Útboðsgögn
Hlutafjárútboð Íslandsbanka hf.
Um útboðið
Tekið er við áskriftum rafrænt á áskriftarvef útboðsins.
- Haldinn verður opinn kynningarfundur kl. 16.30 miðvikudaginn 14. maí. Fundurinn verður einnig í beinu streymi, sem er opið öllum án skráningar.
- Útboðið hófst kl. 8.30 þriðjudaginn 13. maí og lýkur kl. 17.00 fimmtudaginn 15. maí 2025.
- Til sölu eru að lágmarki 376.094.154 hlutir í Íslandsbanka, sem samsvarar 20,0% af útistandandi hlutafé bankans.
- Fjármála- og efnahagsráðherra hefur heimild, sem hluta af útboðinu, til að stækka útboðið um allt að 473.905.853 hluti í bankanum. Sé heimildin nýtt að fullu verða því 850.000.007 hlutir í bankanum seldir, sem svarar til 45,2% af útistandandi hlutafé bankans.
- Þrír áskriftarmöguleikar eru í boði; tilboðsbók A, tilboðsbók B og tilboðsbók C sem eru ólíkar er varðar þátttöku, forgang, stærð áskrifta og úthlutun. Sala í gegnum tilboðsbók A mun njóta forgangs við úthlutun útboðshluta gagnvart tilboðsbók B, sem nýtur forgangs gagnvart tilboðsbók C.
- Tilboðsbók A er eingöngu ætluð einstaklingum með íslenska kennitölu. Í tilboðsbók A er heimilt að gera tilboð fyrir að lágmarki 100.000 kr., allt að fjárhæð 20.000.000 kr. Í tilboðsbók A er fast verð, 106,56 kr. á hlut.
- Tilboðsbók B er opin bæði einstaklingum og lögaðilum. Í tilboðsbók B er heimilt að gera tilboð umfram 2.000.000 kr. Engin hámarksupphæð á við um tilboð í tilboðsbók B að öðru leyti en því sem takmarkast af heildarstærð útboðsins. Útboðsgengi vegna tilboðsbókar B skal taka mið af hæsta tilboði sem nær grunnmagni, hins vegar má útboðsgengi tilboðsbókar B aldrei vera lægra en fast verð í tilboðsbók A.
- Tilboðsbók C er opin eftirlitsskyldum fagfjárfestum sem gera tilboð fyrir eigin reikning og uppfylla það skilyrði að samanlögð fjárhæð eigna þeirra sé jafnvirði 70 milljarða kr. eða hærri. Í tilboðsbók C er heimilt að gera tilboð umfram 300.000.000 kr. Engin hámarksupphæð á við um tilboð í tilboðsbók C að öðru leyti en því sem takmarkast af heildarstærð útboðsins. Útboðsgengi fyrir tilboðsbók C verður í íslenskum krónum og ákvarðað með hliðsjón af útboðsgengi fyrir tilboðsbók B. Fjárfestum sem gera tilboð í tilboðsbók C verður gefinn kostur á að hækka tilboð sitt til samræmis við útboðsgengi fyrir tilboðsbók B skömmu eftir að útboðsgengi fyrir tilboðsbók B er tilkynnt þann 15. maí.
- Gert er ráð fyrir að niðurstöður útboðsins verði birtar þann 15. maí 2025 og tilkynntar á vef Stjórnarráðsins, Íslandsbanka og Kviku.
- Gert er ráð fyrir að niðurstöður úthlutunar í útboðinu verði tilkynntar fjárfestum þann 16. maí 2025 fyrir opnun markaða.
- Lokadagur greiðslu úthlutaðra hluta er ákveðinn 20. maí 2025 og áætlað er að greiddir útboðshlutir verði afhentir fjárfestum innan tveggja virkra daga frá því að greiðsla berst.
- Barclays Bank Ireland PLC, Citigroup Global Markets Europe AG og Kvika banki hf. eru sameiginlegir alþjóðlegir umsjónaraðilar og sameiginlegir söluaðilar útboðsins. ABN AMRO Bank N.V. (í samstarfi við ODDO BHF SCA), Arctic Securities AS, Arctica Finance hf., Arion banki hf., J.P. Morgan SE, Landsbankinn hf. og UBS Europe SE eru söluaðilar.
