Þú getur sent SWIFT greiðslur í netbankanum milli kl. 9.00 og 16.00 á virkum dögum. Færslan tekur 2-5 daga að berast en hægt er að sækja um hraðgreiðslu sem tekur að venju einn dag.

Til að framkvæma SWIFT greiðslu þarf sendandi að veita eftirfarandi upplýsingar:

• Nafn og heimilisfang viðtakanda (Götuheiti og húsnúmer, póstnúmer og borg)
• IBAN númer reiknings viðtakanda (Evrópa) eða reikningsnúmer viðtakanda (utan Evrópu) SWIFT heiti banka viðtakanda (Evrópa), Routing number/ABA eða Federal Wire (USA), Transit number (Kanada) og Bank Code (Ástralía)
• Fjárhæð (í erlendri mynt)
• Skýring greiðslu (valkvætt)
• Velja þarf réttan flokkunarlykil Seðlabankans
• Hægt er að senda kvittun beint af vefnum til móttakanda

SWIFT heiti Landsbankans er: NBIIISRE

SWIFT færsla tekur 2-5 daga að berast en hægt er að sækja um hraðgreiðslu sem tekur að venju einn dag. Að öllu jöfnu eru erlendar millifærslur sendar með 2 daga „value“. Það þýðir að greiðslan greiðist þá áfram erlendis. Misjafnt er hve langan tíma færslan tekur en í Evrópu og USA greiðist hún að jafnaði inn á reikning viðtakanda þann sama dag. Ef senda á t.d. USD til Asíu tekur færslan lengri tíma að berast, allt að 4 dögum. Hægt er að sækja um hraðgreiðslu og má þá búast við að færslurnar berist jafnvel samdægurs inn á reikning viðtakanda en taka verður tillit til tímamismunar milli landa og hvaða tíma dags beðið er um hraðgreiðsluna.

Þú getur framkvæmt SEPA greiðslu í netbankanum milli kl. 9.00 og 16.00 á virkum dögum.

• Sendandi þarf að vita IBAN númer viðtakanda og SWIFT heiti bankans
• Banki viðtakanda þarf að geta tekið á móti SEPA greiðslum
• Gjaldmiðill er EUR
• Greiðandi greiðir gjöld til Landsbankans samkvæmt verðskrá

Samkvæmt lögum um aðgerðir gegn peningaþvætti og fjármögnun hryðjuverka þarf Landsbankinn að geta staðfest uppruna þeirra fjámuna sem notaðir eru í viðskiptum. Þetta er gert til að draga úr hættu á peningaþvætti og staðfesta að reikningar (invoice) passi við greiðslur.

Færslur til og frá löndum sem eru á lista bankans um áhættusöm lönd, stoppa í greiðslukerfi bankans og eru skoðaðar nánar. Til þess að færslur tefjist ekki við það, er hægt að senda upplýsingar samhliða því að greiðslan er gerð á pósthólfið valistilanda@landsbankinn.is. Passa þarf að láta fylgja með greiðslunni sjálfri tilvísun eins og reikningsnúmer.

Samkvæmt reglum Seðlabankans um upplýsingaskyldu vegna gjaldeyrisviðskipta þarf að flokka viðskiptin eftir eðli þeirra. Við skráningu nokkura flokka þarf bankinn að skila gögnum til Seðlabankans, hefur Landsbankinn þá samband og óskar eftir gögnum. Skila þarf þeim inn innan 3ja daga.

Listi Seðlabankans um áhættusöm og ósamvinnuþýð ríki ásamt öðrum gagnlegum upplýsingum

Handbók fyrir erlendar greiðslur í netbanka fyrirtækja

Leiðbeiningar vegna alþjóðlegrar greiðslumiðlunar (SSI)