Hvert kort kostar 540 kr. en viðskiptavinir Landsbankans fá 50% afslátt. Kortinu fylgja fallegar gjafaumbúðir  sem tilvalið er að nota til að skrifa skilaboð til viðtakanda og spara sér þannig kaup á öðru slíku.

Framan á kortinu kemur fram hver gildistími kortsins er. Renni gildistíminn út  geta korthafar komið í útibú Landsbankans og  keypt nýtt gjafakort, en þá eru eftirstöðvar gamla kortsins fluttar yfir á það nýja. Einnig er mögulegt að taka innstæðuna út af kortinu og leggja inn á reikning. Inneignin sjálf fyrnist ekki fyrr en eftir 20 ár frá því lagt var inn á kortið.

Ekki er hægt að taka pening út af gjafakortinu í hraðbönkum eða sjálfsafgreiðslu. Ef kortið er útrunnið eða þú hefur af einhverjum ástæðum ekki getað notað Gjafakortið til greiðslu, þá getur þú mætt í útibú bankans með kortið og skilríki meðferðis og við aðstoðum þig.

Gjafakort Landsbankans eru fullgild Visakort sem hægt er að nota hjá öllum söluaðilum sem taka á móti Visa kortum, bæði innanlands sem erlendis, í posum eða á netinu. Einnig er hægt að skrá gjafakort Landsbankans í símann eða úrið og borga snertilaust í posum.

Já, nema í þeim tilfellum þegar krafist er sterkrar auðkenningar því gjafakortin eru handhafakort en ekki skráð á nafn ákveðins korthafa.

Ef skrá þarf nafn eiganda gjafakorts í netverslun  skal nota „Landsbankinn hf, Viðskiptabanki“.

Ef kortið týnist skal strax hafa samband við Þjónustuver Landsbankans í síma 410 4000 til að loka kortinu en til þess þarf að gefa upp númer þess og því mikilvægt að þekkja það. Ef korthafi þekkir ekki númer kortsins, gæti sá sem keypti kortið og gaf það hugsanlega þekkt kortanúmerið.

Kaupandi kortsins getur einnig leitað til bankans og við reynum að aðstoða við að finna kortið.

Þegar korti hefur verið lokað getur eingöngu kaupandi flutt inneignina yfir á nýtt kort.

Ef kortanúmerið finnst ekki, þá  er ekki hægt að loka kortinu og  inneignin því miður tapað fé.

Nei, aðeins er hægt að leggja inn á kortið einu sinni. Kortið er ónýtt þegar inneignin klárast.

Hámarksupphæð sem hægt er að leggja inn á gjafakort Landsbankans er 200.000 kr. en það er engin lágmarksupphæð. Hafa skal í huga að gjafakortin kosta 540 kr. en viðskiptavinir fá 50% afslátt. Það er því ekki hagkvæmt að leggja mjög lágar fjárhæðir inn á gjafakortin.

Landsbankinn er með gjafakortasjálfsala í útibúnu í Borgartúni, Mjódd og Hamraborg sem eru opnir allan sólahringinn.

Við fyrstu notkun Gjafakorts Landsbankans samþykkir handhafi skilmálana sem því fylgja.

Skilmálar Gjafakorts (PDF)