Lýsing vegna markaðssetts útboðs (á ensku)
Samantekt lýsingar (á íslensku)
Kynning á Íslandsbanka dagsett 12. maí 2025 (á ensku)
Samandregnar upplýsingar um markaðssett útboð dagsett 12. maí (á íslensku)
Áskriftarleiðir
| Tilboðsbók A | Tilboðsbók B | Tilboðsbók C | |
|---|---|---|---|
| Þátttaka | Aðeins opin einstaklingum með íslenska kennitölu. | Opin öllum fjárfestum. | Aðeins opin eftirlitsskyldum fagfjárfestum sem gera tilboð fyrir eigin reikning og uppfylla það skilyrði að samanlögð fjárhæð eigna þeirra sé jafnvirði 70 ma.kr. eða hærri. |
| Tilboðsverð | Fast verð, 106,56 kr. á hlut. | Tilboð skulu gerð á eða yfir lágmarksverði, 106,56 kr. á hlut. Söluverð skal vera lægsta tilboðsverð sem nær lágmarksstærð útboðsins en lágmarksverð skal þó ekki vera lægra en fasta verðið í tilboðsbók A. | Söluverð skal vera hið sama og í tilboðsbók B og tilboðsgjöfum í tilboðsbók C skal gefinn kostur á að hækka tilboðsverð sín til jafns við verðið í tilboðsbók B hafi tilboð þeirra verið lægri. |
| Stærð áskrifta | Áskriftir fyrir kaupverð frá 100.000 kr. til 20.000.000 kr. | Lágmarkstilboð 2.000.000 kr. | Lágmarkstilboð 300.000.000 kr. |
| Áskriftartímabil | Móttaka áskrifta hefst kl. 8:30 þriðjudaginn 13. maí 2025 og lýkur kl. 17:00 fimmtudaginn 15. maí. Fjárfestar geta uppfært áskriftir sínar á áskriftartímabilinu með því að eyða núverandi áskrift á áskriftarvef og setja inn nýja. | Móttaka áskrifta hefst kl. 8:30 þriðjudaginn 13. maí 2025 og lýkur kl. 17:00 fimmtudaginn 15. maí. Fjárfestar geta uppfært áskriftir sínar á áskriftartímabilinu með því að eyða núverandi áskrift á áskriftarvef og setja inn nýja. | Móttaka áskrifta hefst kl. 8:30 þriðjudaginn 13. maí 2025 og lýkur kl. 17:00 fimmtudaginn 15. maí. Fjárfestar geta uppfært áskriftir sínar á áskriftartímabilinu. Fjárfestum mun gefast kostur á að hækka tilboðsverð sín til jafns við verðið í tilboðsbók B hafi tilboð þeirra verið lægri. |
| Sértækar reglur um úthlutun | Áskriftir í tilboðsbók A munu njóta forgangs umfram aðrar tilboðs-bækur við úthlutun. Áskriftir í tilboðsbók A verða ekki skertar nema tilboðsbók A fylli heildarmagn útboðsins. | Reynist nauðsynlegt að skerða áskriftir til að mæta eftirspurn skal það gert á grundvelli tilboðsverðs eingöngu. Reynist nauðsynlegt að skerða lægstu samþykktu tilboð skal það gert hlutfallslega. Úthlutun til fjárfesta í tilboðsbók B mun fara fram án þess að sæta skerðingu vegna eftirspurnar fjárfesta í tilboðsbók C. | Úthlutun í tilboðsbók C skal byggja á fyrirframákveðnum og birtum viðmiðum sem hafa hagkvæmni útboðsins að leiðarljósi. |
| Afhending hlutabréfa | Stefnt er að afhendingu hlutabréfa í síðasta lagi tveimur virkum dögum eftir móttöku greiðslna vegna einstakra áskrifta. 16. maí 2025 – Tilkynnt um úthlutun og greiðsluseðlar gerðir aðgengilegir í heimabanka. 20. maí 2025 – Eindagi áskrifta. Áætlaður síðasti afhendingardagur hlutabréfa – tveimur virkum dögum eftir móttöku greiðslu. | Stefnt er að afhendingu hlutabréfa í síðasta lagi tveimur virkum dögum eftir móttöku greiðslna vegna einstakra áskrifta. 16. maí 2025– Tilkynnt um úthlutun og greiðsluseðlar gerðir aðgengilegir í heimabanka. 20. maí 2025 – Eindagi áskrifta. Áætlaður síðasti afhendingardagur hlutabréfa – tveimur virkum dögum eftir móttöku greiðslu. | Stefnt er að afhendingu hlutabréfa í síðasta lagi tveimur virkum dögum eftir móttöku greiðslna vegna einstakra áskrifta. 16. maí 2025 – Tilkynnt um úthlutun og greiðsluseðlar gerðir aðgengilegir í heimabanka. 20. maí 2025 – Eindagi áskrifta. Áætlaður síðasti afhendingardagur hlutabréfa – tveimur virkum dögum eftir móttöku greiðslu. |