Þú getur framkvæmt SWIFT-millifærslu yfir á reikninga í sömu mynt í erlendum banka hvenær sem er í netbankanum eða appinu, en milli kl. 9 og 16 á virkum dögum ef um millifærslu í íslenskum krónum yfir á reikninga í erlendum gjaldeyri er að ræða.

Til að framkvæma millifærsluna þarf:

• Nafn og heimilisfang viðtakanda (Götuheiti og númer, póstnúmer og borg)
• IBAN númer reiknings viðtakanda (Evrópa) eða reikningsnúmer viðtakanda (utan Evrópu) SWIFT heiti banka viðtakanda (Evrópa), Routing number/ABA eða Federal Wire (USA), Transit number (Kanada) og Bank Code (Ástralía)
• Fjárhæð (erlend mynt)
• Skýring greiðslu (valkvætt)
• Réttan flokkunarlykil Seðlabankans

Þú getur framkvæmt SEPA greiðslu í netbankanum eða appinu af reikningi þínum hjá bankanum yfir á reikning hjá erlendum banka.

Til að framkvæma millifærsluna þarf:

• IBAN númer reiknings og BIC númer viðtakanda og SWIFT heiti banka viðtakanda
• Banki viðtakanda þarf að geta tekið á móti SEPA greiðslum
• Gjaldmiðill er EUR
• Greiðandi greiðir gjöld til Landsbankans samkvæmt verðskrá

IBAN númer er staðlað reikningsnúmer reikningseiganda. IBAN er notað í Evrópusambandinu, Evrópska efnahagssambandinu (EES) ásamt fleiri löndum sem hafa tekið upp staðalinn.

IBAN númer fyrir hvern reikning má finna í færsluyfirliti hvers reiknings undir „Bankareikningar“.

• Ýtið á hnappinn „Aðgerðir“
• Veljið „Nánar um bankareikninginn“
• Þá opnast upplýsingagluggi þar sem m.a. er hægt að sjá IBAN númer reikningsins

Swift númer Landsbankans er ávallt það sama: NBIIISRE og má finna neðst á öllum síðum á www.landsbankinn.is

Fedwire (FW), Routing number og ABA númer; eru nöfn á 9 stafa útibúanúmerum í Bandaríkjunum. Þau eru notuð til að auðkenna viðtökubanka.

Samkvæmt lögum um aðgerðir gegn peningaþvætti og fjármögnun hryðjuverka þarf Landsbankinn að geta staðfest uppruna þeirra fjámuna sem notaðir eru í viðskiptum. Þetta er gert til að draga úr hættu á peningaþvætti og staðfesta að reikningar (invoice) passi við greiðslur.

Færslur til og frá löndum sem eru á lista bankans um áhættusöm lönd, stoppa í greiðslukerfi bankans og eru skoðaðar nánar. Til þess að færslur tefjist ekki við það, er hægt að senda upplýsingar samhliða því að greiðslan er gerð á pósthólfið valistilanda@landsbankinn.is. Passa þarf að láta fylgja með greiðslunni sjálfri tilvísun eins og reikningsnúmer.

Samkvæmt reglum Seðlabankans um upplýsingaskyldu vegna gjaldeyrisviðskipta þarf að flokka viðskiptin eftir eðli þeirra. Við skráningu nokkura flokka þarf bankinn að skila gögnum til Seðlabankans, hefur Landsbankinn þá samband og óskar eftir gögnum. Skila þarf þeim inn innan 3ja daga.

Listi Seðlabankans um áhættusöm og ósamvinnuþýð ríki ásamt öðrum gagnlegum upplýsingum