Íslenska kvennalandsliðið í knattspyrnu keppir í lokakeppni Evrópumeistaramótsins sem fram fer í Sviss í sumar. Til marks um styrkleika íslenskrar knattspyrnu þá er þetta í fimmta sinn í röð sem þær keppa á stórmóti. Í tilefni þess langaði okkur að búa til tækifæri til að senda þær á EM með meiri stuðning en nokkru sinni fyrr.

Á Evrópumótinu, þar sem saman koma sterkustu lið álfunnar, leikur íslenska liðið í riðli með Sviss, Noregi og Finnlandi. Stelpurnar okkar hafa ítrekað sýnt og sannað að Ísland búi yfir landsliði í fremstu röð, en þetta er í fimmta sinn í röð sem þær komast inn á lokamót EM.

Á síðasta Evrópumóti fór Ísland taplaust í gegnum riðilinn sinn og var grátlega nálægt því að komast í 16 liða úrslit. Í ár mæta Stelpurnar enn ákveðnari, enn einbeittari og enn sterkari til leiks, staðráðnar í að brjóta blað í sögunni.