Starf­sem­in áfram kol­efnis­jöfn­uð í gegn­um al­þjóð­lega vott­uð verk­efni

Starfsemin er kolefnisjöfnuð í gegnum alþjóðlega vottuð verkefni, þar sem keyptar eru vottaðar kolefniseiningar í samstarfi við Natural Capital Partners. Þannig fjárfestir bankinn í kolefniseiningum sem hlotið  hafa stranga gæðavottun og hafa sannarlega leitt til bindingar eða komist hjá losun gróðurhúsalofttegunda.

 Með því að kaupa vottaðar kolefniseiningar frá endurnýjanlegri orkuframleiðslu náum við að vega upp á móti þeirri losun gróðurhúsalofttegunda sem óhjákvæmilega verður í rekstri bankans. Með samstarfinu við Natural Capital Partners kolefnisjöfnum við starfsemina eftir ströngustu alþjóðlegu stöðlum, þar sem kolefnisbindingin þarf þegar að hafa átt sér stað þegar einingin er seld.

Við þekkjum okkar kolefnisspor

Ný loftslagsskýrsla Sameinuðu þjóðanna sýnir skýrt hversu alvarlegum loftslagsbreytingum við stöndum öll frammi fyrir sem hafa nú þegar haft mikil áhrif á hagkerfi heimsins. Við leggjum okkur fram við að þekkja umhverfisáhrif okkar og draga úr losun, þróa nýjar grænar lausnir, skilja hvernig fjármögnun hefur áhrif á loftslagsmál og hvernig loftslagsáhætta hefur áhrif á starfsemi okkar. Við vinnum stöðugt í átt að meiri sjálfbærni og viljum veita viðskiptavinum okkar þá þjónustu að hjálpa þeim á sinni sjálfbærnivegferð.

Á hverju ári gerum víð ítarlega útreikninga á kolefnisspori bankans og birtum opinberlega. Útreikningarnir taka til losunar gróðurhúsalofttegunda vegna gagnaflutnings, framleiðslu og dreifingar rafmagns, losunar vegna framleiðslu eldsneytis, ferða starfsfólks til og frá vinnu, flugferða, framleiðslu tölvubúnaðar og fleira. Auk þess höfum við, fyrst íslenskra fjármálafyrirtækja, áætlað og birt kolefnislosun vegna útlána til fyrirtækja, íbúðalána og bílalána með aðferðafræði alþjóðlega PCAF-loftslagsmælisins.