og annarra laga, reglugerða og stjórnvaldsfyrirmæla sem eiga við.
• Bólusetja gæludýr fyrir sjúkdómum og sýkingum eftir ráðleggingum dýralækna.
• Gera allar nauðsynlegar ráðstafanir til að draga úr afleiðingum veikinda eða áverka á dýrinu.
• Fylgja fyrirmælum dýralæknis á meðan gæludýrið er í meðferð hjá honum vegna sjúkdóms eða slyss.

Almennt er hægt að velja um nokkrar leiðir til að greiða fyrir trygginguna, þ.e. í einu lagi við útgáfu og hverja endurnýjun, með greiðsludreifingu í netbanka eða með kreditkorti.

• Tryggingin gildir almennt í 12 mánuði frá því tímamarki sem getið er í skírteini og endurnýjast sjálfkrafa sé henni ekki sagt upp á því tímabili.
• Tryggingin fellur úr gildi við dauða gæludýrs og er því mikilvægt að tilkynna TM um það.
• Sjúkrakostnaðartrygging fellur úr gildi í lok þess tryggingatímabils þegar hundur hefur náð tíu ára aldri og köttur 13 ára aldri.
• Heilsutrygging fellur úr gildi í lok þess tryggingatímabils sem hundur verður átta ára og köttur 11 ára.

• Almennt er hægt að segja tryggingunni upp, miðað við mánaðarmót, með mánaðar fyrirvara hvenær sem er á tryggingartímabilinu með skriflegri uppsögn ef þú færir þig til annars tryggingafélags eða hefur ekki lengur þörf fyrir hana.
• Iðgjald er þó greitt fyrir þann hluta tímabilsins sem tryggingin var í gildi.

Um leið og nýr eigandi er kominn þarf hann að kaupa tryggingu fyrir dýrið sitt hjá sínu tryggingafélagi.

Við seljum ekki stakar gæludýratryggingar en velkomið er að fá tilboð í tryggingapakkann þinn og hafa gæludýratrygginguna með í þeim pakka.