Hlutafjárútboð

Hlutafjárútboð

Hluta­fjárút­boð Síld­ar­vinnsl­unn­ar hf.

Út­boð­ið hófst kl. 10.00 mánu­dag­inn 10. maí 2021 og því lauk kl. 16.00, mið­viku­dag­inn 12. maí 2021.

Rúmlega tvöföld eftirspurn í hlutafjárútboði Síldarvinnslunnar hf.

Vel heppnuðu almennu hlutafjárútboði Síldarvinnslunnar lauk klukkan 16.00 þann 12. maí 2021.

Um útboðið

  • Útboðið hófst kl. 10.00 mánudaginn 10. maí 2021 og því lauk kl. 16.00 miðvikudaginn 12. maí 2021
  • Stærð útboðsins er 447.626.880 hlutir í formi áður útgefinna hlutabréfa í Síldarvinnslunni hf., en heimilt verður að stækka útboðið um allt að 51.000.000 hluti eða upp í allt að í 498.626.880 hluti
  • Tveir áskriftarmöguleikar eru í boði, tilboðsbók A og tilboðsbók B, sem eru ólíkar er varðar stærð áskrifta og úthlutun
  • Verð í tilboðsbók A verða innan verðbilsins 55-58 kr./hlut og verð í tilboðsbók B er að lágmarki 55 kr./hlut
  • Áætlað er að niðurstöður útboðsins verði tilkynntar föstudaginn 14. maí 2021
  • Áætlaður gjalddagi og eindagi er fimmtudaginn 20. maí 2021
  • Afhendingardagur hluta er áætlaður miðvikudaginn 26. maí 2021
  • Fyrsti viðskiptadagur með hluti Síldarvinnslunnar hf. á Aðalmarkað Nasdaq Iceland er áætlaður 27. maí 2021
  • Landsbankinn er umsjónaraðili útboðsins
  • Tekið verður við áskriftum rafrænt á vef Landsbankans

Útboðið er eingöngu markaðssett á Íslandi og er þátttaka í því heimil öllum þeim einstaklingum og lögaðilum sem hafa bæði íslenska kennitölu og eru fjárráða í skilningi lögræðislaga nr. 71/1997, með þeim takmörkunum sem af lögunum kunna að leiða. Þar af leiðir að einstaklingum sem ekki hafa náð 18 ára aldri, sem og þeim einstaklingum sem ekki ráða búi sínu sjálfir, er ekki heimil þátttaka í útboðinu.

Afrakstri útboðsins verður varið til seljenda hlutafjár í útboðinu. Minnt er á að hlutabréf eru áhættusöm fjárfesting sem byggja á væntingum en ekki loforðum. Áður en tekin er ákvörðun um fjárfestingu í hlutabréfum í Síldarvinnslunni hf. skulu fjárfestar kynna sér alla skilmála útboðsins og upplýsingar um Síldarvinnsluna hf., sem finna má í lýsingu Síldarvinnslunnar hf., sem dagsett er 3. maí 2021.

Tilboðsbók A Tilboðsbók B
Tilboðsverð Tilboð gerð innan verðbilsins 55-58 kr./hlut. Salan fer fram á föstu verði, sem ákvarðast jafnt og það lægsta af samþykktum tilboðum (hollenskt útboð). Verð í Tilboðsbók A verður ekki hærra en í Tilboðsbók B Tilboð gerð yfir lágmarksverði 55 kr./hlut. Salan fer fram á föstu verði, sem ákvarðast jafnt og það lægsta af samþykktum tilboðum (hollenskt útboð)
Stærð útboðs 24,6-26,0 ma.kr. að söluandvirði1) 90.909.091 hlutir (um 20% af útboði) 356.717.789 hlutir (um 80% af útboði)
Réttur til að stækka útboð í 27,4-28,9 ma.kr. að söluandvirði Seljendur hafa rétt til að stækka útboðið um allt að 51.000.000 hluti (eða sem nemur 3% af þegar útgefnu hlutafé)
Stærð áskrifta2) Áskriftir að kaupverði 100 þ.kr. – 20 m.kr. Áskriftir að kaupverði yfir 20 m.kr. Tilboð ekki yfir stærð útboðs
Meginreglur varðandi úthlutun3) Leitast verður við að skerða ekki áskriftir undir 1 m.kr. Samþykki tilboða verður ákvarðað á grundvelli tilboðsverðs. Ef til umframeftirspurnar kemur verður skerðing hlutfallsleg

1) Miðað við grunnstærð útboðs og verðbil í tilboðsbók A. Seljendur áskilja sér rétt til þess að breyta innbyrðis stærð tilboðsbóka reynist eftirspurn gefa tilefni til þess og að teknu tilliti til markmiða útboðsins.

2) Með áskriftum er átt við tilboð sem þátttakendur (áskriftendur) leggja fram í hlutafjárútboðinu.

3) Seljendur áskilja sér rétt til þess að víkja frá meginreglum varðandi úthlutun og skerða áskriftir og úthluta hlutum með þeim hætti sem þeir telja æskilegt til að ná fram markmiðum útboðsins, þ.m.t. að hafna áskriftum í heild eða að hluta án sérstakrar tilkynningar eða rökstuðnings þar um.

Athugið

Þátttaka í útboðinu er skuldbindandi. Fjárfestir, sem staðfest hefur þátttöku sína hvort heldur sem er í tilboðsbók A eða B getur ekki breytt áskrift sinni eða fallið frá henni, nema við tilteknar aðstæður sem koma fram í lýsingu félagsins.

Söluaðilar áskilja sér rétt til að krefjast staðfestingar á greiðslugetu eða tryggingar fyrir greiðslu áskrifta frá fjárfestum. Verði fjárfestir ekki við þessari kröfu söluaðila innan þess frests sem gefinn er, áskilja söluaðilar sér rétt til að ógilda áskrift viðkomandi fjárfestis að hluta eða í heild. Söluaðilar meta einhliða hvort staðfesting á greiðslugetu eða trygging teljist fullnægjandi.

Seljendur mun falla frá útboðinu ef lágmarksáskrift sem tilgreind er í lýsingu félagsins næst ekki. Tilkynning um slíkt yrði birt í Nasdaq Iceland hf. Komi til þess verða áskriftir felldar niður og ógildar, einnig verður haft samband við fjárfesta sem greitt hafa greiðsluseðla og þeim endurgreitt.

Komdu í hóp ánægðra viðskiptavina

Það tekur aðeins örfáar mínútur að fá aðgang að netbanka og appi, stofna reikning og fá kort.

Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur