Listaverkaganga
Listakonur í Landsbankanum
Ný sýning á listaverkum í eigu bankans sem eru eftir konur opnar á Menningarnótt 23. ágúst 2025.
Sýningin mun standa út árið.
Leiðsögn um sýninguna
Sigrún Hrólfsdóttir, myndlistarkona og sýningarstjóri býður upp á leiðsögn um sýninguna kl. 12, 13 og 14 og í kjölfarið gefst gestum kostur á að taka þátt í göngu um húsið og skoða önnur listaverk sem þar eru.
Um sýninguna og listaverkagöngurnar
Í tilefni Kvennaárs 2025 opnar ný myndlistarsýning í Reykjastræti 6 þar sem sjónum verður beint að listaverkum í eigu bankans sem eru eftir konur. Sýningin opnar á Menningarnótt og um leið uppfærum við listaverkavef Landsbankans með sérstakri umfjöllun um listaverk eftir konur.
Athugið að pláss í göngurnar er takmarkað og er skráning í þær því nauðsynleg. Boðið verður upp á léttar kaffiveitingar.
Sýningin er á jarðhæð Landsbankans í Reykjastræti 6 sem er opin alla virka daga milli kl. 9-17. Sýningin mun standa út árið 2025.