Ársfundur Íslenska lífeyrissjóðsins verður haldinn miðvikudaginn 21. maí 2025 kl. 16 í Landsbankanum, Reykjastræti 6.
Samkvæmt samþykktum Íslenska lífeyrissjóðsins er stjórn sjóðsins skipuð fimm mönnum, öllum kosnum af sjóðfélögum. Í varastjórn eru tveir menn. Að þessu sinni verður kosið um tvo aðalmenn til þriggja ára og einn varamann til þriggja ára. Framboðum aðalmanna bar að skila inn til stjórnar viku fyrir ársfund. Fjögur framboð bárust. Framboðsfrestur til varastjórnar rennur út á ársfundinum sjálfum.
Frambjóðendur í kjöri til aðalmanns í stjórn Íslenska lífeyrissjóðsins 21. maí 2025 eru:
Atli Atlason
Atli Atlason f. 1966, lauk stúdentsprófi frá Verslunarskóla Íslands 1986 og Cand. oecon prófi í viðskiptafræði frá Háskóla Íslands 1992. Starfaði sem forstöðumaður fjármála- og rekstrarsviðs Fiskistofu 1992-1999, forstöðumaður starfmannahalds Búnaðarbankans 1999-2003, framkvæmdastjóri starfsmannasviðs Landsbanka Íslands hf. 2003-2008, framkvæmdastjóri starfsmannasviðs Landsbankans 2008-2010, deildarstjóri kjaradeildar hjá Reykjavíkurborg 2012-2018 og er deildarstjóri kjaradeildar Landspítala frá 2018. Hann var varaformaður stjórnar Lífeyrissjóðs bankamanna frá 2008 – 2012. Atli hefur setið í stjórn Íslenska lífeyrissjóðsins frá október 2009, sem varaformaður stjórnar frá maí 2011 og formaður stjórnar frá febrúar 2013.
Guðrún Elsa Gunnarsdóttir
Guðrún Elsa Gunnarsdóttir, f. 1968, er framkvæmdastjóri Flóka Invest og fjármála- og rekstrarstjóri AZTIQ, þar sem hún hefur stýrt 50 félaga samstæðu og borið ábyrgð á bókhaldi, fjármálum, áætlanagerð og rekstri samstæðunnar. Áður var hún fjármálastjóri hjá Karli K. Karlssyni ehf., þar sem hún sá um fjármál fyrirtækisins, vann að fjárhagslegri og rekstrarlegri endurskipulagningu fyrirtækisins og hafði yfirumsjón með bókhaldi þess. Guðrún Elsa er með M.Sc. í Fjármálum fyrirtækja frá Háskóla Íslands og B.Sc. í Viðskiptafræði frá Háskólanum á Akureyri. Þá hefur hún lokið námi sem viðurkenndur stjórnarmaður hjá Akademias.
Valur Ægisson
Valur Ægisson, f. 1984, er forstöðumaður viðskiptastýringar Landsvirkjunar. Lauk stúdentsprófi frá Verzlunarskóla Íslands 2004, B.Sc. í iðnaðarverkfræði frá Háskóla Íslands 2007 og M.Sc. í rekstarverkfræði frá Masdar Institute 2011. Próf í verðbréfaviðskiptum 2008. Námskeið um árangur og ábyrgð stjórnarmanna hjá Háskólanum í Reykjavík 2017. Starfaði áður í eignastýringu Landsbankans hf. og Íslandsbanka hf. Varamaður í stjórn Íslenska lífeyrissjóðsins frá 2014, í endurskoðunarnefnd sjóðsins 2018-2020 og fjárfestingaráði frá 2020.
Þórir Óskarsson
Þórir Óskarsson f. 1976, er tryggingastærðfræðingur Sjóvá. Lauk B.Sc. prófi í stærðfræði frá HÍ árið 2000 og stundaði nám í tryggingastærðfræði við Kaupmannahafnarháskóla 2003 til 2006 og lauk Cand. Act. prófi þaðan haustið 2006. Hann hlaut viðurkenningu FME sem tryggingastærðfræðingur 5. janúar 2009 og var sá fyrsti í 10 ár til að hljóta þá viðurkenningu. Starfaði hjá Vátryggingafélagi Íslands 2009-2020, m.a. sem forstöðumaður áhættustýringar og tryggingastærðfræðingur félagins. Starfaði sem tryggingastærðfræðingur hjá dönsku tryggingafélagi 2006-2009. Í stjórn Íslenska lífeyrissjóðsins frá október 2009 auk þess að sitja í endurskoðunarnefnd sjóðsins, formaður nefndarinnar frá 2011.
