Vild byggir á heildarsambandi viðskiptavinar við Landsbankann. Viðskiptavinir safna stigum með því að nýta þjónustu bankans og stigafjöldinn ræður vildarþrepi. Þrepin eru þrjú:

• Vild 1: 3.000–6.999 stig
• Vild 2: 7.000–14.999 stig
• Vild 3: 15.000 stig eða fleiri

Í appinu geta viðskiptavinir séð vildarþrepið sitt, fríðindin sem því fylgja og leiðir til að safna fleiri stigum.

• Ef þú ert í Vild 2 eða 3 safnar þú enn fleiri Aukakrónum í hvert skipti sem þú notar fyrirframgreitt kort eða kreditkort innanlands.
• Vild 2: Fyrir hverjar 1.000 krónur sem þú notar færðu 1 Aukakrónu til viðbótar, ofan á hefðbundna söfnun.
  Vild 3: Fyrir hverjar 1.000 krónur sem þú notar færðu 2 Aukakrónu til viðbótar, ofan á hefðbundna söfnun.
  
  Þetta gildir óháð því hvort þú safnar vildarpunktum Icelandair eða Aukakrónum.
• Viðbótarsöfnunin hófst í janúar og er greidd út í desember. Þú getur alltaf séð uppsafnaðar Aukakrónur á vildarsíðunni í appinu.

Hvernig virka Aukakrónur?

• Þú safnar Aukakrónum þegar þú notar Plúskort eða önnur kreditkort sem eru tengd vildarkerfinu innanlands. Aukakrónurnar getur þú svo notað til að greiða hjá yfir 200 samstarfsaðilum kerfisins.
• Ein Aukakróna jafngildir einni íslenskri krónu.

Nánar um Aukakrónur

Ef þú ert í Vild 3 færðu 0,10 prósentustiga lægri vexti á óverðtryggðum íbúðalánum með föstum vöxtum. Afslátturinn gildir bæði þegar þú tekur nýtt íbúðalán og þegar þú endurfjármagnar núverandi lán hjá okkur. Jafnframt færðu 50% endurgreiðslu á lántökugjaldi í formi Aukakróna, eða allt að 29.950 Aukakrónur. Þú getur sótt um endurfjármögnun í Landsbankaappinu eða á vefnum.

Í Vild 2 og 3 færðu 0,10–0,25 prósentustiga hærri vexti þegar þú sparar á Markmiðsreikningi í appinu - Spara í appi. Þar bjóðast hæstu vextir bankans á óbundnum reikningum.

Þú getur stofnað eins marga Markmiðsreikninga og þú vilt. Ef þú átt Markmiðsreikning nú þegar hafa nýju kjörin tekið gildi og þú þarft ekkert að gera til að virkja þau. Hærri vextir gilda svo lengi sem þú ert í Vild 2 eða 3.

Til að fá allt að 10% endurgreiðslu og aðgang að velferðartorgi þarftu að vera í Fjölskylduleið TM.

Til þess að komast í Fjölskylduleið þarftu að vera með Heimatryggingu 2, 3 eða 4 og að minnsta kosti tvær aðrar eftirfarandi tryggingar:

• Barnatryggingu
• Húseigendatryggingu
• Líftryggingu eða sjúkdómatryggingu
• Slysa- og sjúkratryggingu
• Sumarhúsatryggingu
• Lausafjártryggingu
• Ökutækjatryggingu fyrir fólksbifreið til einkanota

Ef þú ert með aðrar tryggingar hjá TM nýtur þú áfram hagstæðra tryggingakjara sem fylgja Vild Landsbankans. Til að fá allt að 10% endurgreiðslu og aðgang að velferðartorgi þarftu hins vegar að uppfylla skilyrði Fjölskylduleiðar. Vildarkjör taka gildi þegar tryggingar eru keyptar eða endurnýjaðar.

Velferðartorg stendur öllum viðskiptavinum í Fjölskylduleið TM til boða. 

• Á velferðartorginu færðu auðveldan aðgang að sérfræðingum á borð við sálfræðinga, svefnráðgjafa og talmeinafræðinga innan 48 tíma.
• Bæði stað- og fjartímar eru í boði þannig að búseta kemur ekki í veg fyrir að þú getir nýtt þér þjónustuna.
• Fyrsti tíminn er þér að kostnaðarlausu!
• Þegar þú skráir þig inn á velferðartorgið samþykkir þú að sérfræðingar velferðartorgs megi sannreyna að þú sért viðskiptavinur Landsbankans og TM.

Nánar um velferðartorg

Stigasöfnun er almennt uppfærð daglega og ætti því að endurspegla breytingar, eins og þegar viðskiptavinur bætir við sig vöru eða þjónustu, næsta virka dag.

Við útreikning á vildarkjörum er miðað við það vildarþrep sem viðskiptavinur verður í eftir lánveitingu. Ef viðskiptavinur er t.d. í Vild 2 en færist í Vild 3 með nýju íbúðaláni fær hann Vild 3 kjör við lánveitinguna.

Við ákvörðun tryggingakjara er einnig miðað við vildarþrepið sem viðskiptavinur verður í að viðskiptunum loknum. Ef viðskiptavinur er t.d. í Vild 2 en færist í Vild 3 með því að kaupa tryggingar hjá TM fær hann Vild 3 kjör á tryggingapakkanum.

Flokkun viðskiptavina í Vild byggir á lögmætum hagsmunum bankans, sbr. lög um persónuvernd og vinnslu persónuupplýsinga. Lögmætir hagsmunir bankans felast í því að geta flokkað viðskiptavini á sjálfvirkan hátt til að bjóða þeim sérsniðna þjónustu og vildarkjör í samræmi við umsvif og viðskiptasögu þeirra hjá bankanum.

Þar sem vinnslan byggir á lögmætum hagsmunum átt þú rétt á að andmæla henni á grundvelli þinna sérstöku aðstæðna. Ef þú vilt ekki að upplýsingar þínar séu notaðar til að flokka þig í Vild getur þú haft samband við með því að senda okkur tölvupóst á landsbankinn@landsbankinn.is, hafa samband við okkur í netspjallinu í síma 410 4000.

Við munum þá taka andmæli þín til skoðunar og hætta vinnslunni eins fljótt og auðið er, nema sýnt verði fram á brýna lögmæta hagsmuni bankans sem vega þyngra en hagsmunir þínir.